Question

ആറ്റത്തെ സംബന്ധിച്ച ചില പ്രസ്‌താവനകൾ താഴെ തന്നിരിക്കുന്നു. അവയിൽ ശരിയായവ കണ്ടെത്തുക

1. ആറ്റത്തിന്റെ കൂടുതൽ ഭാഗവും ശൂന്യമാണ്
2. ആറ്റം വൈദ്യുതപരമായി നിർവീര്യമാണ്
3. ആറ്റത്തെ വിഭജിക്കാൻ കഴിയില്ല
4. എല്ലാ ആറ്റങ്ങളുടെയും ന്യൂക്ലിയസിന് ഒരേ സാന്ദ്രതയാണ്

• A. i, ii, iv ശരി
• B. iv മാത്രം ശരി
• C. എല്ലാം ശരി
• D. ii, iii ശരി

Answer 1

Answer:

A. i, ii, iv ശരി

ആറ്റം:

• ഒരു പദാർത്ഥത്തിൻ്റെ രാസപരമായ ഏറ്റവും ചെറിയ കണികയാണ് ആറ്റം

• ആറ്റമോസ് എന്ന ഗ്രീക്ക് പദത്തിൽ നിന്നാണ് ആറ്റം എന്ന വാക്കുണ്ടായത് 

• ആറ്റമോസ് എന്ന പദത്തിനർത്ഥം 'വിഭജിക്കാൻ കഴിയാത്തത്' എന്നാകുന്നു 

• ആറ്റം കണ്ടെത്തിയത് : ജോൺ ഡാൾട്ടൺ

• അറ്റോമിക സിദ്ധാന്തം ആവിഷ്കരിച്ചതും ജോൺ ഡാൽട്ടൻ ആണ്

അറ്റോമിക സിദ്ധാന്തത്തിൻറെ പ്രധാന ആശയങ്ങൾ

• എല്ലാ പദാർഥങ്ങളും ആറ്റം എന്നു പറയുന്ന അതിസൂക്ഷ്മ കണങ്ങളാൽ നിർമിതമാണ് 

• രാസപ്രവർത്തനവേളയിൽ ആറ്റത്തെ വിഭജിക്കാൻ കഴിയില്ല.  

• അതുപോലെ നിർമ്മിക്കാനോ നശിപ്പിക്കാനോ കഴിയില്ല. 

• ഒരു മൂലകത്തിൻറെ ആറ്റങ്ങൾ എല്ലാം ഗുണത്തിലും വലുപ്പത്തിലും മാസിലും സമാനമായിരിക്കും 

• വ്യത്യസ്ത മൂലകങ്ങളുടെ ആറ്റങ്ങൾ വ്യത്യസ്ത ഗുണങ്ങളും മാസും ഉള്ളവയായിരിക്കും

Note:

• ആറ്റം എന്ന പദം ആദ്യമായി ഉപയോഗിച്ചത് : ഓസ്റ്റ് വാൾഡ്

• ആറ്റത്തിൻ്റെ ഭൂരിഭാഗവും ശൂന്യമാണെന്നും പോസിറ്റീവ് ചാർജ് മുഴുവൻ കേന്ദ്രീകരിച്ച ഒരു ഭാഗമുണ്ടെന്നും സമർത്ഥിച്ച ശാസ്ത്രജ്ഞൻ- ഏണസ്റ്റ് റൂഥർഫോർഡ്

• ഡാൽട്ടൻ അറ്റോമിക സിദ്ധാന്ത പ്രകാരം, ആറ്റത്തെ രാസപ്രവർത്തനവേളയിൽ വിഭജിക്കാൻ കഴിയില്ല എന്നാണ്. എന്നാൽ ആറ്റത്തെ വിഭജിക്കാൻ കഴിയും എന്നും; അവയെ പ്രോട്ടോൺ, ന്യൂട്രോൺ, എലക്ട്രോൻ എന്നീ കണങ്ങളായി വിഭജിക്കാമെന്നും പിൽക്കാലത്തെ ശാസ്ത്രഞ്ജർ തെളിയിച്ചു.

ആറ്റത്തിന്റെ മൗലിക കണങ്ങൾ

1. പ്രോട്ടോൺ കണ്ടെത്തിയത് - ഏണസ്റ്റ് റൂഥർഫോർഡ്

2. ഇലക്‌ട്രോൺ കണ്ടെത്തിയത് - ജെ.ജെ.തോംപ്സൺ

3. ന്യൂട്രോൺ കണ്ടെത്തിയത് - ജെയിംസ് ചാഡ്വിക്ക്

ന്യൂക്ലിയസ്

• ആറ്റത്തിന്റെ കേന്ദ്രഭാഗം

• ന്യൂക്ലിയസ് കണ്ടെത്തിയ ശാസ്ത്രജ്ഞൻ - റൂഥർഫോർഡ്

• ആറ്റത്തിന്റെ മുഴുവൻ മാസും ന്യൂക്ലിയസിൽ കേന്ദ്രീകരിച്ചിരിക്കുന്നു

• പ്രോട്ടോൺ, ന്യൂട്രോൺ എന്നിവ ന്യൂക്ലിയസിൽ കാണപ്പെടുന്നു

• പ്രോട്ടോണും ന്യൂട്രോണും ചേർന്ന് 'ന്യൂക്ലിയോൺ; രൂപപ്പെടുന്നു

• ആറ്റത്തിന്റെ വലുപ്പം ന്യൂക്ലിയസിനേക്കാൾ 10⁵ മടങ്ങ് വലുതാണ്

• പ്രോട്ടോണിന്റെയും ഇലെക്ട്രോണിന്റെയും മാസുകൾ തമ്മിലുള്ള അനുപാതം - 1836: 1

• ഒരു ആറ്റത്തിന്റെ ന്യൂക്ലിയസിന്റെ സാന്ദ്രത ശരാശരി 2.3×10¹⁷ കിലോഗ്രാം / m³ ആണ്.