Question

നെപ്പോളിയൻ 1799 ൽ അധികാരത്തിൽ വന്ന ശേഷം കൊണ്ട് വന്ന ഭരണ പരിഷ്ക്കാരങ്ങൾ ഇവയിൽ ഏതെല്ലാമായിരുന്നു ?

1. കർഷകരെ കൃഷിഭൂമിയുടെ ഉടമകളാക്കി
2. ഫ്രാൻസിന്റെ പഴയ നിയമസംഹിതയെ തന്നെ ഉപയോഗപ്പെടുത്തി
3. സിങ്കിങ് ഫണ്ട് എന്ന പേരിൽ സൈനിക ആവശ്യങ്ങൾക്കായി മാത്രം ഒരു ഫണ്ട് രൂപീകരിച്ചു.

• A. എല്ലാം
• B. ii, iii
• C. iii മാത്രം
• D. i മാത്രം

Answer 1

Answer:

D. i മാത്രം

നെപ്പോളിയന്റെ ഭരണ പരിഷ്കാരങ്ങൾ :

• 1799 ൽ നെപ്പോളിയൻ  ഫ്രാൻസിൻ്റെ അധികാരം പിടിച്ചെടുത്തു.
• ഒരു ഏകാധിപതിയായിരുന്നെങ്കിലും നിരവധി പരിഷ്കാരങ്ങൾ അദ്ദേഹം നടപ്പിലാക്കി.
• ഫ്രഞ്ച് വിപ്ലവം മുന്നോട്ടു വച്ച ചില ആശയങ്ങളും ലക്ഷ്യങ്ങളുമായിരുന്നു ഈ പരിഷ്കാരങ്ങൾക്ക് പ്രചോദനമായത്

പ്രധാന പരിഷ്കാരങ്ങൾ :

• കർഷകരെ കൃഷിഭൂമിയുടെ ഉടമകളാക്കി
• പൊതുകടം ഇല്ലാതാക്കാൻ സിങ്കിങ് ഫണ്ട് എന്ന പേരിൽ ഒരു പ്രത്യേക ഫണ്ട് രൂപീകരിച്ചു.
• ഗതാഗതപുരോഗതിക്കായി നിരവധി റോഡുകൾ നിർമിച്ചു.
• പുരോഹിതന്മാരുടെമേൽ രാജ്യത്തിന്റെ നിയന്ത്രണം ഏർപ്പെടുത്തി.
• സാമ്പത്തികപ്രവർത്തനങ്ങൾക്കായി ബാങ്ക് ഓഫ് ഫ്രാൻസ് സ്ഥാപിച്ചു.
• നിലവിലുള്ള നിയമങ്ങൾ ക്രോഡീകരിച്ച് ഒരു പുതിയ നിയമസംഹിതയുണ്ടാക്കി.