കുട്ടനാടിന്റെ ഉയർന്ന പ്രദേശത്ത് കാണപ്പെടുന്ന മണ്ണിനം ?
Aചെമ്മണ്ണ്
Bകരപ്പാടം മണ്ണ്
Cതീരദേശ എക്കൽ മണ്ണ്
Dഓണാട്ടുകര എക്കൽ മണ്ണ്
Answer:
B. കരപ്പാടം മണ്ണ്
Read Explanation:
കരപ്പാടം മണ്ണ്
- നദിയുടെ ഒഴുക്കിൻ്റെ ഫലമായി രൂപം കൊള്ളുന്ന മണ്ണിനം
- കുട്ടനാടിന്റെ ഉയർന്ന പ്രദേശങ്ങളിലാണ് ഇവ കാണപ്പെടുന്നത്
- ഉയർന്ന അമ്ലത്വമാണ് ഈ മണ്ണിന്റെ പ്രധാന പ്രത്യേകത
ചെമ്മണ്ണ്
- പരലീകൃതമായ ശിലകളിൽനിന്നും കായാന്തരിതശിലകളിൽ നിന്നും വേർപെടുന്ന ഇരുമ്പിന്റെ (അയൺ ഓക്സൈഡിൻ്റെ) സാന്നിധ്യം മൂലമാണ് ഈ മണ്ണിനത്തിന് ചുവപ്പു നിറമുണ്ടാകുന്നത്.
- കേരളത്തിലെ തെക്കൻ പ്രദേശങ്ങളിൽ (തിരുവനന്തപുരത്തിൻ്റെ തെക്കു ഭാഗങ്ങളിൽ) വ്യാപകമായി കണ്ട് വരുന്നു
- ജൈവ വസ്തുക്കളുടെയും സസ്യജന്യ പോഷകങ്ങളുടെയും കുറവ് മൂലം ഈ മണ്ണിന് ഫലപുഷ്ടി തീരെ കുറവാണ്
- കുന്നിൻ ചെരുവുകളിലാണ് പ്രധാനമായും ചെമ്മണിന്റെ സാന്നിധ്യം ഉള്ളത്
തീരദേശ എക്കൽ മണ്ണ്
- കേരളത്തിന്റെ പടിഞ്ഞാറൻ സമുദ്രതീരത്തും അതിനോട് ചേർന്ന് കിടക്കുന്ന സമതലപ്രദേശത്തും കണ്ടുവരുന്നു
- ഈ മണ്ണിൽ ഫലപുഷ്ടി കുറവായി അനുഭവപ്പെടുന്നു,മണ്ണിന്റെ 80 ശതമാനത്തിനുമുകളിൽ മണലിന്റെ അംശമായതുകൊണ്ടാണ് ഇത്.
- ഈർപ്പം നിലനിർത്താനുള്ള കഴിവും തീരദേശ എക്കൽ മണ്ണിന് വളരെ കുറവാണ്
ഓണാട്ടുകര എക്കൽ മണ്ണ്
- കരുനാഗപ്പള്ളി, കാര്ത്തികപ്പള്ളി, മാവേലിക്കര താലൂക്കുകളില് കാണപ്പെടുന്നു
- കടൽ വസ്തുക്കളുടെ നിക്ഷേപം മൂലം രൂപം കൊള്ളുന്നു
- കൂടുതല് മണലും കുറച്ചു ചെളിയുമുള്ള മണ്ണാണിത്.
- അതിനാൽ തന്നെ ജലസംഭരണശേഷി വളരെ കുറവാണ്.
- അമ്ലത്വം കൂടുതലുള്ള ഈ മണ്ണില് ജൈവാംശവും മൂലകങ്ങളും വളരെ കുറവാണ്.
- തെങ്ങ്, നെല്ല്, എള്ള് മരച്ചീനി എന്നിവയാണ് ഇതിൽ കൃഷി ചെയ്യുന്ന പ്രധാന വിളകള്