എസ്എസ്എൽസി കഴിഞ്ഞാൽ ടൈപ്പ് റൈറ്റിങ്, ഒരുകാലത്തെ ട്രെൻഡ് ഇങ്ങനെയായിരുന്നു. പിന്നീട് കംപ്യൂട്ടറും ലാപ്ടോപ്പും സ്മാർട് ഫോണുകളും വന്നപ്പോൾ ടൈപ്പ് റൈറ്റിങ് പഠനം ആർക്കും വേണ്ടാതായി . എന്നാൽ കേരള പി എസ് സി ഇപ്പോഴും ചില തസ്തികളിൽ ടൈപ്പ് റൈറ്റിങ്  യോഗ്യത ആവശ്യപെടുന്നുണ്ട് . അതിൽ  ഒന്നാണ് എൽഡി ടൈപ്പിസ്റ്റ്. ടൈപ്പ് റൈറ്റിങ്‌ യോഗ്യതയുള്ള ആർക്കും സർക്കാർ ജോലി നേടാനുള്ള അവസരം നൽകുന്ന ഒരു തസ്തികയാണിത് . ഈ തസ്തികയുടെ വിശദാംശങ്ങളും ഈ ജോലി ലഭിക്കുന്നതിനായി എഴുതേണ്ട പരീക്ഷയുടെ വിശദാംശങ്ങളും നമുക്ക് നോക്കാം .

നോട്ടിഫിക്കേഷൻ 

2023 ഡിസംബറിലാണ് നോട്ടിഫിക്കേഷൻ വന്നത് . 684/2023 എന്ന കാറ്റഗറി നമ്പറിലാണ് നോട്ടിഫിക്കേഷൻ വന്നത് .  പരീക്ഷയുടെ തീയതി ജനുവരി ആദ്യം പുറത്തിറങ്ങി. ഇതിൻ പ്രകാരം ഓഗസ്റ്റ് -സെപ്റ്റംബർ മാസങ്ങളിലാണ് പരീക്ഷ നടക്കുന്നത് . ഇനിയും രണ്ടോ മൂന്നോ മാസങ്ങളോളം പഠിക്കാൻ സമയമുണ്ട്  . ചിട്ടയായ പഠനക്രമവും മികച്ച പരിശ്രമവും  ഉണ്ടെങ്കിൽ, ആർക്കും ഈ പരീക്ഷ എളുപ്പത്തിൽ മറികടക്കാൻ കഴിയും. ഈ തസ്തികയുടെ വിശദാംശങ്ങളും ഈ ജോലി ലഭിക്കുന്നതിനായി എഴുതേണ്ട പരീക്ഷയുടെ വിശദാംശങ്ങളും നമുക്ക് നോക്കാം .

വിദ്യാഭ്യാസ യോഗ്യത

• ഏതെങ്കിലും വിഷയത്തിൽ ബിരുദം.

• ടൈപ്പ് റൈറ്റിംഗ് (ഇംഗ്ലീഷ്) (KGTE) ലോവർ അല്ലെങ്കിൽ തത്തുല്യം.

• ടൈപ്പ് റൈറ്റിംഗ് (മലയാളം) (KGTE) ലോവർ അല്ലെങ്കിൽ തത്തുല്യം.

• കേരള സർക്കാർ അംഗീകൃത സ്ഥാപനത്തിൽ നിന്നുള്ള  6 മാസത്തിൽ കുറയാത്ത  ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ (DCA).

പ്രായപരിധി

18 വയസ്സ് മുതൽ 36 വയസ്സ് വരെയുള്ള ഉദ്യോഗാർത്ഥികൾക്ക്‌ അപേക്ഷിക്കാം . 02.01.1987 നും 01.01.2005 നും ഇടയിൽ ജനിച്ച ഉദ്യോഗാർത്ഥികൾക്ക് മാത്രമേ ഈ തസ്തികയിലേക്ക് അപേക്ഷിക്കാൻ അർഹതയുള്ളൂ (രണ്ട് തീയതികളും ഉൾപ്പെടുന്നു). മറ്റ് പിന്നാക്ക സമുദായങ്ങൾക്കും എസ്‌സി/എസ്‌ടി ഉദ്യോഗാർത്ഥികൾക്കും  ഇളവിന് അർഹതയുണ്ട്. OBC വിഭാഗക്കാർക്ക് 39 വയസ്സ് വരെയും SC/ST വിഭാഗക്കാർക്ക് 41 വയസ്സു വരെയും അപേക്ഷിക്കാം.

ശമ്പളം 

27,200-73,600/- രൂപയാണ്  എൽഡി ടൈപ്പിസ്റ്റ്  പ്രതിമാസ ശമ്പള സ്കയിൽ . 27,200 തുടക്ക ശമ്പളമെങ്കിലും  എല്ലാ അലവൻസുകളും ചേർത്ത്  ഈ അടിസ്ഥാനശമ്പളത്തിൽ കൂടുതൽ നമുക്ക്  ആദ്യ മാസങ്ങളിൽ തന്നെ കയ്യിൽ ലഭിക്കും .