കോള്‍ബര്‍ഗിൻ്റെ സന്മാര്‍ഗിക വികസനഘട്ടങ്ങള്‍ (Kohlberg's Moral Development)
- സന്മാര്‍ഗിക വികസനം :- ഒരു വ്യക്തിയുടെ നീതിബോധത്തിൻ്റെ വികാസമാണ് സന്മാര്‍ഗിക വികസനം.
- സന്മാര്‍ഗിക വികസനത്തെ മൂന്ന് തലങ്ങളായും ഓരോ തലങ്ങളേയും വീണ്ടും രണ്ട് ഘട്ടങ്ങളായും കോള്‍ബര്‍ഗ് തിരിച്ചു.
1. യാഥാസ്ഥിതിക പൂർവ ഘട്ടം/പ്രാഗ് യാഥാസ്ഥിതിക സദാചാര ഘട്ടം
1. ശിക്ഷയും അനുസരണവും - ഇവിടെ കുട്ടി ശിക്ഷ പേടിച്ചാണ് അനുസരിക്കുക. ടേയ് നല്ല തല്ലുകിട്ടുമേ എന്നു പറഞ്ഞാല്‍ മതി ചെയ്തിരിക്കും.
2. സംതൃപ്തിദായകത്വം/പ്രായോഗികമായ ആപേക്ഷികത്വം - ഭാവിയിലെ ആനൂകൂല്യം പ്രതീക്ഷിച്ച് / ആവശ്യം തൃപ്തിപ്പെടുത്താനായി നിയമങ്ങള്‍ പാലിക്കും. മോളെ ചേച്ചിക്ക് ഈ ബുക്കൊന്നു കൊണ്ടുകൊടുത്താല്‍ ഒരു മിഠായി തരാം എന്നു കേള്‍ക്കുമ്പോള്‍ മിഠായി പ്രതീക്ഷിച്ച് അനുസരിക്കുന്നു.
2. യാഥാസ്ഥിതിക ഘട്ടം/ യാഥാസ്ഥിതിക സദാചാരഘട്ടം
1. അന്തര്‍ വൈയക്തിക സമന്വയം / നല്ല കുട്ടി - മറ്റുളളവരുടെ പ്രീതിക്ക് / അംഗീകാരം കിട്ടാനായി അനുസരിക്കുന്നു. നല്ല കുട്ടി, മിടുക്കി എന്നൊക്കെ കേട്ട് രോമാഞ്ചമണിയാന്‍ കുട്ടി ഉളളാലെ ആഗ്രഹിക്കുന്നു.
2. സാമൂഹികക്രമം നിലനിറുത്തല്‍/ സാമൂഹിക സുസ്ഥിതി പാലനം - സാമൂഹികചിട്ടകള്‍ക്കുവേണ്ടി നിയമങ്ങള്‍ പാലിക്കുന്നു. ചില ചിട്ടകള്‍ പാലിക്കേണ്ടത് തന്റെ കടമയാണെന്ന ധാരണയോടെ അനുസരിക്കുന്നു.
3. യാഥാസ്ഥിതികാനന്തര ഘട്ടം /യാഥാസ്ഥിതികാനന്തര സദാചാരഘട്ടം
1. സാമൂഹിക വ്യവസ്ഥ നിയമപരഘട്ടം - സമൂഹത്തിന്റെ നിയമങ്ങള്‍ മനുഷ്യനന്മയ്ക് എന്ന വിശ്വാസത്തോടെ പെരുമാറല്‍.
2. സാര്‍വലൗകികമായ സദാചാരതത്വങ്ങള്‍ - ന്യായം , നീതി, സമത്വം തുടങ്ങിയ ഉന്നതമായ ആശയങ്ങളെ അടിസ്ഥാനമാക്കി പ്രവര്‍ത്തിക്കുന്നു.
