Question

ഭൂമിയുടെ ആകൃതിയുമായി ബന്ധപ്പെട്ട ചില സിദ്ധാന്തങ്ങളെക്കുറിച്ചുള്ള വസ്തുതകൾ ചുവടെ നൽകിയിരിക്കുന്നു,ശരിയായവ കണ്ടെത്തുക :

1. ഗ്രീക്ക് തത്വചിന്ത കനായ തെയിൽസ് ആണ് ഭൂമിയ്ക്ക് ഗോളാകൃതിയാണെന്ന ആശയം ആദ്യമായി മുന്നോട്ടുവച്ചത്
2. ഭാരതീയ ജ്യോതിശാസ്ത്രജ്ഞനായ ആര്യഭടൻ ഭൂമി സാങ്കല്‌പിക അച്ചുതണ്ടിൽ സ്വയം കറങ്ങുന്നുവെന്ന് ഉറച്ചുവിശ്വസിച്ചിരുന്നു.
3. സർ ഐസക് ന്യൂട്ടൺ ഭൂമിക്ക് കൃത്യമായ ഗോളത്തിൻ്റെ ആകൃതിയല്ലെന്ന് പ്രസ്താവിച്ചു

• A. i മാത്രം
• B. ii, iii എന്നിവ
• C. ഇവയൊന്നുമല്ല
• D. ഇവയെല്ലാം

Answer 1

Answer:

D. ഇവയെല്ലാം

ഭൂമിയുടെ ആകൃതിയുമായി ബന്ധപ്പെട്ട മുൻകാല സിദ്ധാന്തങ്ങൾ 

• ബി.സി.ഇ ഏഴാം നൂറ്റാണ്ടിൽ ജീവിച്ചിരുന്ന ഗ്രീക്ക് തത്വചിന്തകനായ തെയിൽസ് ആണ് ഭൂമിയ്ക്ക് ഗോളാകൃതിയാണെന്ന ആശയം ആദ്യമായി മുന്നോട്ടുവച്ചത്.
• എന്നാൽ ഈ ഗോളം ജലത്തിൽ പൊങ്ങിക്കിടക്കുന്നുവെന്നാണ് അദ്ദേഹം വിശ്വസിച്ചിരുന്നത്.
• ഗ്രീക്ക് തത്വചിന്തകന്മാരായ പൈഥഗോറസും അരിസ്റ്റോട്ടിലുമാണ് ഭൂമിക്ക് ഗോളാകൃതിയാണെന്ന് സ്ഥാപിച്ചത്.
• ആ കാല ഘട്ടത്തിൽ ഈ ആശയത്തോട് വളരെയധികം വിയോജിപ്പുകൾ ഉണ്ടായിരുന്നു.
• പിന്നീട് കോപ്പർ നിക്കസ് ഈ ആശയത്തെ ശക്തമായി പിന്താങ്ങി.
• ഭാരതീയ ജ്യോതിശാസ്ത്രജ്ഞനായ ആര്യഭടൻ ഭൂമിക്ക് ഗോളാകൃതിയാണെന്നും സാങ്കല്‌പിക അച്ചുതണ്ടിൽ അത് സ്വയം കറങ്ങുന്നുവെന്നും ഉറച്ചുവിശ്വസിച്ചിരുന്നു.
• വർഷങ്ങൾക്കുശേഷം മഗല്ലൻ എന്ന നാവികൻ്റെ ലോകംചുറ്റിയുള്ള കപ്പൽയാത്ര ഭൂമി ഉരുണ്ടതാണെന്ന് തെളിയിച്ചു.

ഭൂയിയുടെ ജിയോയിഡ് ആകൃതി 

• കാലങ്ങൾക്ക് ശേഷം  സർ ഐസക് ന്യൂട്ടൺ ഭൂമിക്ക് കൃത്യമായ ഗോളത്തിൻ്റെ ആകൃതിയല്ലെന്ന് കണ്ടെത്തി.
• ധ്രുവപ്രദേശങ്ങൾ അല്പ‌ം പരന്നതും മധ്യഭാഗം ചെറുതായി വീർത്തതുമായ ഗോളാകൃതിയാണെന്ന് അദ്ദേഹം സ്ഥാപിച്ചു.
• ധ്രുവങ്ങൾ അല്പം പരന്നതും മധ്യഭാഗം ചെറുതായി വീർത്തതുമായ ഈ  ഗോളാകൃതിയെ ജിയോയിഡ് (Geoid) എന്നുവിളിക്കുന്നു.
• ജിയോയിഡ് എന്ന പദത്തിനർത്ഥം 'ഭൂമിയുടെ ആകൃതി' (Earth shape) എന്നാണ്.