2000-ലെ ഇൻഫർമേഷൻ ടെക്നോളജി ആക്ടിന് (ഐടി ആക്ട്) വരുത്തിയ ഒരു പ്രധാന ഭേദഗതിയാണ് 2008-ലെ ഐടി ഭേദഗതി ആക്ട്.
സൈബർ സുരക്ഷ വർദ്ധിപ്പിക്കുക, ഡാറ്റാ സംരക്ഷണം ഉറപ്പാക്കുക, ഇലക്ട്രോണിക് ഒപ്പുകൾക്ക് നിയമപരമായ അംഗീകാരം നൽകുക, സൈബർ കുറ്റകൃത്യങ്ങൾ തടയുക എന്നിവയായിരുന്നു ഈ ഭേദഗതിയുടെ പ്രധാന ലക്ഷ്യങ്ങൾ.
അന്വേഷണ ഉദ്യോഗസ്ഥന്റെ റാങ്ക് ഡെപ്യൂട്ടി സൂപ്രണ്ട് ഓഫ് പോലീസിൽ (ഡിഎസ് പി ) നിന്ന് ഇൻസ്പെക്ടർ ആയി കുറച്ചത് ഈ ഭേദഗതിയിലൂടെയാണ്.
ഈ നിയമം അനുസരിച്ച്, കോർപ്പറേറ്റ് സ്ഥാപനങ്ങൾ അവരുടെ കൈവശമുള്ള സെൻസിറ്റീവ് വ്യക്തിഗത വിവരങ്ങൾ സംരക്ഷിക്കാൻ മതിയായ സുരക്ഷാ നടപടികൾ സ്വീകരിക്കേണ്ടത് നിർബന്ധമാണ്.
സൈബർ ഭീകരവാദം, വ്യക്തിഗത വിവരങ്ങളുടെ ദുരുപയോഗം, അശ്ലീല സാഹിത്യം പ്രസിദ്ധീകരിക്കൽ തുടങ്ങിയ പുതിയ കുറ്റകൃത്യങ്ങൾ ഈ നിയമത്തിൽ ഉൾപ്പെടുത്തിയിട്ടുണ്ട്.
ഇന്റർനെറ്റ് സേവന ദാതാക്കൾ, നെറ്റ്‌വർക്ക് സേവന ദാതാക്കൾ തുടങ്ങിയ ഇടനിലക്കാർക്കുള്ള ഉത്തരവാദിത്തങ്ങളും ഈ നിയമം വ്യക്തമാക്കുന്നു.
