Question

1793 ലെ ചാർട്ടർ ആക്ട്മായി ബന്ധപ്പെട്ട തെറ്റായ പ്രസ്താവനകൾ കണ്ടെത്തുക :

1. ഈസ്റ്റ്‌ ഇന്ത്യ കമ്പനി ആക്റ്റ്‌ 1793 എന്നും ഈ നിയമം അറിയപ്പെടുന്നു
2. ചാർട്ടർ ആക്ട് പ്രകാരം ബോർഡ്‌ ഓഫ് കൺട്രോളിലെ അംഗങ്ങൾക്കും ജീവനക്കാർക്കുമുള്ള ശമ്പളം ഇന്ത്യൻ റവന്യൂവിൽ നിന്ന് നൽകണമെന്ന് വ്യവസ്ഥ ചെയ്യപ്പെട്ടു
3. ചാർട്ടർ ആക്ട് നിലവിൽ വന്നതോടെ പ്രവിശ്യകളിൽ കൗൺസിലുകളുടെ തീരുമാനങ്ങളെ മറികടന്നു പ്രവർത്തിക്കാൻ ഗവർണ്ണർമാർക്ക് അധികാരമായില്ലാതെയായി
4. ഇന്ത്യയിലെ ഇംഗ്ലീഷ് സൈന്യാധിപൻ ഗവർണ്ണർ ജനറലിന്റെ കൗൺസിലിലെ ഒരംഗമായിരിക്കണമെന്ന് വ്യവസ്ഥ ചെയ്യപ്പെട്ടു

• A. ii മാത്രം തെറ്റ്
• B. എല്ലാം തെറ്റ്
• C. iii, iv തെറ്റ്
• D. iv മാത്രം തെറ്റ്

Answer 1

Answer:

C. iii, iv തെറ്റ്

ചാർട്ടർ ആക്റ്റ്‌ 1793

• ചാർട്ടർ ആക്റ്റ്‌ 1793 എന്നത് ഈസ്റ്റ്‌ ഇന്ത്യ കമ്പനിയുടെ ഭരണ നിയന്ത്രണത്തിനായി ബ്രിട്ടീഷ്‌ പാർലമെന്റ്‌ പാസ്സാക്കിയ നിയമമാണ്.
• ഈസ്റ്റ്‌ ഇന്ത്യ കമ്പനി ആക്റ്റ്‌ 1793 എന്നും ഈ നിയമം അറിയപ്പെടുന്നു.
  
  
• ഇന്ത്യയിൽ കച്ചവട അവകാശങ്ങൾ നേടിയെടുക്കുന്നത് ലക്ഷ്യമാക്കി 1600 ഡിസംബർ 31-നു എലിസബത്ത് I രാജ്ഞി കമ്പനിയ്ക്ക് ബ്രിട്ടീഷ് രാജകീയ അനുമതിപത്രം നൽകിയിരുന്നു
  
  
• പിന്നീട് ഈ കുത്തകാവകാശം വീണ്ടു, ഇരുപതു വർഷത്തേക്കു കൂടി  പുതുക്കുന്നതിനായിടുള്ള ചർച്ചകളുടെ ഫലമായിരുന്നൂ 1793ലെ ചാർട്ടർ ആക്റ്റ്‌
  
  

1793ലെ ചാർട്ടർ ആക്റ്റ്‌ പ്രകാരം ചുവടെ നൽകിയിരിക്കുന്ന വ്യവസ്ഥകൾ നിലവിൽ വന്നു

• കമ്പനിയുടെ വ്യാപാരകുത്തക ഇരുപതു വർഷത്തേക്ക് കൂടി പുതുക്കികൊടുക്കുവാൻ ആക്റ്റ്‌ വ്യവസ്ഥ ചെയ്തു.
  
  
• ബോർഡ്‌ ഓഫ് കൺട്രോളിലെ അംഗങ്ങൾക്കും ജീവനക്കാർക്കുമുള്ള ശമ്പളം ഇന്ത്യൻ റവന്യൂവിൽ നിന്ന് നൽകണമെന്ന് നിയമത്തിൽ നിഷ്കർഷിച്ചു.
  
  
• പ്രവിശ്യകളിൽ കൌൺസിലുകളുടെ തീരുമാനങ്ങളെ മറികടന്നു പ്രവർത്തിക്കാൻ ഗവർണ്ണർമാർക്ക് അധികാരം നൽകി.
  
  
• ഇന്ത്യയിലെ ഇംഗ്ലീഷ് സൈന്യാധിപൻ ഗവർണ്ണർ ജനറലിന്റെ കൌൺസിലിലെ ഒരംഗമായിരിക്കണമെന്ന വ്യവസ്ഥ എടുത്തുകളഞ്ഞു.

NB:1813ൽ മറ്റൊരു ചാർട്ടർ അക്റ്റ് ലൂടെ ബ്രിട്ടീഷ് ഈസ്റ്റ് ഇന്ത്യാ കമ്പനിയുമായുളള വാണിജ്യക്കരാർ ചില ഭേദഗതികളോടെ വീണ്ടും ഇരുപതു കൊല്ലത്തേക്കു പുതുക്കപെട്ടു.