Question:
"ഒരു മാസം കൂടെ പിടിച്ചു നില്ക്കാൻ കഴിയുമായിരുന്നുവെങ്കിൽ രാജ്യം അവരുടെ നിയന്ത്രണത്തിലായേനെ" - ആരുടെ വാക്കുകൾ ?
Aവില്യം ബെന്റിക് പ്രഭു
Bടി.എച്ച്. ബേബർ
Cകെ.സുരേഷ് സിംഗ്
Dകനോലി പ്രഭു
Answer:
B. ടി.എച്ച്. ബേബർ
Explanation:
കുറിച്യർ കലാപം:
- കുറിച്യർ കലാപം നടന്ന വർഷം : 1812 മാർച്ച് 25
- വടക്കൻ വയനാട്ടിൽ നടന്ന ഒരു കാർഷിക കലാപമായിരുന്നു : കുറിച്യർ കലാപം
- ദക്ഷിണേന്ത്യയിൽ നടന്ന ഏക ഗിരിവർഗ്ഗ കലാപമാണ് : കുറിച്യർ കലാപം
- കുറിച്യർ കലാപത്തിന് നേതൃത്വം നൽകിയത് : രാമൻ നമ്പി
- കുറിച്യർ കലാപത്തിന്റെ മുദ്രാവാക്യം : വട്ടത്തൊപ്പിക്കാരെ നാട്ടിൽ നിന്നും പുറത്താക്കുക
- ബ്രിട്ടീഷുകാരുടെ നികുതി വ്യവസ്ഥയ്ക്കെതിരെ നടന്നതായിരുന്നു : കുറിച്യർ ലഹള
- കുറിച്യർ കലാപത്തിൽ കുറിച്യറെ കൂടാതെ പങ്കെടുത്ത ആദിവാസി വിഭാഗമാണ് : കുറുമ്പർ
കുറിച്യർ കലാപത്തിന്റെ കാരണങ്ങൾ:
- ബ്രിട്ടീഷുകാർ അധിക നികുതി ചുമത്തിയത്
- നികുതി പണമായി അടയ്ക്കാൻ നിർബന്ധിച്ചത്
- നികുതി അടയ്ക്കാൻ കഴിയാത്തവരുടെ കൃഷിഭൂമി ബ്രിട്ടീഷുകാർ പിടിച്ചെടുത്തത്
- പ്ലാക്ക ചന്തു, ആയിരം വീട്ടിൽ കൊന്തപ്പൻ, രാമൻ നമ്പി തുടങ്ങിയവർ ഏറ്റുമുട്ടലിൽ വധിക്കപ്പെടുകയും, മറ്റൊരു പ്രമുഖ നേതാവായ വെൺകലോൺ കേളുവിനേ തൂക്കിലേറ്റുകയും ചെയ്തു.
- വയനാട്ടിലെ ആദിവാസി വിഭാഗങ്ങളായ കുറിച്യർ, കുറുമ്പർ എന്നിവരുടെ കയ്യിൽ നിന്നും നികുതിയായി സാധനങ്ങൾ ആയിരുന്നു ബ്രിട്ടീഷുകാർ വാങ്ങിക്കൊണ്ടിരുന്നത്.
- എന്നാൽ ഇവരുടെ കയ്യിൽ നിന്നും നികുതിപ്പണം ആയി വാങ്ങിക്കാൻ ബ്രിട്ടീഷുകാർ പുതുതായി ഉത്തരവിറക്കി.
- ഇതിനെതിരെ കുറിച്യർ വിഭാഗം നടത്തിയ കലാപമാണ് കുറിച്യർ കലാപം എന്നറിയപ്പെടുന്നത്.
- തോമസ് വാർഡൻ എന്ന ബ്രിട്ടീഷ് ഉദ്യോഗസ്ഥനായിരുന്നു ഈ നികുതി ഭാരം ഇവർക്കിടയിൽ അടിച്ചേൽപ്പിച്ചത്
- സുൽത്താൻബത്തേരിയിലും മാനന്തവാടിയിലും ഉണ്ടായിരുന്ന ബ്രിട്ടീഷ് സേനയെ കുറിച്യർ വിഭാഗക്കാർ തങ്ങളുടെ കയ്യിലുണ്ടായിരുന്ന ആയുധങ്ങളുപയോഗിച്ച് ആക്രമിക്കാൻ ശ്രമിച്ചു.
- എന്നാൽ ബ്രിട്ടീഷുകാർ കേരളം വഴിയും, മൈസൂർ വഴിയും ആദിവാസി വിഭാഗങ്ങളെ അടിച്ചമർത്താൻ ബ്രിട്ടീഷ് സൈന്യത്തെ അയച്ചു.
- ബ്രിട്ടീഷ് ആധിപത്യത്തിന് എതിരായി മലബാറിൽ പൊട്ടിപ്പുറപ്പെട്ട ആദ്യകാല കലാപങ്ങളിൽ ഏറ്റവും ഒടുവിലത്തേത് എന്ന് പറയാവുന്ന കലാപമാണ് കുറിച്യർ കലാപം
- 1812 മാർച്ച് 25ന്, മല്ലൂർ എന്ന സ്ഥലത്ത് വെച്ച് കുറിച്യരും കുറുമ്പരും ഒരു സമ്മേളനം കൂടി.
- ബ്രിട്ടീഷുകാരെ എങ്ങനെയും എന്ന പരാജയപ്പെടുത്തണം ഉദ്ദേശത്തോടു കൂടിയാണ് ഈ ഒരു സമ്മേളനം കൂടിയത്.
- എന്നാൽ ബ്രിട്ടീഷുകാർ ഇവരുടെ കലാപം അടിച്ചമർത്തി.
- 1812 മെയ് 8ന് കുറിച്യർ കലാപം അടിച്ചമർത്തപ്പെട്ടു.
- 'ഒരു മാസം കൂടി പിടിച്ചു പിടിച്ചു നിൽക്കാൻ കലാപകാരികൾക്ക് കഴിയുമായിരുന്നെങ്കിൽ, രാജ്യം അവരുടെ നിയന്ത്രണത്തിൽ ആയേനെ' എന്ന് കുറിച്യർ കലാപത്തെക്കുറിച്ച് അഭിപ്രായപ്പെട്ടത് : ടി എച്ച് ബാബർ
- 'കുറിച്യരുടെ ജീവിതവും സംസ്കാരവും' എന്ന പുസ്തകം രചിച്ചത് : കുമാരൻ വയലേരി