Question

ജീൻ പിയാഷെയുടെ അഭിപ്രായത്തിൽ ഭാഷണ വികസനത്തിന്റെ ഘട്ടങ്ങൾ ഏവ :

• A. അഹംകേന്ദ്രീകൃതം ,പരം കേന്ദ്രീകൃതം
• B. വ്യക്തികേന്ദ്രീകൃതം ,വ്യക്ത്യാന്തരം
• C. അഹം കേന്ദ്രീകൃതം, സമൂഹ വൽകൃതം
• D. സാമാന്യ വൽകൃതം വിശേഷവൽകൃതം

Answer 1

Answer:

C. അഹം കേന്ദ്രീകൃതം, സമൂഹ വൽകൃതം

ഭാഷാ വികസനം - പിയാഷെ

• ഭാഷയെ നിർണയിക്കുന്നത് ചിന്തയാണ് എന്ന് അഭിപ്രായപ്പെട്ടത് പിയാഷെയാണ്.
• ബോധനത്തിലൂടെ ത്വരിതപ്പെടുത്തുവാനോ, മന്ദീഭവിപ്പിക്കുവാനോ കഴിയുന്ന ഒന്നല്ല വികാസം എന്നദ്ദേഹം പറയുന്നു. 
• ഓരോ ഘട്ടത്തിലും എത്തി ചേരുന്ന മുറയ്ക്ക് മാത്രമേ, കുട്ടികളെ ഓരോ ആശയവും പഠിപ്പിക്കാനാവൂ എന്നദ്ദേഹം വാദിക്കുന്നു.

 

കുട്ടികളുടെ ഭാഷണത്തെ ആസ്പദമാക്കി, പിയാഷെയുടെ വർഗീകരണം:

1. അഹം കേന്ദ്രീകൃതം (Ego - centered)
2. സാമൂഹീകൃതം (Socialised)

 

അഹം കേന്ദ്രീകൃതം :

• തനിയെയുള്ള സംസാരത്തെയാണ്, അഹം കേന്ദ്രീകൃത ഭാഷണം എന്നറിയപ്പെടുന്നത്. 
• പ്രവർത്തനങ്ങളുടെ അകമ്പടി എന്ന നിലയിലാണ് സ്വയം ഭാഷണമുണ്ടാകുന്നത്.
• ശ്രോതാക്കൾക്ക് പങ്കില്ലാത്ത ഭാഷണമാണിത്.
• തനിച്ചാകുമ്പോഴല്ല, കൂട്ടത്തോടെ പ്രവർത്തിക്കുമ്പോഴാണ്, കുട്ടികളിൽ സ്വയം ഭാഷണം നടക്കുന്നത്.
• മറ്റുള്ളവർക്ക് മനസ്സിലാകുന്നുണ്ടെന്ന് ചിന്തിക്കുമ്പോഴാണ്, കുട്ടി സ്വയം ഭാഷണം നടത്തുന്നത്.
• കേൾക്കാൻ കഴിയുന്ന ഒന്നാണ് സ്വയം ഭാഷണം; മന്ത്രിക്കപ്പെടുന്ന ഒന്നല്ല.

 

സാമൂഹീകൃതം :

• അന്യരെ വിമർശിച്ച് കൊണ്ട്, അഭിപ്രായ പ്രകടനങ്ങൾ നടത്തുന്ന ഭാഷണത്തെയാണ്, സാമൂഹീകൃതം എന്നഭിപ്രായപ്പെട്ടത്. 
• അപേക്ഷിക്കുക, ചോദ്യങ്ങൾ ചോദിക്കുക, ഉത്തരം പറയുക, ആജ്ഞാപിക്കുക എന്നിവ ഇതിൽ ഉൾപ്പെടുന്നു. 
• സ്വയം ഭാഷ അസ്ഥമിച്ചതിന് ശേഷം, സാമൂഹിക ഭാഷണം രൂപപ്പെടുന്നു.
• ഇവിടെ ശ്രോതാവിനോടാണ് സംസാരിക്കുന്നത്.