2025-ലെ രസതന്ത്ര നൊബേൽ സമ്മാനം ലഭിച്ചത് മെറ്റൽ-ഓർഗാനിക് ഫ്രെയിംവർക്കുകൾ (MOFs) അഥവാ തന്മാത്രകളുടെ പുതിയ വാസ്തുവിദ്യ (Molecular Architecture) വികസിപ്പിച്ചെടുത്ത സുസുമു കിറ്റഗാവ, റിച്ചാർഡ് റോബ്സൺ, ഒമർ യാഗി എന്നീ ശാസ്ത്രജ്ഞർക്കാണ്.
സ്പോഞ്ച് പോലെയുള്ളതും സൂക്ഷ്മമായ സുഷിരങ്ങൾ ഉള്ളതുമായ ക്രിസ്റ്റൽ ഘടനകളാണ് ഇവ. ഇവയുടെ ശരിയായതും തെറ്റായതുമായ സവിശേഷതകൾ താഴെ പറയുന്നവയാണ്:
അന്തരീക്ഷവായുവിൽ നിന്ന് ഈർപ്പം വലിച്ചെടുത്ത് ജലമായി സംഭരിക്കാൻ സാധിക്കുന്നു.
MOF തന്മാത്രകൾക്ക് മരുഭൂമിയിലെ വരണ്ട വായുവിൽ നിന്നുപോലും ജലാംശം ആഗിരണം ചെയ്ത് കുടിവെള്ളമാക്കി മാറ്റാൻ സാധിക്കുമെന്ന് തെളിയിക്കപ്പെട്ടിട്ടുണ്ട്.
വിഷവാതകങ്ങൾ സുരക്ഷിതമായി സൂക്ഷിക്കുവാൻ സാധിക്കുന്നു.
ഈ തന്മാത്രകൾക്കുള്ളിലെ വലിയ അറകളിൽ അപകടകരമായ വാതകങ്ങളെയും കാർബൺ ഡയോക്സൈഡിനെയും ഉയർന്ന മർദ്ദമില്ലാതെ തന്നെ സുരക്ഷിതമായി തടഞ്ഞുനിർത്താനും സംഭരിക്കാനും സാധിക്കും.
പ്ലാസ്റ്റിക് മാലിന്യപ്രശ്നം പരിഹരിക്കുവാൻ സാധിക്കുന്നു.
പരിസ്ഥിതിക്ക് ദോഷകരമായ പ്ലാസ്റ്റിക് അവശിഷ്ടങ്ങളെയും പി.എഫ്.എ.എസ് (PFAS) പോലുള്ള രാസവസ്തുക്കളെയും വായുവിൽ നിന്നും വെള്ളത്തിൽ നിന്നും വേർതിരിച്ചെടുത്ത് സംസ്കരിക്കാൻ ഇവ ഉപയോഗപ്രദമാണ്.
