Question

'ഹരിജൻ സേവക് സംഘ്' എന്ന സംഘടനയുമായി ബന്ധപ്പെട്ട ശരിയായ പ്രസ്താവനകൾ കണ്ടെത്തുക:

1. 1935ൽ ഗാന്ധിജിയാൽ സ്ഥാപിതമായി
2. ഗുജറാത്തിലെ പോർബന്തർ ആസ്ഥാനമായി ആരംഭിച്ച സംഘടന
3. 1939-ൽ തമിഴ് നാട്ടിൽ, എ. വൈദ്യനാഥ അയ്യരുടെ നേതൃത്വത്തിൽ ദളിത് വിഭാഗത്തിൽപ്പെട്ടവരെ മധുരയിലെ മീനാക്ഷി ക്ഷേത്രത്തിൽ പ്രവേശിപ്പിച്ചതിൽ മുഖ്യ പങ്കുവഹിച്ച സംഘടന

• A. ii, iii ശരി
• B. ഇവയൊന്നുമല്ല
• C. ii മാത്രം ശരി
• D. iii മാത്രം ശരി

Answer 1

Answer:

D. iii മാത്രം ശരി

ഹരിജൻ സേവക് സംഘ്

• 1932ൽ ഗാന്ധിജിയാൽ സ്ഥാപിതമായി. 
• കമ്മ്യൂണൽ അവാർഡിനെതിരെ ഗാന്ധിജി രൂപീകരിച്ച സംഘടനയായിരുന്നു ഇത്. 
• 1932ൽ  യെർവാദ  ജയിലിൽ നിരാഹാര സമരം നയിക്കുമ്പോഴാണ് ഈ സംഘടന ഗാന്ധിജി ആരംഭിക്കുന്നത്. 
• ഡൽഹിയാണ് ആസ്ഥാനം. 
• സംഘടനയ്ക്കായി ഗാന്ധിജി തന്നെ ഒരു ഭരണഘടന എഴുതി തയ്യാറാക്കുകയും, 1860ലെ സൊസൈറ്റി രജിസ്ട്രേഷൻ ആക്ട് പ്രകാരം രജിസ്റ്റർ ചെയ്യുകയും ചെയ്തു. 
  
  
• ഹരിജനങ്ങളുടെ വിദ്യാഭ്യാസ വികസനത്തിനും, സാമൂഹിക പുരോഗതിക്കും വേണ്ടി പ്രവർത്തിക്കുക, സത്യത്തിലും അഹിംസയിലും അടിയുറച്ച് അയിത്തം ഇല്ലാതാക്കുക  എന്നിവയാണ് സംഘടനയുടെ സ്ഥാപിത ലക്ഷ്യങ്ങൾ.
• 1939-ൽ തമിഴ് നാട്ടിൽ, എ. വൈദ്യനാഥ അയ്യരുടെ നേതൃത്വത്തിൽ ദളിത് വിഭാഗത്തിൽപ്പെട്ടവരെ മധുരയിലെ മീനാക്ഷി ക്ഷേത്രത്തിൽ പ്രവേശിപ്പിച്ചതിൽ ഹരിജൻ സേവക് സംഘ് മുഖ്യ പങ്കുവഹിച്ചിരുന്നു.