ഒരു തത്വത്തെ സംബന്ധിച്ച് കുറെ ഉദാഹരണങ്ങൾ നൽകിയ ശേഷം അധ്യാപിക കുട്ടികളോട് ഒരു നിഗമനത്തിൽ എത്തിച്ചേരാൻ ആവശ്യപ്പെടുന്നു. ഈ സമീപനത്തിന് പറയാവുന്നത് ?
Aനിഗമന രീതി
Bആഗമന രീതി
Cഉൾക്കാഴ്ചാ രീതി
Dആഗമന നിഗമന രീതി
Answer:
B. ആഗമന രീതി
Read Explanation:
ആഗമന രീതി (Inductive Method)
- പഠനപ്രക്രിയയിൽ ധാരാളമായി പ്രയോജനപ്പെടുത്തുന്ന പഠന രീതിയാണ് - ആഗമന നിഗമന രീതി
- ഉദാഹരണങ്ങളിലൂടെയും അനുഭവങ്ങളിലുടെയും പൊതുതത്ത്വത്തിലേക്ക് എത്തിച്ചേരുന്ന പഠന രീതി - ആഗമന രീതി
- ആഗമനരീതിയിൽ പഠിതാവിന്റെ നിരീക്ഷണത്തിലൂടെയും വിശകലനത്തിലൂടെയുമാണ് ആശയ രൂപീകരണം നടക്കുന്നത്.
- ആഗമനരീതിയിൽ പഠിതാവ് അവരുടെ ബുദ്ധി, മുന്നനുഭവം, ചിന്താശേഷി എന്നീ മാനസിക പ്രക്രിയകൾ പഠനത്തിൽ പ്രയോജനപ്പെടുത്തുന്നു.
| ആഗമന, നിഗമന രീതി - ഒറ്റനോട്ടത്തിൽ |
| ആഗമനരീതി (Inductive Method) | നിഗമനരീതി (Deductive Method) |
| ശിശുകേന്ദ്രിതം | അധ്യാപക കേന്ദ്രിതം |
| അറിവിന്റെ ഒഴുക്ക് ഉദാഹരണങ്ങളിൽ നിന്ന് പൊതുതത്ത്വത്തിലേക്ക് | അറിവിന്റെ ഒഴുക്ക് പൊതുതത്ത്വത്തിൽ നിന്ന് ഉദാഹരണങ്ങളിലേക്ക് |
| സ്വാശ്രയശീലം വളർത്തുന്നു | ആശ്രിതത്വം വളർത്തുന്നു |
| പുതിയ അറിവിലേക്ക് നയിക്കുന്നു | അധ്യാപകൻ അറിവു പകർന്നു കൊടുക്കുന്നു |
| പ്രവർത്തനങ്ങളിലൂടെ പുതിയ ആശയത്തിൽ എത്തിച്ചേരുന്നു | അധ്യാപകൻ ആശയം വിശദീകരിക്കുന്നു |
| സമയം അധികം വേണ്ടി വരുന്നു | കുറച്ചു സമയമേ ആവശ്യമുള്ളൂ |
| കുട്ടികളുടെ കാഴ്ചപ്പാടിനു യോജിച്ചത് | മുൻകൂട്ടി നിശ്ചയിക്കപ്പെട്ടത് |
| അന്വേഷണാത്മക രീതി, പ്രോജക്ട് രീതി, പ്രശ്നാപഗ്രഥനരീതി എന്നിവയിൽ ഉപയോഗിക്കുന്നു | പ്രഭാഷണരീതി, ഡെമോൺസ്ട്രേഷൻ രീതി എന്നിവയിൽ ഉപയോഗിക്കുന്നു |
| വിശകലനാത്മക ചിന്ത വളർത്തുന്നു | ആശയങ്ങൾ കേട്ടു പഠിക്കുന്നു |