Question

അന്തരീക്ഷത്തിൽ ഉയരംകൂടുംതോറും താപനില കുറഞ്ഞുവരുന്ന തോത് അറിയപ്പെടുന്നത് :

• A. താപീയഗ്രേഡിയന്റ്
• B. സ്ഥിരമായ താപനില
• C. വിപരീത താപീയഗ്രേഡിയന്റ്
• D. ക്രമമായ താപനഷ്‌ട നിരക്ക്

Answer 1

Answer:

D. ക്രമമായ താപനഷ്‌ട നിരക്ക്

ഭൗമോപരിതലത്തിലെ അറ്റതാപബജറ്റിൽ ഉണ്ടാകുന്ന വ്യതിയാനങ്ങൾ

ഊഷ്മാവ് (Temperature) 

• സൗരവികിരണം ഭൗമോപരിതത്തിലും അന്തരീക്ഷത്തിലും പ്രതിപ്രവർത്തിച്ച് താപം രൂപപ്പെടുന്നു. 

• ഊഷ്മാവിന്റെ അടിസ്ഥാനത്തിൽ ഇത് കണക്കാക്കുന്നു. 

• ഒരു വസ്തുവിൻ്റെ ചൂട് ആ വസ്തുവിലെ തന്മാത്രകളുടെ ചലനം അടിസ്ഥാനമാക്കിയാണ്. 

• താപം അളക്കുന്നത് ഒരു വസ്തുവോ സ്ഥലമോ എത്ര ഡിഗ്രിയിൽ ചൂടാകുന്നു, തണുക്കുന്നു എന്നതിനെ അടിസ്ഥാനമാക്കിയാണ്.

ഏതൊരു പ്രദേശത്തെയും വായുവിൻ്റെ ഊഷ്‌മാവിനെ സ്വാധീനിക്കുന്ന ഘടകങ്ങളാണ് :

1. ഒരു സ്ഥലത്തിൻ്റെ അക്ഷാംശം

2. ഒരു സ്ഥത്തിൻ്റെ ഉയരം

3. സമുദ്രത്തിൽനിന്നുള്ള അകലവും വായു സഞ്ചയചംക്രമണവും

4. ഉഷ്‌ണശീത സമുദ്രജലപ്രവാഹങ്ങളുടെ സാന്നിധ്യം

5. പ്രാദേശിക കാരണങ്ങൾ.

   
   അക്ഷാംശം (Latitude) 

• ഒരു സ്ഥലത്തിൻ്റെ ഊഷ്‌മാവ് അവിടെ ലഭിക്കുന്ന സൗരവികിരണത്തിൻ്റെ അളവിനെ ആശ്രയിച്ചിരിക്കുന്നു. 

• ഭൂമധ്യരേഖാപ്രദേശത്തുനിന്നും ധ്രുവത്തിലേക്ക് പോകുന്തോറും സൗരവികിരണത്തിൻ്റെ അളവ് കുറയുന്നു. 

• തന്മൂലം ഓരോ അക്ഷാംശങ്ങളിലുമുള്ള ഊഷ്‌മാവിൻ്റെ അളവിലും വ്യത്യാസം വരുന്നു.

ഉന്നതി (Altitude) 

• ഭൗമോപരിതലത്തിൽനിന്നുള്ള വികിരണമാണ് (Terrestrial radiation) അന്തരീക്ഷത്തെ താഴെനിന്നും മുകളിലോട്ട്ചൂടുപിടിപ്പിക്കുന്നത്. 

• സമുദ്രനിരപ്പിനോട് ചേർന്നുകിടക്കുന്ന സ്ഥലങ്ങളിൽ ഉയർന്ന ഊഷ്മാവും സമുദ്രനിരപ്പിൽനിന്നും ഉയർന്ന പ്രദേശങ്ങളിൽ ഊഷ്‌മാവ് കുറവുമായിരിക്കും.

• സാധാരണയായി ഊഷ്‌മാവ് ഉയരം കൂടുംതോറും കുറഞ്ഞുവരുന്നു. 

• അന്തരീക്ഷത്തിൽ ഉയരംകൂടുംതോറും താപനില കുറഞ്ഞുവരുന്ന തോതിനെയാണ് ക്രമമായ താപനഷ്‌ട നിരക്ക് (Normal lapse rate) എന്നറിയപ്പെടുന്നത്. 

• ഇത് ഓരോ ആയിരം മീറ്ററിനും 6.5 സെൽഷ്യസ് എന്ന നിരക്കിലാണ്.

കടലിൽനിന്നുള്ള ദൂരം (Distance from the sea) 

• കരയെ അപേക്ഷിച്ച് കടൽ സാവധാനം ചൂടുപിടിക്കുകയും സാവധാനം ചൂട് നഷ്‌ടമാവുകയും ചെയ്യുന്നു. 

• അതേസമയം കര പെട്ടെന്ന് ചൂടുപിടിക്കുകയും തണുക്കുകയും ചെയ്യുന്നു. 

• ആയതിനാൽ കരയെ അപേക്ഷിച്ച് കടലിൽ താപവ്യതിയാനങ്ങൾ കുറവാണ്. 

• കടലിനു സമീപത്തുള്ള പ്രദേശങ്ങളിൽ കടൽക്കാറ്റും കരക്കാറ്റും മൂലം മിതമായ ഊഷ്‌മാവ്നിലനിൽക്കുകയും ചെയ്യുന്നു.

വായുസഞ്ചയങ്ങളും ജലപ്രവാഹങ്ങളും (Air masses and ocean currents)

• കടൽക്കാറ്റും കരക്കാറ്റുംപോലെ വായുസഞ്ചയങ്ങളും (Air Mass) ഒരു പ്രദേശത്തെ താപനിലയെ സ്വാധീനിക്കുന്നുണ്ട്. 

• ചുടുള്ള വായുസഞ്ചയങ്ങൾ (Warm air masses) ഉള്ള പ്രദേശങ്ങളിൽ കൂടുതൽ ചൂടും തണുപ്പുള്ള വായുസഞ്ചയങ്ങൾ ഉള്ള പ്രദേശങ്ങളിൽ കുറഞ്ഞ ചൂടും അനുഭവപ്പെടുന്നു. 

• അതുപോലെ ഉഷ്‌ണജലപ്രവാഹങ്ങളുള്ള സമുദ്രത്തോടടുത്ത സ്ഥലങ്ങളിൽ താപനില കൂടിയിരിക്കും. 

• ശീത ജലപ്രവാഹം കടന്നുപോകുന്ന സമുദ്രതീരങ്ങളിൽ താപനില വളരെ കുറഞ്ഞിരിക്കും.