Question

യുക്തിചിന്തനത്തിലെ ഒരു പ്രധാന രീതിയാണ് ആഗമനരീതി . സവിശേഷമായ ഉദാഹരണങ്ങൾ വഴി പൊതുവായ അനുമാനങ്ങളിലേക്ക് ലേക്ക് എത്തിച്ചേരുന്ന ഈ രീതിയുടെ ക്രമമായ ഘട്ടങ്ങൾ ഏവ ?

• A. നിരീക്ഷണം, പരിശോധന, അപഗ്രഥനം, താരതമ്യം, വർഗ്ഗീകരണം, സാമാന്യവൽക്കരണം
• B. സാമാന്യവൽക്കരണം, നിരീക്ഷണം, അപഗ്രഥനം, പരിശോധന, വർഗ്ഗീകരണം ,താരതമ്യം
• C. നിരീക്ഷണം, അപഗ്രഥനം, താരതമ്യം ,വർഗ്ഗീകരണം, സാമാന്യവൽക്കരണം
• D. അപഗ്രഥനം, നിരീക്ഷണം, വർഗ്ഗീകരണം ,സാമാന്യവൽക്കരണം, താരതമ്യം

Answer 1

Answer:

C. നിരീക്ഷണം, അപഗ്രഥനം, താരതമ്യം ,വർഗ്ഗീകരണം, സാമാന്യവൽക്കരണം

ആഗമന രീതി (Inductive Method)

• പഠനപ്രക്രിയയിൽ ധാരാളമായി പ്രയോജനപ്പെടുത്തുന്ന പഠന രീതിയാണ് - ആഗമന നിഗമന രീതി 
• ഉദാഹരണങ്ങളിലൂടെയും അനുഭവങ്ങളിലുടെയും പൊതുതത്ത്വത്തിലേക്ക് എത്തിച്ചേരുന്ന പഠന രീതി - ആഗമന രീതി
• ആഗമനരീതിയിൽ പഠിതാവിന്റെ നിരീക്ഷണത്തിലൂടെയും വിശകലനത്തിലൂടെയുമാണ് ആശയ രൂപീകരണം നടക്കുന്നത്.
• ആഗമനരീതിയിൽ പഠിതാവ് അവരുടെ ബുദ്ധി, മുന്നനുഭവം, ചിന്താശേഷി എന്നീ മാനസിക പ്രക്രിയകൾ പഠനത്തിൽ പ്രയോജനപ്പെടുത്തുന്നു.

ആഗമന രീതിയുടെ മികവുകൾ 

• നിരീക്ഷിച്ച വസ്തുക്കളെക്കുറിച്ച് യുക്തി പരമായ നിഗമനം രൂപപ്പെടുത്തുന്നതിനുള്ള സ്വാഭാവികമായ രീതി.
• ജീവിതവുമായി നേരിട്ടു ബന്ധമുള്ള സംഭവങ്ങളെയും പ്രതിഭാസങ്ങളെയും സംബന്ധിച്ച് വിവരങ്ങൾ ശേഖരിക്കുന്നതിന് സഹായിക്കുന്നു.
• നിരീക്ഷിച്ച വിവരങ്ങളെക്കുറിച്ച് കുട്ടികൾക്ക് വിമർശനാത്മകമായി ചിന്തിക്കാനും വിലയിരുത്താനും ബോധ്യപ്പെടാനും അതുവഴി യുക്തി പരമായ നിഗമനങ്ങൾ രൂപീകരിക്കാനും സഹായിക്കുന്നു. 
• അന്വേഷണാത്മക പഠനം, പ്രശ്നാധിഷ്ഠിത പഠനം, പ്രോജക്ട് രീതിയിലുള്ള പഠനം എന്നിവയിൽ പ്രയോജനപ്പെടുത്തുന്നത് ആഗമനരീതിയിലെ പ്രക്രിയയാണ്.
• പഠനത്തിൽ പഠിതാവിന്റെ സജീവ പങ്കാളിത്തം ഉറപ്പാക്കുന്നു. 
• പഠിതാക്കൾ സ്വയം പൊതുതത്ത്വങ്ങൾ രൂപീകരിക്കുന്നു. 
• വിശകലനാത്മക ചിന്ത വളർത്താനും ഉയർന്ന തലത്തിലുള്ള ചിന്താശേഷി വികസിപ്പിക്കാനും കഴിയുന്നു 
• പഠനം രസകരമാക്കുന്നു

പരിമിതികൾ 

• ആഗമനരീതിയിലുള്ള പഠനപ്രക്രിയ സമയ കൂടുതൽ, ഭാവന, സർഗാത്മകത എന്നിവ ആവശ്യപ്പെടുന്നു. 
• നടപ്പിലാക്കുന്നതിന് കൂടുതൽ അധ്യാപന വൈദഗ്ധ്യം ആവശ്യമാണ്.