ഏത് അനുച്ഛേദം പ്രകാരം ആണ് ഹൈക്കോടതി റിട്ടുകൾ പുറപ്പെടുവിക്കുന്നത് ?
A226
B32
C220
D36
Answer:
A. 226
Read Explanation:
റിട്ടുകൾ (Writs in Indian Constitution)
- മൗലികാവകാശങ്ങൾ സംരക്ഷിക്കുന്നതിനായി കോടതി പുറപ്പെടുവിക്കുന്ന ഉത്തരവിനെ റിട്ട് എന്നു പറയുന്നു.
- ഭരണഘടനയുടെ 32-ാം വകുപ്പു പ്രകാരമാണ് സുപ്രീം കോടതി, ഹൈക്കോടതി എന്നിവ റിട്ടുകൾ പുറപ്പെടുവിക്കുന്നത്.
- സുപ്രീംകോടതി റിട്ടുകൾ പുറപ്പെടുവിക്കുന്നതിനെ പറ്റി പ്രതിപാദിക്കുന്ന അനുച്ഛേദം : അനുച്ഛേദം 32
- ഹൈക്കോടതി റിട്ടുകൾ പുറപ്പെടുവിക്കുന്നതിനെ പറ്റി പ്രതിപാദിക്കുന്ന അനുച്ഛേദം : അനുഛേദം 226
- റിട്ടുകൾക്ക് നൽകിയിരിക്കുന്ന പേരുകൾ ‘ലാറ്റിൻ’ ഭാഷയിൽ നിന്നുള്ളതാണ്
ഭരണഘടനാപരമായ പരിഹാരങ്ങൾക്ക് ഇന്ത്യൻ ഭരണഘടനയിൽ 5 റിട്ടുകൾ വ്യവസ്ഥ ചെയ്തിട്ടുണ്ട്.
- ഹേബിയസ് കോർപ്പസ് (Habeas Corpus):
- അന്യായമായി തടഞ്ഞുവച്ചയാളെ മോചിപ്പിക്കാൻ പുറപ്പെടുവിക്കുന്ന നിർദേശമാണ് ഹേബിയസ് കോർപ്പസ്.
- ഇന്ത്യൻ ഭരണഘടന അനുസരിച്ച് ഈ റിട്ട് പുറപ്പെടുവിക്കാനുള്ള അധികാരം സുപ്രീംകോടതിയിലും ഹൈക്കോടതിയിലും മാത്രമായി നിക്ഷിപ്തമാണ്.
- ഹേബിയസ് കോർപസ് എന്ന വാക്കിന്റെ ലാറ്റിൻ അർഥം ' ശരീരം ഹാജരാക്കുക ' എന്നതാണ്
- മാൻഡമസ് (Mandamus):
- വ്യക്തികളെയോ സ്ഥാപനങ്ങളെയോ സ്വന്തം കർത്തവ്യം നിർവ്വഹിക്കാൻ അനുശാസിച്ചുകൊണ്ട് സുപ്രീം കോടതിയോ ഹൈകോടതിയോ നൽകുന്ന കല്പനയാണ് മാൻഡമസ് റിട്ട്.
- 'ഞാൻ കൽപിക്കുന്നു ' എന്ന് ലാറ്റിനിൽ അർത്ഥമുള്ള വാക്കാണ് മാൻഡമസ്
- ക്വോ വാറന്റോ (Quo-Warranto):
- അർഹതയില്ലാത്ത ഉദ്യോഗം വഹിക്കുന്നതിൽനിന്ന് തടയാനോ പദവി ഒഴിഞ്ഞു കിടക്കുന്നതായി പ്രഖ്യാപിക്കാനോ വേണ്ടി പുറപ്പെടുവിക്കുന്ന റിട്ടാണ് ക്വോ വാറന്റോ.
- 'എന്തധികാരം കൊണ്ട് ' എന്ന് ലാറ്റിനിൽ അർത്ഥമുള്ള വാക്കാണ് ക്വോവാറന്റോ
- സെർഷ്യോററി (Certiorari):
- അധികാരതിർത്തിയുമായി ബന്ധപ്പെട്ട വിഷയങ്ങളിൽ കീഴ്ക്കോടതിയിൽനിന്ന് കേസ് മേൽക്കോടതിയിലേക്ക് മാറ്റാൻ കൽപ്പിക്കുന്ന റിട്ടാണ് സെർഷ്യോററി.
- ' ഒരു കാര്യത്തെപ്പറ്റി അറിവ് കൊടുക്കുക ' എന്ന് ലാറ്റിനിൽ അർത്ഥമുള്ള വാക്കാണ് സെർഷിയോററി '
- പ്രൊഹിബിഷൻ (Prohibition):
- കീഴ്ക്കോടതികൾ അധികാരാതിർത്തി ലംഘിക്കുന്നതും നീതിനിയമങ്ങൾക്ക് വിരുദ്ധമായി പ്രവർത്തിക്കുന്നതും തടയാൻ പുറപ്പെടുവിക്കുന്ന റിട്ടാണിത്.
എങ്ങനെയാണ് ഹൈക്കോടതിയുടെ റിട്ട് അധികാരം സുപ്രീംകോടതിയുടെതിനേക്കാൾ വിശാലമാകുന്നത് ?
- സുപ്രീംകോടതിക്ക് മൗലികാവകാശങ്ങളുടെ നിർവഹണത്തിനായി മാത്രമേ റിട്ട് പുറപ്പെടുവിപ്പിക്കുവാൻ കഴിയൂ.
- അതേസമയം ഒരു ഹൈക്കോടതിക്കും മൗലികാവകാശങ്ങൾ നടപ്പാക്കുന്നതിന് മാത്രമല്ല മറ്റേതെങ്കിലും കാര്യത്തിലും റിട്ട് പുറപ്പെടുവിപ്പിക്കുവാൻ കഴിയും.
- ഹൈക്കോടതിയിൽ നിന്ന് നീതി ലഭ്യമാകുന്നതിനാൽ പരാതിക്കാരൻ ആദ്യം ഹൈക്കോടതിയെ സമീപിക്കുന്നതാണ് ഉചിതം എന്ന് സുപ്രീംകോടതിയും അഭിപ്രായപ്പെട്ടിട്ടുണ്ട്.
- ആർട്ടിക്കിൾ 32 പ്രകാരമുള്ള പ്രശ്നപരിഹാരത്തിന് സുപ്രീംകോടതിയെ സമീപിച്ചാൽ അത് നിരസിക്കുവാൻ സുപ്രീംകോടതിക്ക് കഴിയില്ല.
- എന്നാൽ ആർട്ടിക്കിൾ 226 പ്രകാരമുള്ള ഒരു പ്രശ്നപരിഹാരത്തിന് ഹൈക്കോടതിയെ സമീപിച്ചാൽ അത് നിരസിക്കാൻ ഹൈക്കോടതിക്ക് അധികാരം ഉണ്ടായിരിക്കും.
- എന്നാൽ ശ്രദ്ധിക്കേണ്ട വസ്തുത സുപ്രീംകോടതിക്ക് ഇന്ത്യയുടനീളം റിട്ടുകൾ പുറപ്പെടുവിപ്പിക്കുവാൻ സാധിക്കും.
- ഹൈക്കോടതിക്ക് അതിൻറെ പ്രാദേശിക അധികാരപരിധിയിൽ മാത്രമേ റിട്ടുകൾ പുറപ്പെടുവിപ്പിക്കുവാൻ സാധിക്കുകയുള്ളൂ.