Question

ഗബ്രിയേൽ ആൽമണ്ടും സിഡ്നി വെർബയും തരംതിരിച്ച രാഷ്ട്രീയ സംസ്കാരങ്ങളിൽ തെറ്റായ പ്രസ്താവന ഏതാണ് ?

1. സങ്കുചിതമായ രാഷ്ട്രീയ സംസ്കാരത്തിൽ (Parochial Political Culture) ജനങ്ങൾക്ക് രാഷ്ട്രീയത്തെക്കുറിച്ച് മതിയായ അറിവുണ്ടാകും.
2. സബ്ജക്‌ട് രാഷ്ട്രീയ സംസ്കാരത്തിൽ (Subject Political Culture) ജനങ്ങൾക്ക് രാഷ്ട്രീയ പ്രക്രിയയെക്കുറിച്ച് വ്യാപകമായ അറിവുണ്ടെങ്കിലും രാഷ്ട്രീയ പ്രവർത്തനങ്ങളിൽ പങ്കെടുക്കാൻ വിമുഖത കാണിക്കുന്നു.
3. ആഫ്രിക്കൻ രാജ്യങ്ങളായ സൊമാലിയ, സിയേറാ ലിയോൺ തുടങ്ങിയവ സബ്ജക്‌ട് രാഷ്ട്രീയ സംസ്കാരത്തിന് ഉദാഹരണങ്ങളാണ്.

• A. ഒന്നും രണ്ടും തെറ്റ്
• B. രണ്ടും മൂന്നും തെറ്റ്
• C. ഒന്നും മൂന്നും തെറ്റ്
• D. മൂന്ന് മാത്രം തെറ്റ്

Answer 1

Answer:

C. ഒന്നും മൂന്നും തെറ്റ്

Political Culture

• ഒരു ജനതയുടെ രാഷ്ട്രീയ മനോഭാവവും ചിന്തയും സ്വഭാവവും അവർ വച്ചു പുലർത്തുന്ന മൂല്യബോധവും വൈകാരികതയും ചേർന്ന രാഷ്ട്രീയ അവബോധമാണ് രാഷ്ട്രീയ സംസ്ക‌ാരം.

രാഷ്ട്രീയ സംസ്ക്‌കാരത്തിൻ്റെ പ്രമുഖ വക്താക്കൾ ഗബ്രിയേൽ ആൽമണ്ട് (Gabriel Almond) സിഡ്നി വെർബ (Sydney Verba)

വിവിധതരം രാഷ്ട്രീയ സംസ്കാരങ്ങൾ (Types of Political Culture)

• ഒരു വ്യക്തിയുടെ രാഷ്ട്രീയ പങ്കാളിത്തത്തെ അടിസ്ഥാനമാക്കി ഗബ്രിയേൽ ആൽമണ്ടും സിഡ്‌നി വെർബയും രാഷ്ട്രീയ സംസ്‌കാരത്തെ തരംതിരിച്ചു.

• ആൽമണ്ടിൻറെയും വെർബയുടെയും അഭിപ്രായത്തിൽ മൂന്ന് തരത്തിലുള്ള രാഷ്ട്രീയ സംസ്‌കാരങ്ങൾ നിലനിൽക്കുന്നു.

1. സങ്കുചിതമായ രാഷ്ട്രീയ സംസ്കാരം (Parochial Political Culture)

• മതിയായ രാഷ്ട്രീയ ബോധം ഇല്ലാത്ത ജനം വെച്ചു പുലർത്തുന്ന രാഷ്ട്രീയ മനോഭാവമാണ് സങ്കുചിതമായ രാഷ്ട്രീയ സംസ്ക‌ാരം.

• രാഷ്ട്രീയത്തെ കുറിച്ചുള്ള പൊതുവായ അജ്ഞതയും അതിന്റെ ഫലമായി രാഷ്ട്രീയ പ്രവർത്തനങ്ങളിൽ പങ്കാളിത്തമില്ലായ്മയും ഇത്തരം സംസ്‌കാരങ്ങളിൽ ഉണ്ടാകുന്നു.

  ഉദാ : വളരെ കുറഞ്ഞ വികസനം മാത്രമുള്ള ആഫ്രിക്കൻ രാജ്യങ്ങളായ സൊമാലിയ, സിയേറലിയോണീ മുതലായവ

2. സബ്ജക്‌ട് രാഷ്ട്രീയ സംസ്ക്‌കാരം (Subject Political Culture)

• രാഷ്ട്രീയ പ്രക്രിയയെക്കുറിച്ചുള്ള വ്യാപകമായ അറിവും എന്നാൽ പലപ്പോഴും ശക്തിയില്ലായ്മ കാരണം രാഷ്ട്രീയ പ്രവർത്തനങ്ങളിൽ പങ്കെടുക്കാനുള്ള വിമുഖതയും ഈ സംസ്‌കാരത്തിൽ കാണുന്നു.

ഉദാ : മുഗൾ ഭരണകാലത്തെയും ബ്രിട്ടീഷ് ഭരണകാലത്തെയും ഗ്രാമീണ ഇന്ത്യയിൽ ഉണ്ടായിരുന്ന രാഷ്ട്രീയ സംസ്കാരം.

3. പങ്കാളിത്ത രാഷ്ട്രീയ സംസ്ക്കാരം (Participant Political Culture)

• രാഷ്ട്രനിർമ്മാണ പ്രക്രിയയിൽ ഒരു ജനത സങ്കീർണമായി പങ്കുകൊള്ളുന്ന രാഷ്ട്രീയ മനോഭാവമാണിത്

• ജനങ്ങൾക്ക് രാഷ്ട്രീയ പ്രക്രിയയെക്കുറിച്ചുള്ള അറിവും രാഷ്ട്രീയ പ്രക്രിയയിൽ പങ്കെടുക്കുവാനുള്ള സന്നദ്ധതയും ഒരു സംസ്ക്‌കാരത്തിൻ്റെ ഭാഗമാണ്.

• അമേരിക്കൻ രാഷ്ട്രീയ സംസ്ക്‌കാരം ഇതിനുദാഹരണമാണ്.