മനഃശാസ്ത്രജ്ഞർ ആദ്യബാല്യത്തെ വിശേഷിപിച്ചത്
Aപൊരുത്തപ്പെടലിന്റെ കാലം
Bഅന്തർലീന ഘട്ടം
Cസംഘ ബന്ധ പൂർവ്വകാലം
Dഇവയൊന്നുമല്ല
Answer:
C. സംഘ ബന്ധ പൂർവ്വകാലം
Read Explanation:
ആദ്യ ബാല്യം (Early childhood)
- ഈ ഘട്ടത്തിൽ കുട്ടിയുടെ സാമൂഹിക വ്യവഹാര മേഖല കുടുംബമാണ്.
- ഈ ഘട്ടത്തിൽ കുട്ടി അമൂർത്ത ചിന്താശേഷി നേടുന്നില്ല.
- കുട്ടികൾ കളിയുടെയും, വായനയുടേയും, എഴുത്തിന്റേയും ബാല പാഠങ്ങൾ അഭ്യസിക്കുന്നത് ഈ ഘട്ടത്തിലാണ് (LKG, UKG Stage).
- ശാരീരികവും, ജൈവപരവുമായ (Biological) ആവശ്യങ്ങൾക്ക് അന്യരെ ആശ്രയിക്കുന്ന പ്രവണത കുറയുന്നു.
- കളിപ്പാട്ടങ്ങൾ ഉപയോഗിച്ച് കളിക്കാനും, അവയിൽ സചേതനത്വം (ജീവനുണ്ട് എന്ന ബോധം) ആരോപിച്ച് പെരുമാറാൻ ശ്രമിക്കുന്ന ഘട്ടമാണിത്.
- ഓട്ടം, ചാട്ടം, സംഘ കളികൾ എന്നിവയിൽ താൽപര്യം കാണിക്കുന്നു.
- ഈ പ്രായത്തിൽ കുട്ടി കൂട്ടുകാരെ കണ്ടെത്താനും, ചങ്ങാത്തം കൂടാനും തുടങ്ങുന്നു.
- അതിലൂടെ സഹകരണവും, അനുകമ്പയും, സാമൂഹികാംഗീകാരവും, കലഹവും, കളിയാക്കലും ശത്രുതയുമൊക്കെ ഉൾപ്പെട്ട സങ്കീർണമായ സാമൂഹിക വ്യവഹാര ശൈലി ആർജ്ജിക്കുന്നു.
ആദ്യ ബാല്യം - വിശേഷണങ്ങൾ:
- ആദ്യബാല്യം 'വിദ്യാലയ പൂർവ്വഘട്ടം', 'കളിപ്പാട്ടങ്ങളുടെ കാലം' (toy age) എന്നും അറിയപ്പെടുന്നു.
- ഈ കാലഘട്ടത്തിൽ കുട്ടികൾ പിടിവാശി, ശാഠ്യം, അനുസരണക്കേട്, നിഷേധാത്മക സ്വഭാവം, എതിർക്കാനുള്ള പ്രവർത്തനങ്ങൾ എന്നിവ കൂടുതലായി പ്രകടിപ്പിക്കുന്നു. അതിനാൽ മാതാപിതാക്കൾ ഈ ഘട്ടത്തെ 'പ്രശ്നകാലഘട്ടം' (Problem age) ആയും കണക്കാക്കുന്നു.
- മനഃശാസ്ത്രജ്ഞർ ആദ്യബാല്യത്തെ വിശേഷിപിച്ചത് ‘സംഘ ബന്ധ പൂർവ്വകാലം’ (Pre gang age) എന്നാണ്.
- ഈ ഘട്ടത്തിൽ കുട്ടികളിൽ കാണപ്പെടുന്ന ഏറ്റവും പ്രാഥമിക തീവ്ര വികാരം അഹത്തോടെയുള്ള സ്നേഹം (Self-love) ആണ്. അതിനാൽ ഈ ഘട്ടത്തെ 'നാർസിസത്തിന്റെ' (ആത്മ രതി) ഘട്ടം എന്നറിയപ്പെടുന്നു.