ചേരുംപടി ചേർക്കുക
| A |
| B |
1 | വിലോപം | A | രൂപ പശ്ചാത്തല ബന്ധം |
2 | തോൺഡൈക്ക് | B | ആവശ്യങ്ങളുടെ ശ്രേണി |
3 | സമഗ്രത നിയമം | C | പാവ്ലോവ് |
4 | എബ്രഹാം മാസ്ലോ | D | അഭ്യാസ നിയമം |
A1-A, 2-B, 3-C, 4-D
B1-B, 2-C, 3-D, 4-A
C1-C, 2-D, 3-A, 4-B
D1-D, 2-C, 3-B, 4-A
Answer:
C. 1-C, 2-D, 3-A, 4-B
Read Explanation:
ചേരുംപടി ചേർക്കുക
| A |
| B |
1 | വിലോപം | A | പാവ്ലോവ് |
2 | തോൺഡൈക്ക് | B | അഭ്യാസ നിയമം |
3 | സമഗ്രത നിയമം | C | രൂപ പശ്ചാത്തല ബന്ധം |
4 | എബ്രഹാം മാസ്ലോ | D | ആവശ്യങ്ങളുടെ ശ്രേണി |
പൗരാണികാനുബന്ധ സിദ്ധാന്തം (Classical Conditioning):
- മനഃശാസ്ത്രത്തിന്റെ ചരിത്രത്തിൽ അനുബന്ധന രീതി (Conditioning), ആദ്യമായി രേഖപ്പെടുത്തിയത് പാവ്ലോവ് ആയിരുന്നു.
- അത് കൊണ്ട് തന്നെ പാവ്ലോവിന്റെ അനുബന്ധന പ്രക്രിയയെ പൗരാണികാനുബന്ധനം (Classical Conditioning) എന്നുമറിയപ്പെടുന്നു.
- അതിനാൽ, പൗരാണികാനുബന്ധത്തിന്റെ ഉപജ്ഞാതാവ് എന്നറിയപ്പെടുന്നത് പാവ്ലോവ് ആണ്.
പാവ്ലോവിന്റെ നിയമങ്ങൾ:
- വിലോപം (Extinction)
- പുനഃപ്രാപ്തി (Spontaneous Recovery)
- വിളംബിത അനുബന്ധിത പ്രതികരണം (Delayed Conditioned Response)
- ചോദക വിവേചനം (Stimulus Discrimination)
- ചോദക സാമാന്യവൽക്കരണം (Stimulus Generalisation)
വിലോപം (Extinction):
- അനുബന്ധം വഴി ഒരു ചോദകം ആർജിച്ചെടുത്ത പ്രതികരണം, പിന്നീട് ഇല്ലാതെയാകുന്ന അവസ്ഥയെയാണ് വിലോപം എന്നറിയപ്പെടുന്നത്.
- അതായത് മണിശബ്ദം, ഉമിനീർ സ്രവം ഇവ തമ്മിലുള്ള ബന്ധം ഉറച്ചതിന് ശേഷം, മണി ശബ്ദത്തെത്തുടർന്ന്, ആഹാരം കൊടുക്കാതെ മണിശബ്ദം മാത്രം, പല തവണ ആവർത്തിച്ചാൽ ഉമിനീർ സ്രവണ പ്രതികരണം ക്രമേണ ഇല്ലാതായിത്തീരും. ഇതിനെ വിലോപം എന്ന് പറയുന്നു.
എഡ്വേർഡ് ലി തോൺഡൈക്ക് (Edward Lee Thorndike) (1874-1949):
- അമേരിക്കയിലെ കൊളംബിയ സർവകലാശാലയിൽ പ്രൊഫസർ ആയിരുന്നു ഇദ്ദേഹം.
- ശ്രമ-പരാജയ സിദ്ധാന്തത്തിന്റെ വക്താവ് എന്നറിയപ്പെടുന്നത് തോഡൈക്ക് ആണ്.
ശ്രമ-പരാജയ സിദ്ധാന്തം (Trial and Error Theory):
- ചോദകവും (Stimulus -s) പ്രതികരണവും (Response-R) തമ്മിലുള്ള സംയോഗ്മാണ്, ഈ പഠനത്തിന്റെ അടിസ്ഥാനം.
- ഇത്തരത്തിലുള്ള സംയോഗത്തെ, സംബന്ധം (Connection) എന്നു പറയുന്നു. അതിനാൽ, ഈ സിദ്ധാന്തത്തെ സംബന്ധ വാദം (Connectionism) എന്നും, ബന്ധ സിദ്ധാന്തം (Bond Theory) എന്നും അറിയപ്പെടുന്നു.
- ചോദക - പ്രതികരണങ്ങൾ ശക്തിപ്പെടുകയോ, ക്ഷയിക്കുകയോ ചെയ്യുന്നത് ശീല രൂപീകരണത്തിനോ, ശീല നിഷ്കാസനത്തിനോ കാരണമാകുന്നു.
- തെറ്റുകൾ വരുത്തിയിട്ട്, പിന്നീട് അത് തിരുത്തിയാണ് പഠനം നടത്തുന്നതെന്ന് അദ്ദേഹം അഭിപ്രായപ്പെടുന്നു.
- അതിനാൽ ഈ സിദ്ധാന്തത്തെ ശ്രമ-പരാജയ സിദ്ധാന്തം (Trial and Error Theory) എന്നും അറിയപ്പെടുന്നു.
തോൺഡൈക്കിന്റെ പഠന നിയമങ്ങൾ / പഠന ത്രയം (Trilogy of learning):
- സന്നദ്ധതാ നിയമം (Law of Readiness)
- ആവർത്തന നിയമം / അഭ്യാസ നിയമം (Law of Exercise)
- ഫല നിയമം / പരിണാമ നിയമം (Law of effect)
സന്നദ്ധതാ നിയമം (Law of Readiness):
- ഏതൊരു പ്രവർത്തനത്തിനും സന്നദ്ധത ആവശ്യമാണ്.
- പഠിതാവ് സന്നദ്ധനായിരിക്കുമ്പോൾ, പ്രവർത്തിച്ചാൽ ഫലം തൃപ്തി ജനകമായിരിക്കും.
- എന്നാൽ, സന്നദ്ധത ഇല്ലാതെ പ്രവർത്തിക്കുന്നതും, സന്നദ്ധനായിരിക്കുമ്പോൾ പ്രവർത്തിക്കാതിരിക്കുന്നതും, അസ്വാസ്ഥ്യ ജനകമായിരിക്കും.
- ഇതാണ് സന്നദ്ധതാ നിയമത്തിൽ പരാമർശിക്കുന്നത്.
ആവർത്തന നിയമം / അഭ്യാസ നിയമം (Law of Exercise):
- ഒരു സന്ദർഭവും, അതിനോടുള്ള പ്രതികരണവും ആവർത്തിക്കുന്നതിനനുസരിച്ച്, SR ബന്ധം ദൃഢമാകുന്നു.
- അതായത് അഭ്യാസം കൊണ്ട്, നൈപുണികൾ വികസിക്കുകയും, അഭ്യസിക്കാതിരുന്നാൽ, ക്ഷയിക്കുകയും ചെയ്യുന്നു.
ഫലനിയമം /പരിണാമ നിയമം (Law of Effect):
- ഒരു പ്രവർത്തനത്തിന്റെ ഫലം തൃപ്തികരവും, സന്തോഷദായകവുമായിരുന്നാൽ, വീണ്ടും പ്രവർത്തിയിലേർപ്പെടാൻ അത് വ്യക്തിയെ പ്രേരിപ്പിക്കും.
- S-R ബന്ധത്തിന്റെ ശക്തി കൂടുന്നതും, കുറയുന്നതും അവയുടെ അനന്തര ഫലങ്ങളെ ആശ്രയിച്ചിരിക്കും.
ഫലനിയമം രണ്ട് തരം:
- പ്രയോഗ നിയമം (Law of Use): പരിശീലനം കൊണ്ട് S-R ബന്ധത്തിലുണ്ടാകുന്ന ശക്തി
- പ്രയോഗരാഹിത്യ നിയമം (Law of Disuse): പരിശീലനത്തിന്റെ അഭാവത്തിൽ S-R ബന്ധത്തിലുണ്ടാകുന്ന ശക്തിക്കുറവ്.
ഗസ്റ്റാൾട്ട് സമീപനം / സമഗ്ര സിദ്ധാന്തം (Gestalt Approach):
വില്യം വൂണ്ടിന്റെ ഘടനാവാദത്തോടും, അന്തർ നിരീക്ഷണ സമീപനങ്ങളോടും പാവ്ലോവ്, വാട്സൺ തുടങ്ങിയവരുടെ വ്യവഹാര വാദത്തിനോടുമുള്ള വിമർശനം എന്ന നിലയിൽ ജർമനിയിൽ രൂപം കൊണ്ട പ്രസ്ഥാനമാണ് ഗസ്റ്റാൾട്ട് മനശാസ്ത്രം. ഈ പ്രസ്ഥാനം അമേരിക്കയിലാണ് വളർന്ന് വന്നത്.
- പരിസരത്തിന്റെ സമഗ്രതയിൽ നിന്നുളവാകുന്ന ഉൾക്കാഴ്ചയാണ് പഠനത്തിന് നിദാനം എന്ന് കരുതുന്ന സമീപനമാണ്, ഗസ്റ്റാൾട്ട് സിദ്ധാന്തം.
- ഗസ്റ്റാൾട്ട് മനഃശാസ്ത്രത്തിന്റെ ഉപജ്ഞാതാവ് / സമഗ്ര വാദത്തിന്റെ ഉപജ്ഞാതാവ് എന്നറിയപ്പെടുന്നത്, മാക്സ് വെർതിമർ ആണ്.
പഠനത്തിലെ സമഗ്രതാ നിയമങ്ങൾ (Gestalt Laws of learning):
ചോദകങ്ങളെ പ്രത്യക്ഷണത്തിനൊത്ത് വർഗീകരിക്കുകയും, വ്യാഖ്യാനിക്കുകയും ചെയ്യുന്നത് 5 നിയമങ്ങൾക്ക് വിധേയമായാണ്.
- സാമീപ്യ നിയമം (law of proximity) - അടുത്തടുത്തുളളവ കൂട്ടങ്ങളായി കാണുന്നു.
- സാദൃശ്യ നിയമം / സാമ്യതാ നിയമം (law of similarity) - ഒരേ രൂപസാദൃശ്യമുളളവ കൂട്ടങ്ങളായി കാണുന്നു.
- തുടര്‍ച്ചാ നിയമം (law of continuity) - തുടര്‍ച്ചയുടെ രീതിയില്‍ കാണുന്ന രീതി.
- രൂപപശ്ചാത്തല ബന്ധം
- പരിപൂർത്തി നിയമം / സ൦പൂരണ നിയമം ( law of closure) - വിടവുകള്‍ നികത്തി പൂര്‍ണതയുളള ദൃശ്യമായി കാണല്‍.
രൂപപശ്ചാത്തല ബന്ധം (Figure Ground Relation):
- വസ്തുവിനെ അല്ലെങ്കിൽ, ഒരു ചിത്രത്തെ അതിന്റെ പശ്ചാത്തലത്തിൽ നിന്നും വിവേചിച്ചറിയുന്നു.
- അതോടൊപ്പം പശ്ചാത്തലത്തിനനുസരിച്ച് ഭിന്നശ്യങ്ങൾ കാണുകയും ചെയ്യുന്നു.
ചിത്രത്തിലെ കറുത്ത പശ്ചാത്തലം പരിഗണിച്ചു കൊണ്ട്, വെളുത്ത ഭാഗം നോക്കിയാൽ, പരസ്പരം അഭിമുഖമായി നിൽക്കുന്ന രണ്ട് മുഖങ്ങൾ കാണാം.
അബ്രഹാം മാസ്ലോ (Abraham Maslow)
- പഠിതാവിനെ പഠിക്കാന്‍ സ്വയം പ്രേരിപ്പിക്കുന്ന ആന്തരികഘടകങ്ങളെ നിര്‍ണയിക്കാന്‍ ശ്രമിച്ച മന:ശാസ്ത്രജ്ഞനാണ് മാസ്ലോ.
- ഒന്നിനു മുകളില്‍ മറ്റൊന്നെന്ന മട്ടില്‍ കിടക്കുന്ന ആവശ്യങ്ങളുടെ ഒരു ശ്രേണി (hierarchy of needs) മാസ്ലോ അവതരിപ്പിക്കുകയുണ്ടായി.
- ഈ ശ്രേണിയിലൂടെ മനുഷ്യന്‍ മുന്നോട്ടുപോകാന്‍ ശ്രമിക്കുകയാണ്. ഇത് ആവശ്യങ്ങളുടെ ശ്രേണിയാണെന്ന് മാസ്ലോ വിശദീകരിക്കുന്നു
- ശാരീരികാവശ്യങ്ങള്‍ (Physiological needs)
ശ്വസനം, ഭക്ഷണം, വെള്ളം, ലൈംഗികത, ഉറക്കം, വിശ്രമം, വിസര്‍ജനം എന്നിവ ഇതില്‍ പെടുന്നു.
- സുരക്ഷാപരമായ ആവശ്യങ്ങള്‍ (Safety needs)
ശരീരം, തൊഴില്‍, ആരോഗ്യം, സമ്പത്ത് തുടങ്ങിയവ ഇക്കൂട്ടത്തിലാണ്
- സ്നേഹം / സ്വന്തമെന്ന ബോധം Belongingness and Love) (മാനസികാവശ്യങ്ങള്‍)
സൗഹൃദം, കുടുംബം, ലൈംഗികമായ അടുപ്പം
- ആദരക്കപ്പെടണമെന്ന ആഗ്രഹം (Self Esteem)
ആത്മവിശ്വാസം, ബഹുമാനം
- ആത്മസാക്ഷാത്കാരം / സ്വത്വാവിഷ്കാരം / ആത്മ യാഥാർഥ്യ വൽക്കരണം (Self Actualization)
ഒരു വ്യക്തിക്ക് തൻറെ കഴിവിനനുസരിച്ച് എത്തിച്ചേരാവുന്ന ഉയർന്ന സ്ഥലം