Question

പരീക്ഷയിൽ തോൽക്കുന്ന കുട്ടി, ചോദ്യ കർത്താവിനെയും, പരീക്ഷ സമ്പ്രദായത്തെയും, ഉത്തരക്കടലാസ് പരിശോധകനെയും പഴി പറയുന്നു. ഇത് ഏതുതരം സമായോജന തന്ത്രമാണ് ?

• A. മധുരിക്കുന്ന നാരങ്ങ ശൈലി
• B. പുളിമുന്തിരി ശൈലി
• C. അനുപൂരണം
• D. ഒട്ടകപക്ഷി മനോഭാവം

Answer 1

Answer:

B. പുളിമുന്തിരി ശൈലി

യുക്തീകരണം (Rationalization) 

• വ്യക്തി തന്റെ ബലഹീനതകൾ / പരാജയങ്ങൾ /  കഴിവുകേടുകൾ തുടങ്ങിയവയെ തെറ്റായ കാരണങ്ങൾ വഴി ന്യായീകരിക്കുന്ന തന്ത്രം. 
• ഉദാ: കയ്യക്ഷരം മോശമായതിന് പേനയെ കുറ്റം പറയുക. 
• ആഗ്രഹിച്ച മൊബൈൽ ഫോൺ വാങ്ങാൻ സാധിക്കാതെ മറ്റൊന്ന് വാങ്ങേണ്ടി വരുമ്പോൾ അതിന് പിക്ചർ ക്ലാരിറ്റി കുറവാണെന്നും, താൻ ഇപ്പോൾ വാങ്ങിയതാണ് കിട്ടാവുന്നതിൽ ഏറ്റവും മികച്ചത് എന്ന് സങ്കല്പ്പിക്കുക. 
• നിരാശാബോധം കുറയ്ക്കുക എന്നതാണ് യുക്തീകരണത്തിന്റെ പ്രധാനലക്ഷ്യം.
• പ്രധാനമായും യുക്തീകരണം 2 തരത്തിലുണ്ട്
  1. മധുരിക്കുന്ന നാരങ്ങ ശൈലി (Sweet Lemonism)
  2. പുളിമുന്തിരി ശൈലി (Sour Grapism)

മധുരിക്കുന്ന നാരങ്ങ ശൈലി:

• വ്യക്തി തന്റെ നേട്ടത്തിലോ, ഇപ്പോഴുള്ള അവസ്ഥയിലോ തൃപ്തനാകാതെ വരുമ്പോൾ, സ്വീകരിക്കുന്ന തന്ത്രമാണിത്.
• ഉയർന്ന ലക്ഷ്യം നേടാൻ കഴിയാതെ വരുമ്പോൾ മാത്രം നിലവിലുള്ള അവസ്ഥയിൽ സംതൃപ്തനാകുന്ന ക്രിയാത്രന്തം.

ഉദാഹരണം:

• ഐ.എ.എസ് പരീക്ഷ പല പ്രാവശ്യം എഴുതി വിജയം കാണാതെ വന്ന ഒരു ക്ലാർക്ക്, സ്വയം പ്രതിരോധിച്ചു കൊണ്ട് പറയുകയാണ്, ക്ലാർക്കിന്റെ ജോലി തന്നെയാണ് നല്ലതെന്ന്.
• ഡിസ്മിസ് ചെയ്യപ്പെട്ട ഉദ്യോഗസ്ഥൻ, തനിക്കിപ്പോൾ കുടുംബം നോക്കാൻ ഇഷ്ടം പോലെ സമയം കിട്ടുന്നു, എന്ന് പറയുന്നത്.

പുളിമുന്തിരി ശൈലി:

• പല പ്രാവശ്യം ശ്രമിച്ചിട്ടും, ലക്ഷ്യം നേടാൻ കഴിയാതെ വരുമ്പോൾ, ഒടുവിൽ അത് തനിക്ക് ആവശ്യമില്ല എന്ന് പറയുന്ന രീതിയാണ് ഇത്.
• നിരാശയോട് പൊരുത്തപ്പെടാൻ, വ്യക്തി ലക്ഷ്യത്തെ പൂർണമായി നിരാകരിക്കുന്ന ശൈലി.

ഉദാഹരണം:

• പരീക്ഷയിൽ തോൽക്കുന്ന കുട്ടി, ചോദ്യ കർത്താവിനെയും, പരീക്ഷ സമ്പ്രദായത്തെയും, ഉത്തരക്കടലാസ് പരിശോധകനെയും പഴി പറയുന്നു.