Question

ഭൂകമ്പതരംഗങ്ങളെ സംബന്ധിച്ച ശരിയായ പ്രസ്താവനകൾ കണ്ടെത്തുക :

1. ഭൂകമ്പങ്ങളെ മുഖ്യമായും ബോഡിതരംഗങ്ങളെന്നും , ഉപരിതലതരംഗങ്ങളെന്നും രണ്ടായി തരംതിരിച്ചിരിക്കുന്നു
2. പ്രഭവകേന്ദ്രത്തിൽനിന്നുള്ള ഊർജമോചനത്തിന്റെ ഫലമായിട്ടാണ് ഉപരിതലതരംഗങ്ങൾ രൂപം കൊള്ളുന്നത്
3. ഭൂവസ്‌തുക്കളുടെ സാന്ദ്രതയ്ക്കനുസരിച്ച് ഭൂകമ്പതരംഗങ്ങളുടെ പ്രവേഗത്തിലും മാറ്റമുണ്ടാകുന്നു

• A. എല്ലാം ശരി
• B. 2, 3 ശരി
• C. ഇവയൊന്നുമല്ല
• D. 1, 3 ശരി

Answer 1

Answer:

D. 1, 3 ശരി

ഭൂകമ്പതരംഗങ്ങൾ 

• ഭൂകമ്പങ്ങളെ മുഖ്യമായും ബോഡിതരംഗങ്ങളെന്നും (ദുശരീരതരംഗങ്ങൾ), ഉപരിത ലതരംഗങ്ങളെന്നും രണ്ടായി തരംതിരിക്കാം.

ബോഡിതരംഗങ്ങൾ

• പ്രഭവകേന്ദ്രത്തിൽനിന്നുള്ള ഊർജമോചനത്തിന്റെ ഫലമായി രൂപപ്പെടുന്ന ബോഡിതരംഗങ്ങൾ ഭൂമിയുടെ ഉൾഭാഗത്തുകൂടി (ഭൂശരീരത്തിൽകൂടി) എല്ലാ ദിശകളിലേക്കും സഞ്ചരിക്കുന്നു.
• അതിനാലാണ് ഈ തരംഗങ്ങളെ ബോഡിതരംഗങ്ങൾ എന്നു വിളിക്കുന്നത്.
• ബോഡിതരംഗങ്ങൾ രണ്ട് തരത്തിലുണ്ട്. P തരംഗങ്ങളും S തരംഗങ്ങളും
• ഏറ്റവും വേഗത്തിൽ സഞ്ചരിക്കുന്നതിനാൽ ഭൂപ്രതലത്തിൽ ആദ്യം എത്തിച്ചേരുന്നത് P തരംഗങ്ങളാണ്.
• ഈ തരംഗങ്ങളെ പ്രാഥമികതരംഗ ങ്ങൾ (Primary Waves) എന്നു വിളിക്കുന്നു
• S തരംഗങ്ങൾ ഉപരിതലത്തിലെത്തുന്നത് P തരംഗങ്ങ ളേക്കാൾ കൂടുതൽ സമയമെടുത്തിട്ടാണ്.
• ഈ തരംഗങ്ങളെ ദ്വിതീയതരംഗങ്ങൾ എന്ന് വിളിക്കുന്നു

ഉപരിതലതരംഗങ്ങൾ

• ബോഡിതരംഗങ്ങൾ ഭൂമിയുടെ ഉപരിതലശിലകളുമായി പ്രതിപ്രവർത്തിച്ച് ഉപരിതലതരംഗങ്ങൾ (surface wave) എന്ന വിശേഷതരം തരംഗങ്ങൾ സൃഷ്‌ടിക്കുന്നു.
• ഭൂവസ്‌തുക്കളുടെ സാന്ദ്രതയ്ക്കനുസരിച്ച് ഭൂകമ്പതരംഗങ്ങളുടെ പ്രവേഗത്തിലും മാറ്റമുണ്ടാകുന്നു.
• സാന്ദ്രതകൂടിയ മാധ്യമത്തിൽ തരംഗങ്ങൾ കൂടുതൽ വേഗത്തിലും സാന്ദ്രത കുറഞ്ഞ മാധ്യമത്തിൽ തരംഗങ്ങൾ കുറഞ്ഞ വേഗത്തിലും സഞ്ചരിക്കുന്നു.
• വ്യത്യസ്‌ത സാന്ദ്രതയുള്ള ശിലാവസ്തുക്ക ളിലൂടെ കടന്നുപോകുമ്പോൾ തരംഗങ്ങളുടെ പ്രതിഫലനത്താലും അപവർത്തനത്താലും ഇവയ്ക്ക് ഗതിമാറ്റം സംഭവിക്കുന്നു.