വിസർജ്ജ്യം പിടിച്ചു വച്ചും പുറത്തേക്കു തള്ളിയും ആനന്ദം അനുഭവിക്കുന്ന ഫ്രോയിഡിൻ്റെ മനോ-ലൈംഗിക വികസന ഘട്ടം ?
Aപൃഷ്ടഘട്ടം
Bവദനഘട്ടം
Cലൈംഗികാവയവ ഘട്ടം
Dഅന്തർലീന ഘട്ടം
Answer:
A. പൃഷ്ടഘട്ടം
Read Explanation:
ഫ്രോയിഡിൻ്റെ മനോ-ലൈംഗിക വികസനത്തെ സംബന്ധിക്കുന്ന സിദ്ധാന്തം
- കുട്ടിയുടെ ആദ്യത്തെ ഏതാനും വർഷങ്ങൾ അവരുടെ വ്യക്തിത്വത്തെ സ്വാധീനിക്കുന്നുണ്ട്
- 5 വികസന മേഖലകൾ
- ഓരോ ഘട്ടത്തിലും ലിബിഡോർജ്ജം ശരീരത്തിലെ വ്യത്യസ്ത ഭാഗങ്ങളിൽ (കാമോദീപക മേഖല) കേന്ദ്രീകരിക്കുന്നു.
1. വദനഘട്ടം (Oral Stage)
- ആദ്യ വർഷം
- കാമോദീപക മേഖല = വായ
- വായുമായി ബന്ധപ്പെട്ട ഏതൊരു പ്രവർത്തിയും കുഞ്ഞിന് ആനന്ദം നൽകുന്നു.
- ഉദാ: പാൽ കുടിക്കുക, കടിക്കുക, വിരൽ ഊറുക
2. പൃഷ്ടഘട്ടം/ഗുദ ദശ (Anal Stage)
- രണ്ടാമത്തെ വർഷം
- കാമോദീപക മേഖല = മലദ്വാരം
- വിസർജ്ജ്യം പിടിച്ചു വച്ചും പുറത്തേക്കു തള്ളിയും ആനന്ദം അനുഭവിക്കുന്നു
3. ലൈംഗികാവയവ ഘട്ടം (Phallic Stage)
- 3-5 വയസ്സ്
- കാമോദീപക മേഖല = ലൈംഗികാവയവം
- അവയുടെ സ്പർശനം വഴി ആനന്ദം അനുഭവിക്കുന്നു
- മാതൃകാമന / ഈഡിപ്പസ് കോംപ്ലക്സ് - ആൺകുട്ടികൾക്ക് മാതാവിനോടുള്ള വൈകാരികമായ സ്നേഹവും അഭിനിവേശവും പിതാവിനോടുള്ള അസൂയയും ശത്രുതയും നിമിത്തം ഉണ്ടാകുന്ന മാനസിക സംഘർഷം
- പിതൃകാമന / ഇലക്ട്രാ കോംപ്ലക്സ് - പെൺകുട്ടികൾക്ക് പിതാവിനോടുള്ള സ്നേഹവും ആഗ്രഹവും മാതാവിനോടുള്ള അസൂയയും ശത്രുതയും നിമിത്തം ഉണ്ടാകുന്ന മാനസിക സംഘർഷം
4. നിർലീന ഘട്ടം/അന്തർലീന ഘട്ടം (Latency Stage)
- 5 വയസ്സ് മുതൽ കൗമാരത്തിൻ്റെ തുടക്കം വരെ
- കാമോദീപക മേഖല ഒളിഞ്ഞിരിക്കുകയാണെന്നു തോന്നും
- സ്വന്തം ശരീരത്തെ പറ്റിയുള്ള പ്രത്യേക പരിഗണന കുറയുന്നു
5. ലൈംഗിക ഘട്ടം (Genital Stage)
- കൗമാരം തൊട്ട് പ്രായപൂർത്തി ആകുന്നത് വരെ
- അന്യലിംഗ താല്പര്യം വളരുന്നു
- കാമോദീപക മേഖല = ലൈംഗികാവയവം
- ലൈംഗിക ബന്ധത്തിലൂടെ സംതൃപ്തി ലഭിക്കുന്നു
- സ്തംഭനം/സ്ഥിരീകരണം/നിശ്ചലനം