ബെഞ്ചമിൻ ബ്ലൂം തയ്യാറാക്കിയ ബോധന ഉദേശങ്ങളുടെ വർഗ്ഗവിവരണ പട്ടിക അനുസരിച്ച് 'വികാരം ഉൾക്കൊള്ളുക' എന്നത് ഏത് മണ്ഡലത്തിലെ ബോധനോദ്ദേശമാണ് ?
Aവൈജ്ഞാനിക തലം
Bഭാവതലം
Cമനശ്ചാലക തലം
Dഇതൊന്നുമല്ല
Answer:
B. ഭാവതലം
Read Explanation:
ബോധനോദ്ദേശ്യങ്ങളുടെ വർഗ്ഗവിവരണം (Taxonomy)
- ബോധനോദ്ദേശ്യങ്ങളുടെ വർഗ്ഗീകരണ പദ്ധതി - ടാക്സോണമി
- അമേരിക്കയിലെ ഷിക്കാഗോ സർവ്വകലാശാലയിലെ ഡോ. ബെഞ്ചമിൻ എസ്. ബ്ലൂമിന്റെ നേതൃത്വത്തിൽ പ്രൊഫസർമാരുടെ ഒരു സംഘം 1956 ൽ വിദ്യാഭ്യാസോദ്ദേശ്യങ്ങളുടെ ടാക്സോണമിയെ പ്രതിപാദിക്കുന്ന ഏതാനും ഗ്രന്ഥങ്ങൾ രചിച്ചു. ഈ ടാക്സോണിമികൾ പരാമർശിക്കപ്പെടുന്നത് ബ്ലൂമിന്റെ ടാക്സോണമി എന്നാണ്.
- അമേരിക്കയിലെ വിദ്യാഭ്യാസ മനശാസ്ത്രജ്ഞൻ ആണ് ബെഞ്ചമിൻ സാമുവൽ ബ്ലൂം. അദ്ദേഹം ആവിഷ്കരിച്ച ഉദ്ദേശ്യാധിഷ്ഠിത ബോധനത്തിന് ആധാരമായ മുഖ്യ ഗ്രന്ഥമാണ് ടാക്സോണമി ഓഫ് എഡ്യൂക്കേഷൻ ഓബ്ജക്റ്റീവ്സ്.
ബോധനോദ്ദേശ്യങ്ങളെ മൂന്നു മേഖല (Domain) കളിലായി വർഗ്ഗീകരിക്കുന്നു
-
- വൈജ്ഞാനികം (Cognitive)
- വൈകാരികം (Affective)
- മനശ്ചാലകം (Psycho-motor)
- അറിവു സംസ്കരിക്കുകയും സ്വീകരിക്കുകയും സ്വായത്തമാക്കുകയും ചെയ്യുന്നതിനോടു ബന്ധപ്പെട്ട ബൗദ്ധികശേഷികളുടെ വികസനം കൈകാര്യം ചെയ്യുന്ന ഉദ്ദേശ്യങ്ങളാണ് - വൈജ്ഞാനിക മേഖല (Cognitive Domain)
- ആസ്വാദനം, താത്പര്യങ്ങൾ, മനോഭാവങ്ങൾ, മൂല്യങ്ങൾ തുടങ്ങിയവയുമായി ബന്ധപ്പെട്ടുള്ള വൈകാരികഭാവങ്ങളുടെ അഭിലഷണീയമായ വ്യതിയാനങ്ങൾ പരിഗണിക്കുന്ന ഉദ്ദേശ്യങ്ങളാണ് - വൈകാരിക മേഖല (Affective Domain)
- കായികവും പ്രവർത്തനപരവുമായ നൈപുണികളുടെ വികസനവും ഉൾക്കൊള്ളുന്നതാണ് - മനശ്ചാലക മേഖല (Psycho-motor Domain)
| വെജ്ഞാനിക മേഖല (Cognitive Domain) | വൈകാരിക മേഖല (Affective Domain) | മനശ്ചാലക മേഖല (Psycho-motor Domain) |
| വിജ്ഞാനം | സ്വീകരണം | ഇന്ദ്രിയാനുഭൂതി |
| ആശയഗ്രഹണം | പ്രതികരണം | നില |
| പ്രയോഗം | വിലകല്പിക്കൽ | മാർഗ്ഗദർശിത പ്രതികരണം |
| അപഗ്രഥനം | സംഘാടനം | പ്രവർത്തന തന്ത്രം |
| ഉദ്ഗ്രഥനം | സ്വാഭാവിക ശൈലി | സങ്കീർണ ബാഹ്യ പ്രതികരണം |
| മൂല്യനിർണ്ണയം | സമായോജനം | |
| മൗലിക സൃഷ്ടി |
വൈകാരിക മേഖല (Affective Domain)
- വ്യക്തി എങ്ങനെ വികാരപരമായി പ്രതികരിക്കുന്നു എന്നതാണ് ഈ ഘട്ടത്തിൽ പരിശോധിക്കുന്നത്.
- വസ്തുതയോടുള്ള ആസ്വാദനം, താല്പര്യം, മനോഭാവം, മൂല്യം എന്നിവ ഈ ഘട്ടത്തിൽ പരിശോധിക്കുന്നു.
- ഈ ഘട്ടത്തിൽ പ്രധാനമായും അഞ്ച് ഉപവിഭാഗങ്ങളാണുള്ളത്.
- ഒരു പ്രത്യേക പ്രതിഭാസത്തെയോ ചോദകത്തെയോ ശ്രദ്ധിക്കാനുള്ള പഠിതാവിന്റെ സന്നദ്ധതയാണ് - സ്വീകരണം (Receiving)
- പഠനപ്രക്രിയയിൽ പഠിതാവിന്റെ സജീവമായ പങ്കാളിത്തമാണ് - പ്രതികരണം (Responding)
- പഠിതാവ് ഒരു പ്രത്യേക പദാർത്ഥത്തിനോ, പ്രതിഭാസത്തിനോ വ്യവഹാരത്തിനോ കൽപിക്കുന്ന മൂല്യവുമായി ബന്ധപ്പെട്ടിരിക്കുന്നതാണ് - വിലകൽപിക്കൽ (Valuing)
- വിവിധ മൂല്യങ്ങളെ, അവ തമ്മിലുള്ള പൊരുത്തക്കേടുകൾ പരിഹരിച്ച് ഒത്തിണക്കുന്നതാണ് - സംഘാടനം / ഒത്തിണക്കം (Organisation)
- വ്യക്തി തന്റെ വ്യവഹാരങ്ങളെ ദീർഘമായ കാലയളവിൽ നിയന്ത്രിച്ചു പോരുന്ന ഒരു മൂല്യസംഘാതം ഉൾക്കൊണ്ടുകഴിഞ്ഞിരിക്കുന്നതാണ് - മൂല്യത്തിന്റെയോ സംഘാതത്തിന്റെയോ ഫലമായി നടക്കുന്ന സ്വാഭാവിക വ്യവഹാര ശൈലീരൂപവൽക്കരണം (Characterisation by a value complex)