റഷ്യയിൽ ഫെബ്രുവരി വിപ്ലവത്തിന് ശേഷം ആരുടെ നേതൃത്വത്തിലാണ് ആദ്യ താൽക്കാലിക ഗവൺമെന്റ് രൂപീകരിച്ചത്?
Aസാർ നിക്കോളാസ് II
Bവ്ലാഡിമിർ ലെനിൻ
Cജോർജി എൽവോവ്
Dജോസഫ് സ്റ്റാലിൻ
Answer:
C. ജോർജി എൽവോവ്
Read Explanation:
ഫെബ്രുവരി വിപ്ലവം
- 1917-ൻ്റെ തുടക്കത്തിൽ റഷ്യ കടുത്ത സാമൂഹികവും സാമ്പത്തികവും രാഷ്ട്രീയവുമായ പ്രശ്നങ്ങളെ അഭിമുഖീകരിച്ചു.
- ഒന്നാം ലോകമഹായുദ്ധത്തിൽ രാജ്യത്തിൻ്റെ പങ്കാളിത്തം കാരണം രാജ്യത്തിൽ ക്ഷാമം രൂക്ഷമായി,ഇത് ജനങ്ങളിൽ വ്യാപകമായ അസംതൃപ്തിക്ക് കാരണമായി.
- കൂടാതെ, സാർ നിക്കോളാസ് രണ്ടാമൻ്റെ സ്വേച്ഛാധിപത്യ ഭരണവും ജനങ്ങളുടെ പരാതികൾ പരിഹരിക്കുന്നതിൽ അദ്ദേഹത്തിൻ്റെ പരാജയവും നീരസത്തിന് ആക്കം കൂട്ടി.
- 1917 ഫെബ്രുവരിയിൽ (ഗ്രിഗോറിയൻ കലണ്ടറിൽ മാർച്ച്), ഭക്ഷ്യക്ഷാമവും മോശമായ ജീവിത സാഹചര്യങ്ങളും കാരണം പെട്രോഗ്രാഡിൽ (ഇന്നത്തെ സെൻ്റ് പീറ്റേഴ്സ്ബർഗ്) കലാപം പൊട്ടിപ്പുറപ്പെട്ടു.
- റൊട്ടി വാങ്ങാൻ എത്തിയ പട്ടിണിക്കാരായ തൊഴിലാളി സ്ത്രീകൾ നീണ്ട ക്യൂവിൽ നിന്ന് തെരുവ് വീഥിയിലേക്ക് ഇറങ്ങി പ്രകടനം നടത്തിയതോടെയാണ് വിപ്ലവം ആരംഭിച്ചത്. .
- താമസിയാതെ കലാപം മറ്റു നഗരങ്ങളിലേക്കും ഗ്രാമപ്രദേശങ്ങളിലേക്കും വ്യാപിച്ചു, തൊഴിലാളികൾ പണിമുടക്കുകൾ ആരംഭിച്ചു. സൈന്യം അവരോടൊപ്പം ചേർന്നു.
- പൊതു സ്ഥാപനങ്ങളും പോലീസ് സ്റ്റേഷനുകളും ആയുധ നിർമ്മാണശാലകളും പിടിച്ചെടുത്തു മുന്നേറിയ കലാപകാരികൾ തുറങ്കിൽ നിന്നും തടവുകാരെയും മോചിപ്പിച്ചു.
- മാർച്ച് പന്ത്രണ്ടാം തീയതി തലസ്ഥാന നഗരമായ പെട്രോഗാർഡ് കലാപകാരികളുടെ നിയന്ത്രണത്തിൽ ആയി.
- ഗത്യന്തരം ഇല്ലാതെ നിക്കോളാസ് രണ്ടാമൻ സ്ഥാന ത്യാഗം ചെയ്തു,ഇതോടെ സാർ ചക്രവർത്തിയുടെ ഏകാധിപത്യ ഭരണത്തിന് തിരശ്ശീല വീണു.
താൽക്കാലികഗവൺമെന്റ്
- ഇതിന് ശേഷം ജോർജി എൽവോവ്വിന്റെ നേതൃത്വത്തിലുള്ള താൽക്കാലികഗവൺമെന്റ് അധികാരത്തിലെത്തുകയും ചെയ്തു
- ജോർജ് ജോർജി എൽവോവ്വിന്റെ നേതൃത്വത്തിൽ രൂപീകരിക്കപ്പെട്ട താൽക്കാലിക ഗവൺമെന്റ് പരാജയമായിരുന്നു.
- രാജ്യത്തിന്റെ പ്രശ്നങ്ങൾ പരിഹരിക്കാൻ ഈ ഭരണത്തിനും കഴിഞ്ഞില്ല, ഒന്നാം ലോക യുദ്ധത്തിൽ റഷ്യ തുടരുവാനും ഗവൺമെന്റ് തീരുമാനിച്ചു.
- ഇത് പട്ടാളക്കാരിലും കർഷകരിലും അസംതൃപ്തി ഉണ്ടാക്കി.
- നേതൃത്വം താമസിയാതെ അലക്സാണ്ടർ കെറൻസി കൈക്കലാക്കി.