Question

ജലത്തിൽ മുങ്ങിയ നാണയം ഉയരത്തിൽ കാണപ്പെടുന്നത്

• A. പ്രതിഫലനം
• B. അപവർത്തനം
• C. വ്യതികരണം
• D. വിസരണം

Answer 1

Answer:

B. അപവർത്തനം

• അപവർത്തനം: പ്രകാശം ഒരു മാധ്യമത്തിൽ നിന്ന് മറ്റൊരു മാധ്യമത്തിലേക്ക് ചരിഞ്ഞു കടക്കുമ്പോൾ പാതയ്ക്ക് മാറ്റം സംഭവിക്കുന്ന പ്രതിഭാസത്തെ അപവർത്തനം എന്ന് വിളിക്കുന്നു.

• വ്യത്യസ്ത മാധ്യമങ്ങളിൽ പ്രകാശത്തിന്റെ വേഗതയിലുള്ള വ്യത്യാസമാണ് ഈ പ്രതിഭാസത്തിന് കാരണം. സാന്ദ്രത കൂടിയ മാധ്യമത്തിൽ പ്രകാശത്തിന്റെ വേഗത കുറയുകയും സാന്ദ്രത കുറഞ്ഞ മാധ്യമത്തിൽ പ്രകാശത്തിന്റെ വേഗത കൂടുകയും ചെയ്യുന്നു.

• ജലത്തിൽ മുങ്ങിയ നാണയം യഥാർത്ഥ ആഴത്തേക്കാൾ അല്പം ഉയരത്തിൽ കാണപ്പെടാൻ കാരണം പ്രകാശം ജലത്തിൽ നിന്ന് വായുവിലേക്ക് കടക്കുമ്പോൾ അപവർത്തനം സംഭവിക്കുന്നതാണ്.

സമാനമായ ഉദാഹരണങ്ങൾ

1. വെള്ളം നിറച്ച ഗ്ലാസിലെ പെൻസിൽ ഒടിഞ്ഞതായി കാണപ്പെടുന്നത്.

2. നക്ഷത്രങ്ങൾ മിന്നുന്നത് (Scintillation).

3. സൂര്യോദയത്തിന് അല്പം മുമ്പും സൂര്യാസ്തമയത്തിന് അല്പം ശേഷവും സൂര്യനെ കാണാൻ സാധിക്കുന്നത്.

4. നീന്തൽക്കുളത്തിലെ തറ യഥാർത്ഥത്തേക്കാൾ ഉയർന്നു കാണപ്പെടുന്നത്.