ഒന്നാം പഞ്ചവത്സര പദ്ധതി
- ഇന്ത്യൻ പാർലമെന്റിൽ അവതരിപ്പിച്ചത് - ജവഹർലാൽ നെഹ്‌റു
- പദ്ധതി പ്രവർത്തനം ആരംഭിച്ചത് - 1951 ഏപ്രിൽ 1
- പദ്ധതിയുടെ കാലയളവ് - 1951 - 1956
- കൃഷിക്ക് പ്രഥമ പരിഗണന നൽകിയത് കൊണ്ട് ഈ പഞ്ചവത്സര പദ്ധതി കാർഷിക പഞ്ചവത്സര പദ്ധതി എന്നറിയപ്പെടുന്നു
- റോയ്.എഫ്.ഹാരോഡും, ഈവ്സെ ദോമറും വികസിപ്പിച്ചെടുത്ത സാമ്പത്തിക മാതൃകയായിരുന്നു ഒന്നാം പഞ്ചവത്സര പദ്ധതി
- അടിസ്ഥാനമായി സ്വീകരിച്ചിരുന്നത്. അതുകൊണ്ട് ഹാരോൾഡ്‌ - ദോമാർ മോഡൽ എന്നും ഒന്നാം പഞ്ചവത്സര പദ്ധതി അറിയപ്പെടുന്നു.
ഒന്നാം പഞ്ചവത്സര പദ്ധതിയുടെ ആമുഖം തയാറാക്കിയ മലയാളി - കെ.എൻ.രാജ്
- ഒന്നാം പഞ്ചവത്സര പദ്ധതിക്കുവേണ്ടി വകയിരുത്തിയിരുന്ന തുക - 2069 കോടി(പിന്നീട് ഇത് 2378 കോടി രൂപയാക്കി ഉയർത്തി)
- 2.1 % വളർച്ച ലക്ഷ്യമിട്ടിരുന്ന ഈ പദ്ധതിയിലൂടെ 3.6% വളർച്ച കൈവരിക്കാൻ സാധിച്ചു.
- കുടുംബാസൂത്രണത്തിന് പ്രാധാന്യം നൽകിയ പഞ്ചവത്സര പദ്ധതി - ഒന്നാം പഞ്ചവത്സര പദ്ധതി
രണ്ടാം പഞ്ചവത്സര പദ്ധതി (1956 - 61 )
- മഹലനോബിസ് മാതൃകയിൽ ആരംഭിച്ച രണ്ടാം പഞ്ചവത്സര പദ്ധതി ത്വരിതഗതിയിലുള്ള വ്യവസായവൽകരണത്തിന് ഊന്നൽ നൽകിയ പദ്ധതിയായിരിന്നു .
- ഇന്ത്യൻ ശാസ്ത്രജ്ഞനായിരുന്ന പ്രശാന്ത ചന്ദ്ര മഹലനോബിസ് ആയിരുന്നു ഈ പദ്ധതി വിഭാവനം ചെയ്തത്.
- 4.5 % വളർച്ച ലക്ഷ്യമിട്ടിരുന്ന ഈ പദ്ധതിയിലൂടെ രാജ്യത്തിനു കൈവരിക്കാനായത് 4.27 % വളർച്ചയായിരുന്നു .
- പദ്ധതിക്കായി വകയിരുത്തിയിരുന്നത് 4200 കോടി ഇന്ത്യൻ രൂപയായിരുന്നു .
മൂന്നാം പഞ്ചവത്സര പദ്ധതി (1961 - 66)
- ഇന്ത്യയിൽ ഭക്ഷ്യസുരക്ഷയും വ്യവസായ സ്വാശ്രയത്വം നേടുക എന്ന ലക്ഷ്യത്തോടെ ആവിഷ്കരിച്ച പദ്ധതി .
- 1962 ലെ ഇന്ത്യ ചൈന യുദ്ധവും 1965 ലെ ഇന്ത്യ പാകിസ്ഥാൻ യുദ്ധവും നടന്നത് ഈ കാലഘട്ടത്തിലായതുകൊണ്ട് 5.6 ശതമാനം വളർച്ച പ്രതീക്ഷിച്ച ഈ പദ്ധതിയിലൂടെ നേടാനായത് 2.4 ശതമാനം വളർച്ച മാത്രമാണ്.
നാലാം പഞ്ചവത്സര പദ്ധതി ( 1969 - 74)
- നാലാം പഞ്ചവസര പദ്ധതിയുടെ കാലത്ത് ഇന്ദിര ഗാന്ധിയായിരുന്നു ഇന്ത്യൻ പ്രധാന മന്ത്രി.
- 14 വാണിജ്യബാങ്കുകൾ ദേശസാൽക്കരിച്ചതും ഇന്ത്യയുടെ ആദ്യത്തെ ആണവ പരീക്ഷണം നടത്തിയതും ഈ പദ്ധതിക്കലയളവിലാണ്.
- 1971 ലെ ഇന്ത്യാ-പാകിസ്താൻ യുദ്ധം, ബംഗ്ലാദേശ് വിമോചനയുദ്ധം എന്നിവ നടന്നതും ഇതേ കാലയളവിൽ തന്നെയായിരുന്നു.
- സ്വയം പര്യാപ്തത, സ്ഥിരതയോടുള്ള വളർച്ച എന്നിവയായിരുന്നു പ്രധാന ലക്ഷ്യങ്ങൾ
- 5.6 % കാർഷിക വളർച്ച ലക്ഷ്യം വച്ചെങ്കിലും നേടാനായത് 3.3 % വളർച്ച മാത്രമായിരുന്നു .
