Question

ഭൂമിയുടെ വിവിധ ചലനങ്ങളെയും അവയുടെ ഫലങ്ങളെയും തമ്മിൽ ബന്ധിപ്പിക്കുക.

ഭൂമി സൂര്യനോട് ഏറ്റവും അടുത്ത് വരുന്ന അവസ്ഥ	പുരസരണം (Precession)
രാത്രിയും പകലും തുല്യമായ ദിനങ്ങൾ	കാൽ ദിവസങ്ങൾ (1/4)
അധിവൃഷ്ടിയിൽ (Leap Year) ഫെബ്രുവരിയിൽ അധിക ദിവസമായി വരുന്നത്	വിഷുവം (Equinox)
ഭൂമിയുടെ അച്ചുതണ്ടിന്റെ വളരെ സാവധാനത്തിലുള്ള ചലനം	സൗരസമീപകം (Perihelion)

• A. A-1, B-4, C-2, D-3
• B. A-3, B-4, C-2, D-1
• C. A-4, B-3, C-2, D-1
• D. A-1, B-2, C-4, D-3

Answer 1

Answer:

C. A-4, B-3, C-2, D-1

സൗരസമീപകം

• ഭൂമിയുടെ സഞ്ചാരപഥം ദീർഘ്യവൃത്താകൃതിയിൽ ആയതുകൊണ്ട് ഭൂമിക്കും സൂര്യനും തമ്മിലുള്ള ദൂരത്തിന് വ്യത്യാസം വരും.

• ഒരു പരിക്രമണ വേളയിൽ ഭൂമി സൂര്യനോട് ഏറ്റവും അടുത്ത് വരുന്നതിന് (147 ദശലക്ഷം കിലോമീറ്റർ) സൗര സമീപകം ( Perihelion ) എന്നു പറയുന്നു.

• ഇത് സംഭവിക്കുന്നത് ജനുവരി മാസത്തിലാണ് (പൊതുവെ ജനുവരി 3).

വിഷുവം

• പരിക്രമണ വേളയിൽ ഭൂമധ്യരേഖയിൽ സൂര്യരശ്മികൾ ലംബമായി പതിക്കുന്ന ദിനങ്ങളാണ് മാർച്ച് 21 ഉം സെപ്റ്റംബർ 23 ഉം.

• ഈ ദിവസങ്ങളിൽ രണ്ട് അർധഗോളങ്ങളിലും രാത്രിയുടെയും പകലിന്റെയും ദൈർഘ്യം തുല്യമായിരിക്കും.

• ഈ ദിനങ്ങളെ വിഷുവങ്ങൾ (Equinox) അല്ലെങ്കിൽ സമരാത്ര ദിനങ്ങൾ എന്നു പറയുന്നു.

• മാർച്ച് 21 വസന്തവിഷുവം (Spring Equinox ) ആകുന്നു. സെപ്റ്റംബർ 23 ശരത് വിഷുവും (Autumnal Equinox) എന്നും അറിയപ്പെടുന്നു.

അധിവർഷം (Leap Year)

• ദീർഘവൃത്താകൃതിയിലുള്ള സഞ്ചാരപഥത്തിൽ ഒരു പരിക്രമണം പൂർത്തിയാക്കാൻ എടുക്കുന്ന സമയം 365 1/4 ദിവസങ്ങളാണ്.

• പ്രായോഗിക സൗകര്യത്തിനായി ഇതിൽ 365 ദിവസത്തെ ഒരു വർഷമായി കണക്കാക്കുന്നു.

• ഓരോ വർഷവും അധികമായി വരുന്ന കാൽ (1/4) ദിവസങ്ങളെ നാലുവർഷം കൂടുമ്പോൾ കൂട്ടിച്ചേർത്ത് ഫെബ്രുവരി മാസത്തിൽ 29 ദിവസമായി കണക്കാക്കുന്നു.

• ഇപ്രകാരം 366 ദിവസങ്ങളുള്ള വർഷത്തെ അധിവർഷം (Leap Year) എന്നുപറയുന്നു.

പുരസരണം

• ഭ്രമണവും പരിക്രമണവും പോലെ തന്നെയുള്ള ഭൂമിയുടെ മറ്റൊരു ചലനമാണ് അച്ചുതണ്ടിന്റെ ഭ്രമണമായ പുരസരണം (Precession).

• ഭൂമി തന്റെ അച്ചുതണ്ടിൽ ഒരു ഭ്രമണം പൂർത്തിയാക്കാൻ 24 മണിക്കൂർ എടുക്കുമ്പോൾ ഏകദേശം 26,000 വർഷം എടുത്താണ് ഒരു വൃത്തം തീർക്കുന്ന രീതിയിൽ വളരെ സാവധാനത്തിൽ ഭൂമിയുടെ അച്ചുതണ്ട് നീങ്ങുന്നത്.