ഹിമാലയത്തിൽ നിന്ന് ഉത്ഭവിക്കുന്ന പ്രധാന നദികളായ ഗംഗയുടെയും യമുനയുടെയും ഉത്ഭവ സ്ഥാനം ?
Aഹിമാചൽ
Bസിവാലിക്
Cസസ്ക്കർ
Dഹിമാദ്രി
Answer:
D. ഹിമാദ്രി
Read Explanation:
ഹിമാലയം
- ട്രാൻസ് ഹിമാലയത്തിനും കിഴക്കൻ മലനിരകൾക്കുമിടയിൽ വടക്കു പടിഞ്ഞാറ് തെക്കുകിഴക്ക് ദിശയിലാണ് ഹിമാലയ പർവതനിരകൾ സ്ഥിതി ചെയ്യുന്നത്.
- ഈ പർവതനിരകൾക്ക് ഏകദേശം 2400 കി.മീ. നീളമുണ്ട്.
- ലോകത്തിലെ ഉയരമേറിയ നിരവധി കൊടുമുടികൾ ഇതിൽ ഉൾപ്പെടുന്നു.
- കിഴക്കൻ പ്രദേശങ്ങളിലേക്കു പോകുന്തോറും പർവത ങ്ങളുടെ ഉയരം കുറഞ്ഞുവരുന്നതായി കാണാം.
- കാശ്മീർ പ്രദേശത്ത് ഏകദേശം 400 കി.മീ. വീതിയുള്ള ഉത്തരപർവതനിരകൾക്ക് അരുണാചൽ പ്രദേശിൽ വീതി ഏകദേശം 150 കി.മീ. ആണ്.
- ഏകദേശം 5 ലക്ഷം ചതുരശ്ര കി.മീ. വിസ്തൃതിയുള്ള ഈ ഭൂപ്രദേശം സമാന്തരങ്ങളായ 3 പർവത നിരകൾ ഉൾപ്പെട്ടതാണ്
ഹിമാദ്രി
- ഏറ്റവും ഉയരം കൂടിയ നിര
- ശരാശരി ഉയരം 6000 മീറ്റർ.
- ഗംഗ, യമുന എന്നീ നദികളുടെ ഉത്ഭവസ്ഥാനം.
- 8000 മീറ്ററിനു മുകളിൽ നിരവധി കൊടുമുടികൾ സ്ഥിതി ചെയ്യുന്നു . (ഉദാ: കാഞ്ചൻ ജംഗ, നന്ദാദേവി)
ഹിമാചൽ
- ഹിമാദ്രിയുടെ തെക്കുഭാഗത്തായി സ്ഥിതിചെയ്യുന്നു.
- ശരാശരി ഉയരം 3000 മീറ്റർ
- ഷിംല, ഡാർജിലിങ് തുടങ്ങിയ സുഖവാസ കേന്ദ്രങ്ങൾ ഈ പർവതനിരകളുടെ തെക്കേ ചരിവിലായി സ്ഥിതി ചെയ്യുന്നു.
സിവാലിക്
- ഹിമാചലിനു തെക്കുഭാഗത്തായി സ്ഥിതി ചെയ്യുന്നു.
- ശരാശരി ഉയരം 1220 മീറ്റർ
- ഹിമാലയൻ നദികൾ ഈ പർവതനിരയെ മുറിച്ചുകൊണ്ട് ഒഴുകുന്നതിനാൽ പലയിടങ്ങളിലും തുടർച്ച നഷ്ടപ്പെടുന്നു.
- നീളമേറിയതും വിസ്തൃതവുമായ താഴ്വരകൾ കാണപ്പെടുന്നു.
- ഇവയെ ഡൂണുകൾ എന്നു വിളിക്കുന്നു.(ഉദാ : ഡെറാഡൂൺ)