Question

ശരിയായ പ്രസ്താവന തിരഞ്ഞെടുക്കുക :

1. കോറിയോലിസ് ബലം സമമർദരേഖകൾക്ക് ലംബമായിരിക്കും.
2. മർദചരിവുമാനബലം കൂടുന്തോറും കാറ്റിൻറെ വേഗതയും ദിശാവ്യതിയാനവും കൂടും.
3. ഭൂമധ്യരേഖാപ്രദേശത്ത് കോറിയോലിസ് ബലം പൂജ്യം ആയതിനാൽ കാറ്റ് സമമർദരേഖകൾക്ക് ലംബമായി വീശുന്നു. 

• A. ii മാത്രം ശരി
• B. iii മാത്രം ശരി
• C. എല്ലാം ശരി
• D. i മാത്രം ശരി

Answer 1

Answer:

C. എല്ലാം ശരി

കാറ്റിന്റെ വേഗതയെയും ദിശയെയും സ്വാധീനിക്കുന്ന ഘടകങ്ങൾ

• മർദ്ദചരിവുമാനബലം (Pressure gradient force)

• കൊറിയോലിസ് പ്രഭാവം (Coriolis Force)

•  ഘർഷണം (Friction)

മർദ്ദചരിവുമാനബലം (Pressure gradient force)

• ഭൗമോപരിതലത്തിലെ വിവിധ പ്രദേശങ്ങളിൽ അന്തരീക്ഷ മർദം വ്യത്യസ്തമായിരിക്കും. 

• ഇത്തരത്തിൽ തിരശ്ചീനതലത്തിൽ അനുഭവപ്പെടുന്ന മർദ്ദ വ്യതിയാനം അറിയപ്പെടുന്നത് മർദചരിവുമാനബലം (Pressure gradient Force).

• തിരശ്ചീനതലത്തിൽ മർദ്ദവ്യത്യാസം ഏറെയാണെങ്കിൽ അവിടെ മർദചരിവ് കൂടുതലായിരിക്കും.

• തിരശ്ചീനതലത്തിൽ മർദവ്യത്യാസം കുറവാണെങ്കിൽ അവിടെ മർദചരിവ് കുറവായിരിക്കും.

• സമമർദരേഖകൾ അടുത്തടുത്തായി കാണപ്പെടുന്ന ഇടങ്ങളിൽ മർദചരിവ് കൂടുതലും

• സമമർദരേഖകൾ ഒന്നിനൊന്ന് അകന്ന് സ്ഥിതി ചെയ്യുകയാണെങ്കിൽ മർദചരിവ് കുറവുമായിരിക്കും.

ഘർഷണബലം

• കാറ്റിൻ്റെ വേഗതയെ സ്വാധീനിക്കുന്ന ഘടകം

• ഭൗമോപരിതലത്തിനടുത്ത് കാറ്റിന് ഘർഷണം ഏറ്റവും കൂടുതലായിരിക്കും.

• സമുദ്രോപരിതലം, നിരപ്പായ ഭൂപ്രദേശങ്ങൾ എന്നിവിടങ്ങളിൽ കാറ്റിനു വേഗം കൂടുതലായിരിക്കാൻ കാരണം ഘർഷണം കുറവായതിനാൽ

• ദുർഘടമായ ഭൂപ്രകൃതി, മരങ്ങൾ നിറഞ്ഞ പ്രദേശങ്ങൾ എന്നിവിടങ്ങളിൽ കാറ്റിനു വേഗം കുറവായിരിക്കാൻ

കൊറിയോലിസ് ബലം

• കാറ്റിൻ്റെ ദിശയെ സ്വാധീനിക്കുന്ന ഘടകം.

• ഭൂമിയുടെ ഭ്രമണം മൂലം ഭൗമോപരിതലത്തിൽ സ്വതന്ത്രമായി ചലിക്കുന്ന (ജലം, വായു) വസ്‌തുക്കൾക്ക് ഉത്തരാർധഗോളത്തിൽ അവയുടെ സഞ്ചാരദിശയ്ക്ക് വലത്തോട്ടും ദക്ഷിണാർധഗോളത്തിൽ അവയുടെ സഞ്ചാരദിശയ്ക്ക് ഇടത്തോട്ടും വ്യതിചലനം ഉണ്ടാകുന്നു. 

• ഈ ദിശാ വ്യതിയാനമാണ് കൊറിയോലിസ് പ്രഭാവം

• കൊറിയോലിസ് പ്രഭാവം കണ്ടെത്തിയത് ഗുസ്‌താവ് ഡി. കൊറിയോലിസ്

• കൊറിയോലിസ് പ്രഭാവത്തെക്കുറിച്ച് പഠിക്കുകയും ചിന്തിക്കുകയും ചെയ്ത്‌ അമേരിക്കൻ ശാസ്ത്രജ്ഞൻ അഡ്‌മിറൽ ഫെറൽ

• ധ്രുവങ്ങളിൽ നിന്ന് ഭൂമധ്യരേഖാ പ്രദേശത്തേക്ക് വരും തോറും കൊറിയോലിസ് ബലം കുറയുന്നു.

• മർദചരിവുമാനബലത്തിന് ലംബമായിട്ടാണ് കോറിയോലിസ് ബലം അനുഭവപ്പെടുന്നത്.

ഫെറൽ നിയമം (Ferrel's Law)

• കോറിയോലിസ് ബലത്തിൻ്റെ പ്രഭാവത്തിൽ ഉത്തരാർദ്ധഗോളത്തിന്റെ കാറ്റുകൾ സഞ്ചാരദിശയ്ക്ക് വലതുവശത്തേക്ക് ദക്ഷിണാർത്ഥഗോത്തിൻ്റെ സഞ്ചാരദിശയ്ക്ക് ഇടത്തയ്ക്കും വ്യതിചലിക്കുന്നുവെന്ന് പ്രതിപാദിക്കുന്ന നിയമം.

• കോറിയോലിസ് ബലം സമമർദരേഖകൾക്ക് ലംബമായിരിക്കും.

• മർദചരിവുമാനബലം കൂടുന്തോറും കാറ്റിൻറെ വേഗതയും ദിശാവ്യതിയാനവും കൂടും.

• ഭൂമധ്യരേഖാപ്രദേശത്ത് കോറിയോലിസ് ബലം പൂജ്യം ആയതിനാൽ കാറ്റ് സമമർദരേഖകൾക്ക് ലംബമായി വീശുന്നു. 

• ഇത് ന്യൂനമർദം ശക്തിപ്രാപിക്കുന്നതിന് പകരം വായു കൊണ്ട് നിറയാൻ കാരണമാവുന്നു.

• ഇതാണ് ഭൂമധ്യരേഖാപ്രദേശങ്ങളിൽ ഉഷ്‌ണമേഖലാ ചുഴലിക്കാറ്റുകൾ രൂപംകൊള്ളാതിരിക്കാൻ കാരണം.