Question

ഇന്ത്യയുടെ സാംസ്കാരിക ചരിത്രവുമായി ബന്ധപ്പെട്ട് താഴെ നൽകിയിരിക്കുന്ന പ്രസ്താവനകളിൽ ശരിയായവ കണ്ടെത്തുക :

1. കേരളത്തിന്റെ തനതു നൃത്തരൂപമാണ് ഭരതനാട്യം
2. കർണ്ണാടകയുടെ തനതുസംഗീതശാഖയാണ് സോപാനസംഗീതം
3. ഇന്ത്യയിൽ നിന്നാദ്യമായി ലോക പൈതൃക പട്ടികയിൽ ഇടം നേടിയവ അജന്ത-എല്ലോറ ഗുഹകൾ, താജ്മഹൽ എന്നിവയാണ്
4. ചരിത്രത്തെ വർത്തമാനകാലവുമായി ബന്ധിപ്പിക്കുന്ന കണ്ണികളാണ് സ്മാരകങ്ങൾ

• A. എല്ലാം ശരി
• B. iii, iv ശരി
• C. i, ii ശരി
• D. i, iv ശരി

Answer 1

Answer:

B. iii, iv ശരി

ഭരതനാട്യം

• ദക്ഷിണേന്ത്യയിലെ ഏറ്റവും പഴക്കമുള്ള ക്ലാസ്സിക്കൽ നൃത്തരൂപം
• ദക്ഷിണേന്ത്യയിലെ, പ്രത്യേകിച്ച് തമിഴ്നാട്ടിലെ ക്ഷേത്രങ്ങളിൽ നിന്നാണ് ഭരതനാട്യം എന്ന നൃത്തരൂപം ഉത്ഭവിച്ചത്.
• ക്ലാസ്സിക്കല്‍ പദവി ലഭിച്ച തമിഴ്നാട്ടിലെ നൃത്തരൂപം
• ഭരതനാട്യത്തെക്കുറിച്ചുള്ള വിവരങ്ങൾ ഭരതമുനിയുടെ നാട്യശാസ്ത്രം ഉൾപ്പെടെയുള്ള പല പുരാതന ഗ്രന്ഥങ്ങളിലും പ്രതിപാദിച്ചിട്ടുണ്ട്
  
  
•  'സാദിർ' എന്ന് മുൻപ് അറിയപ്പെട്ടിരുന്ന നൃത്തരൂപത്തെ പുനരുജ്ജീവിപ്പിച്ച് ഭരതനാട്യം എന്ന പേരു നൽകിയ വ്യക്തി  - രുഗ്മിണിദേവി അരുണ്ഡേൽ
• ചലിക്കുന്ന കാവ്യം എന്നറിയപ്പെടുന്ന നൃത്തരൂപം
•  അഭിനയ ദര്‍പ്പണം ഭരതനാട്യത്തിന്റെ അടിസ്ഥാനഗ്രന്ഥമാണ്‌

NB:കേരളത്തിന്റെ തനതു നൃത്തരൂപം മോഹിനിയാട്ടം ആണ്

സോപാനസംഗീതം

• കേരളത്തിലെ ക്ഷേത്രങ്ങളുമായി ബന്ധപ്പെട്ട് അവതരിപ്പിച്ചു വരുന്ന ഒരു കലാരൂപമാണ് സോപാനസംഗീതം. 
• ക്ഷേത്രങ്ങളിലെ നടയടച്ചുതുറക്കലിനാണ് സാധാരണയായി സോപാനസംഗീതം അവതരിപ്പിക്കാറുള്ളത്.
• അമ്പലവാസി മാരാർ,പൊതുവാൾ സമുദായത്തിൽപ്പെട്ടവരാണ് സോപാന സംഗീതം സാധാരണയായി അവതരിപ്പിക്കുന്നത്.
• ഇടക്കയാണ് സോപാനസംഗീതത്തിൽ സാധാരണ വാദ്യമായി ഉപയോഗിക്കുന്നത്.

ലോക പൈതൃക പട്ടിക

• പൈതൃക സംരക്ഷണത്തിനായി ഐക്യരാഷ്ട്ര സഭയുടെ അഭിമുഖ്യത്തിൽ 1972-ൽ സംഘടിപ്പിച്ച ഒരു കൺവെൻഷനു ശേഷമാണ് ലോക പൈതൃക പട്ടിക നിലവിൽ വന്നത്.
• 1977 നവംബർ 14-ന് ഇന്ത്യ കൺവെൻഷൻ അംഗീകരിച്ചതോടെയാണ് ഇന്ത്യയിൽ നിന്നുള്ള പ്രദേശങ്ങളെ ലോക പൈതൃക പട്ടികയിൽ ഉൾപ്പെടുത്തുവാൻ തുടങ്ങിയത്
• ലോക പൈതൃക പട്ടിക പുറത്തിറക്കുന്ന അന്താരാഷ്ട്ര സംഘടന - യുനെസ്‌കോ 
• യു.എന്നിന്റെ വിദ്യാഭ്യാസ ശാസ്ത്ര സാംസ്‌കാരിക സംഘടനയാണ് UNESCO
• അജന്ത ഗുഹകൾ, എല്ലോറ ഗുഹകൾ, ആഗ്ര ഫോർട്ട്, താജ്മഹൽ എന്നിവയായിരുന്നു ഇന്ത്യയിൽ നിന്ന് ആദ്യം പട്ടികപ്പെടുത്തിയ പൈതൃക കേന്ദ്രങ്ങൾ
• ഇവയെല്ലാം ലോക പൈതൃക സമിതിയുടെ 1983 ലെ സെക്ഷനിലാണ് ഉൾപ്പെടുത്തിയത്