Question

1991-ലെ നവസാമ്പത്തിക പരിഷ്ക്കാരങ്ങൾ രണ്ട് നയങ്ങളായാണ് സമ്പദ്‌വ്യവസ്ഥയിൽ നടപ്പിലാക്കിയത്. താഴെ തന്നിരിക്കുന്നവയിൽ ശരിയായ നയങ്ങൾ കണ്ടെത്തുക.

1. ഘടനാപരമായ പരിഷ്‌കരണ നടപടികൾ
2. സ്ഥിരത കൈവരിക്കാനുള്ള നടപടികൾ
3. തൊഴിൽപരമായ പരിഷ്കരണ നടപടികൾ
4. ആസൂത്രണ നടപടികൾ

• A. iii, iv ശരി
• B. എല്ലാം ശരി
• C. ii തെറ്റ്, iv ശരി
• D. i, ii ശരി

Answer 1

Answer:

D. i, ii ശരി

• 1991-ൽ ഇന്ത്യ നടപ്പിലാക്കിയ നവസാമ്പത്തിക പരിഷ്കാരങ്ങളെ പ്രധാനമായും രണ്ട് നയങ്ങളായാണ് തരംതിരിച്ചിരിക്കുന്നത്:

1. ഘടനാപരമായ പരിഷ്‌കരണ നടപടികൾ (Structural Reform Measures): സമ്പദ്‌വ്യവസ്ഥയുടെ കാര്യക്ഷമത വർദ്ധിപ്പിക്കുന്നതിനും അന്താരാഷ്ട്ര തലത്തിൽ മത്സരശേഷി കൂട്ടുന്നതിനുമുള്ള ദീർഘകാല നയങ്ങളാണിവ. ഇതിന്റെ ഭാഗമായാണ് ഉദാരവൽക്കരണം (Liberalisation), സ്വകാര്യവൽക്കരണം (Privatisation), ആഗോളവൽക്കരണം (Globalisation) എന്നിവ നടപ്പിലാക്കിയത്.

2. സ്ഥിരത കൈവരിക്കാനുള്ള നടപടികൾ (Stabilisation Measures): വിദേശനാണ്യ കരുതൽ ശേഖരം ഉയർത്താനും പണപ്പെരുപ്പം നിയന്ത്രിക്കാനുമായി നടപ്പിലാക്കിയ ഹ്രസ്വകാല നയങ്ങളാണിവ.