Question

പുംബീജങ്ങളുമായി ബന്ധപ്പെട്ട ശരിയായ പ്രസ്താവനകൾ ഏതെല്ലാം ?

1. ശിരസ്സ്, ഉടൽ, വാൽ എന്നിങ്ങനെ മൂന്ന് ഭാഗങ്ങളുണ്ട്.
2. ഇവ ചലനശേഷിയില്ലാത്ത സൂക്ഷ്‌മകോശങ്ങളാണ്
3. പുംബീജങ്ങളുടെ ഉൽപ്പാദനത്തിന് ശരീരതാപനിലയേക്കാൾ കൂടിയ താപനില സഹായകമാണ്.

• A. ഒന്ന് തെറ്റ്, മൂന്ന് ശരി
• B. ഒന്ന് മാത്രം ശരി
• C. എല്ലാം ശരി
• D. ഒന്ന് തെറ്റ്, രണ്ട് ശരി

Answer 1

Answer:

B. ഒന്ന് മാത്രം ശരി

പുംബീജം

• പുംബീജങ്ങൾ (Sperms) ചലനശേഷിയുള്ളവയാണ്.
• സൂക്ഷ്‌മകോശങ്ങളാണെങ്കിലും അവയ്ക്ക് ശിരസ്സ്, ഉടൽ, വാൽ എന്നിങ്ങനെ തരംതിരിക്കാവുന്നഭാഗങ്ങളുണ്ട്.
• വാലുപയോഗിച്ചാണ് ഇവ ചലിക്കുന്നത്.
• ഇതിനാവശ്യമായ ഊർജം നൽകുന്നത് ഉടൽ ഭാഗത്തെ മൈറ്റോകോൺഡ്രിയകളാണ്.
• പിതൃക്രോമസോമുകളടങ്ങിയ ന്യൂക്ലിയസ് ശിരസ്സിൽ കാണപ്പെടുന്നു
  
  
• ഉദരാശയത്തിനു പുറത്ത് വൃഷണസഞ്ചികളിലായി കാണപ്പെടുന്ന ഒരു ജോഡി വൃഷണങ്ങളിലാണ് പുംബീജങ്ങൾ രൂപപ്പെടുന്നത്.
• പുരുഷലൈംഗിക ഹോർമോണായ ടെസ്റ്റോസ്റ്റീറോൺ (Testosterone) ഉൽപ്പാദിപ്പിക്കുന്നതും വൃഷണങ്ങളാണ്.
• പുംബീജങ്ങളുടെ ഉൽപ്പാദനത്തിന് ശരീരതാപനിലയേക്കാൾ കുറഞ്ഞ താപനില (35-36 ഡിഗ്രി സെൽഷ്യസ്) സഹായകമാണ്.
• ഈ താപനില നില നിർത്താൻ സഹായിക്കുന്നത് വൃഷണസഞ്ചികളാണ്.
• പ്രോസ്റ്റേറ്റ് ഗ്രന്ഥി ഉൾപ്പെടെയുള്ള ഗ്രന്ഥികൾ ഉൽപ്പാദിപ്പിക്കുന്ന സ്രവത്തോടൊപ്പം പുംബീജകോശങ്ങൾ ലിംഗത്തിലെത്തുകയും പുറത്തേക്കു സ്രവിക്കപ്പെടുകയും ചെയ്യുന്ന പ്രക്രിയയാണ് ശുക്ലവിസർജനം