Question

സമുദ്രജലത്തിൽ ലവണത്തിന്റെ ഏറ്റക്കുറച്ചിലിന് കാരണമാകുന്ന സാഹചര്യങ്ങൾ എന്തെല്ലാം :

1. കരയാൽ ചുറ്റപ്പെട്ട കടൽ ഭാഗങ്ങളിൽ ലവണത്വം കുറവായിരിക്കും
2. ഉയർന്ന അളവിൽ ബാഷ്പീകരണം നടക്കുന്ന പ്രദേശങ്ങളിൽ ലവണത്വം കൂടുന്നു
3. ധാരാളം നദികൾ വന്നുചേരുന്ന സമുദ്ര ഭാഗങ്ങളിൽ ലവണത്വം കുറയുന്നു
4. ഉയർന്ന അളവിൽ മഴ ലഭിക്കുന്നത് ലവണത്വം കുറയുന്നതിന് ഇടയാക്കുന്നു

• A. മൂന്ന് മാത്രം
• B. എല്ലാം
• C. രണ്ടും മൂന്നും നാലും
• D. ഇവയൊന്നുമല്ല

Answer 1

Answer:

C. രണ്ടും മൂന്നും നാലും

• കടൽ വെള്ളത്തിൽ അടങ്ങിയിരിക്കുന്ന ലവണാംശത്തിൻറെ സാന്ദ്രീകരണം ലവണത്വം എന്നറിയപ്പെടുന്നു.

• കരയാൽ ചുറ്റപ്പെട്ട കടൽ ഭാഗങ്ങളിലെ (Enclosed Seas) ലവണത്വം (Salinity) കുറവാകുകയോ കൂടുകയോ ചെയ്യാം.

• ഇത് പ്രധാനമായും അവിടുത്തെ ബാഷ്പീകരണം (Evaporation), വർഷപാതം (Precipitation), നദികളിൽ നിന്നുള്ള ശുദ്ധജലത്തിൻ്റെ ഒഴുക്ക് (River influx) എന്നിവയെ ആശ്രയിച്ചിരിക്കും.

ലവണത്വത്തിൻ്റെ ഏറ്റക്കുറച്ചിലിനു  കാരണമാകുന്ന സാഹചര്യങ്ങൾ ഇവയാണ്:

• ഉയർന്ന അളവിൽ ബാഷ്പീകരണം നടക്കുന്ന പ്രദേശങ്ങളിൽ ലവണത്വം കൂടുന്നു.

• ബാഷ്പീകരണം നടക്കുമ്പോൾ, ജലാംശം (ശുദ്ധജലം) മാത്രമാണ് നീരാവിയായി അന്തരീക്ഷത്തിലേക്ക് പോകുന്നത്.

• എന്നാൽ ജലത്തിൽ ലയിച്ചുചേർന്ന ലവണങ്ങൾ (ഉപ്പ്) അതേ അളവിൽ സമുദ്രത്തിൽത്തന്നെ അവശേഷിക്കുന്നു.

• ഇതിൻ്റെ ഫലമായി, ജലത്തിൻ്റെ അളവ് കുറയുകയും ലവണത്തിൻ്റെ അളവ് കൂടുകയും ചെയ്യുന്നതിനാൽ, ആ പ്രദേശത്തെ ലവണാംശം വർദ്ധിക്കുന്നു.

• ധാരാളം നദികൾ വന്നുചേരുന്ന സമുദ്ര ഭാഗങ്ങളിൽ ലവണത്വം കുറയുന്നു.

• നദികൾ വഹിച്ചുകൊണ്ടുവരുന്നത് ശുദ്ധജലമാണ് (Freshwater), ഇതിൽ സമുദ്രജലവുമായി താരതമ്യം ചെയ്യുമ്പോൾ ലവണാംശം വളരെ കുറവായിരിക്കും

• ഉയർന്ന അളവിൽ മഴ ലഭിക്കുന്നത് ലവണത്വം കുറയുന്നതിന് ഇടയാക്കുന്നു.

• മഴവെള്ളം ശുദ്ധജലമാണ് (Freshwater). ഇത് സമുദ്രോപരിതലത്തിൽ പതിക്കുമ്പോൾ, ഉപ്പിൻ്റെ സാന്ദ്രത കുറച്ചുകൊണ്ട് സമുദ്രജലത്തെ നേർപ്പിക്കുന്നു

• ഉയർന്ന അളവിൽ മഞ്ഞുരുകി ജലം എത്തുന്ന സമുദ്ര ഭാഗങ്ങളിലും ലവണത്വം കുറയുന്നു.