ശുചീന്ദ്രം സത്യാഗ്രഹം, തിരുവാർപ്പ് സത്യാഗ്രഹം എന്നിവ നടന്നത് ആരുടെ ഭരണ കാലത്താണ് ?
Aറാണി സേതു ലക്ഷ്മിഭായ്
Bശ്രീ ചിത്തിര തിരുനാൾ
Cധർമ്മരാജ
Dവിശാഖം തിരുനാൾ
Answer:
A. റാണി സേതു ലക്ഷ്മിഭായ്
Read Explanation:
ശുചീന്ദ്രം സത്യാഗ്രഹം:
- 1926ലായിരുന്നു ശുചീന്ദ്രം സത്യാഗ്രഹം നടന്നത്
- സത്യാഗ്രഹത്തിന് നേതൃത്വം നൽകിയത് ഗാന്ധിയൻ നേതാവായ ഡോ.നായിഡുവായിരുന്നു.
- സമരത്തിന്റെ പ്രധാന ലക്ഷ്യം ശുചീന്ദ്രം ക്ഷേത്രത്തിന് ചുറ്റുമുള്ള വഴികളിലൂടെ അവർണ ഹിന്ദുക്കൾക്ക് നടക്കാൻ അനുവാദം കിട്ടുക, ക്ഷേത്രപ്രവേശനം ലഭിക്കുക എന്നിവയായിരുന്നു.
- സത്യാഗ്രഹം വിജയിച്ചില്ല എങ്കിലും ഹൈക്കോടതിയിൽ സമർപ്പിക്കപ്പെട്ട ഹർജിയിന്മൽ അനുകൂല വിധി വന്നതിനെ തുടർന്ന് അവിടത്തെ പൊതുനിരത്തുകൾ അവർണർക്ക് തുറന്നു കൊടുത്തു.
തിരുവാർപ്പ് സത്യാഗ്രഹം:
- തിരുവാർപ്പ് ക്ഷേത്രത്തിന് ചുറ്റുമുള്ള നടപ്പ് വഴിയിലൂടെ അവർണർക്ക് സഞ്ചാര സ്വാതന്ത്ര്യം നിഷേധിച്ചതിനെതിരെ നടന്ന പ്രക്ഷോഭമാണ് തിരുവാർപ്പ് സത്യഗ്രഹം.
- 1927 ഒക്ടോബർ ആറിനാണ് സത്യഗ്രഹം ആരംഭിച്ചത്.
- ഈ സത്യാഗ്രഹവും വിജയിച്ചില്ലെങ്കിലും,1936ൽ തിരുവിതാംകൂറിൽ ശ്രീചിത്തിര തിരുനാൾ ക്ഷേത്രപ്രവേശന വിളംബരം ചെയ്തതോടെ അവർണർക്കും സഞ്ചാരസ്വാതന്ത്ര്യവും ക്ഷേത്രപ്രവേശനവും ലഭിച്ചു