Question

ചേരുംപടി ചേർക്കുക :

അയ്യങ്കാളി	പ്രത്യക്ഷ രക്ഷാ ദൈവസഭ
പൊയ്കയിൽ ശ്രീ കുമാരഗുരുദേവൻ	ആത്മവിദ്യാസംഘം
വാഗ്ഭടാനന്ദൻ	സമത്വസമാജം
വൈകുണ്ഠ സ്വാമികൾ	സാധുജന പരിപാലന സംഘം

• A. A-4, B-1, C-2, D-3
• B. A-4, B-2, C-1, D-3
• C. A-2, B-3, C-4, D-1
• D. A-3, B-4, C-1, D-2

Answer 1

Answer:

A. A-4, B-1, C-2, D-3

സാധുജനപരിപാലനസംഘം (എസ് ജെ പി എസ്):

• സാധുജന പരിപാലന സംഘം സ്ഥാപിച്ച നവോത്ഥാന നായകൻ : അയ്യങ്കാളി
• സ്ഥാപിതമായ വർഷം : 1907
• സാധുജനപരിപാലന സംഘത്തിന്റെ രൂപീകരണത്തിന് അയ്യങ്കാളിക്ക് പ്രചോദനമേകിയത് സംഘടന : ശ്രീനാരായണ ധർമ്മ പരിപാലന യോഗം. 
• സാധുജന പരിപാലന സംഘം പുലയ മഹാസഭ എന്ന പേരിൽ അറിയപ്പെടാൻ തുടങ്ങിയ വർഷം : 1938
• സാധുജനപരിപാലന സംഘം സമസ്ത തിരുവിതാംകൂർ പുലയ മഹാസഭയിൽ ലയിച്ച വർഷം : 1942
• സമസ്ത തിരുവിതാംകൂർ പുലയ മഹാസഭ സ്ഥാപിച്ചത് : ടിടി കേശവൻ ശാസ്ത്ര
• എസ് ജെ പി എസ് ന്റെ മുഖപത്രം : സാധുജനപരിപാലിനി

പ്രത്യക്ഷ രക്ഷാ ദൈവസഭ :

• അവശത അനുഭവിക്കുന്ന ദളിതരുടെ മോചനത്തിനായി യോഹന്നാൻ അഥവാ കുമാരഗുരുദേവൻ സ്ഥാപിച്ച സംഘടന.
• സ്ഥാപിതമായ വർഷം : 1909
• ആസ്ഥാനം : ഇരവിപേരൂർ, പത്തനംതിട്ട  
• രക്ഷാധികാരി : കുമാരഗുരുദേവൻ
• പ്രത്യക്ഷ രക്ഷ ദൈവ സഭയുടെ മുഖപത്രം : ആദിയാർ ദീപം
• “നിന്റെ നുള്ളരിയും ചില്ലിക്കാശും കൊണ്ട് സഭ വളർത്തുക” എന്ന് ആഹ്വാനം ചെയ്ത നവോധാന നായകൻ : പൊയ്കയിൽ യോഹന്നാൻ. 
• പ്രത്യക്ഷ രക്ഷാ ദൈവ സഭയുടെ തലവൻ എന്ന നിലയിൽ പൊയ്കയിൽ യോഹന്നാനു ലഭിച്ച ആത്മീയ അപരനാമം : കുമാരഗുരുദേവൻ.
• ക്രൈസ്തവനും ഹിന്ദുവും അല്ലാത്ത ദ്രാവിഡ ദളിതൻ എന്ന ആശയം കൊണ്ടുവന്ന സാമൂഹ്യപരിഷ്കർത്താവ് : പൊയ്കയിൽ യോഹന്നാൻ. 

ആത്മവിദ്യാ സംഘം:

• വാഗ്ഭടാനന്ദൻ ആത്മവിദ്യാസംഘം ആരംഭിച്ച വർഷം : 1917
• ആത്മവിദ്യാ സംഘത്തിന്റെ പ്രധാന പ്രവർത്തന മേഖലയായിരുന്നു സ്ഥലം : മലബാർ
• “ആത്മവിദ്യാ സംഘത്തിന്റെ മാനിഫെസ്റ്റോ” ആയി കരുതപ്പെടുന്ന പുസ്തകം : ആത്മവിദ്യ. 
• ആത്മവിദ്യ സംഘത്തിന്റെ പ്രവർത്തനങ്ങളും സന്ദേശങ്ങളും പ്രചരിപ്പിച്ച വാരിക : ആത്മവിദ്യാ കാഹളം (1929)
• ആത്മവിദ്യാ സംഘത്തിന്റെ മുഖപത്രം : അഭിനവ കേരളം
• കോഴിക്കോട് നിന്നും പ്രസിദ്ധീകരണം ആരംഭിച്ച വാരിക : അഭിനവ കേരളം (1921) 
• അഭിനവ കേരളത്തിലെ മുദ്രാവാക്യം : ഉണരുവിൻ അഖിലേശനെ സ്മരിപ്പിൻ, ക്ഷണമെഴുന്നേൽപ്പിൻ അനീതിയോടെതിർപ്പിൻ.  
• ആത്മവിദ്യാ സംഘത്തിന്റെ ആശയങ്ങളെ കുറിച്ച് വിവരിക്കുന്ന കവിത : സ്വതന്ത്ര ചിന്താമണി (1921)
• “സ്വതന്ത്ര ചിന്താമണി” എന്ന കവിതയുടെ രചയിതാവ് : വാഗ്ഭടാനന്ദൻ
• ആത്മവിദ്യ മഹോത്സവം നടന്ന സ്ഥലം : പുന്നപ്ര (1932)

സമത്വ സമാജം:

• കേരളത്തിലെ സാമൂഹിക പരിഷ്കാരങ്ങൾക്ക് തുടക്കം കുറിച്ച ആദ്യത്തെ നവോത്ഥാന പ്രസ്ഥാനം 
• സ്ഥാപിച്ചത് : വൈകുണ്ഠ സ്വാമികൾ.
• സ്ഥാപിച്ച സ്ഥലം : ശുചീന്ദ്രം, തമിഴ്നാട്. 
• സ്ഥാപിച്ച വർഷം : 1836