Question

ചൈൽഡ് ഹെല്പ് ലൈൻ നമ്പർ എത്രയാണ്

• A. 1098
• B. 1048
• C. 1068
• D. 1078

Answer 1

Answer:

A. 1098

• ചൈൽഡ് ഹെല്പ് ലൈൻ നമ്പർ എത്രയാണ് - 1098

ബാലവേല നിരോധന നിയമം 1986

• 14 വയസ്സിന് താഴെയുള്ള കുട്ടികളെ ജോലിക്ക് നിയമിക്കുന്നത് കുറ്റകരമാണ്.

വിദ്യാഭ്യാസ അവകാശ നിയമം 2009

• 6 മുതൽ 14 വയസ്സ് വരെയുള്ള കുട്ടികൾക്ക് സൗജന്യവും നിർബന്ധിതവുമായ പ്രാഥമികവിദ്യാഭ്യാസം ഉറപ്പുനൽകുന്നു.

ബാലാവകാശ സംരക്ഷണ കമ്മീഷൻ

• കുട്ടികളുടെ അവകാശങ്ങൾ സംരക്ഷിക്കാൻ വേണ്ടി ദേശീയതലത്തിൽ ദേശീയ ബാലാവകാശ സംരക്ഷണ കമ്മീഷനും സംസ്ഥാനതലത്തിൽ സംസ്ഥാന ബാലാവകാശ സംരക്ഷണ കമ്മീഷനും പ്രവർത്തിക്കുന്നുണ്ട്.

ബാലനീതി നിയമം (2015)

• സുരക്ഷിതബാല്യം ഉറപ്പുവരുത്തുന്നതിനായി 2015-ൽ നിലവിൽ വന്ന നിയമമാണ് ബാലനീതി നിയമം.

• കുട്ടികളെ ഉപദ്രവിക്കുക, അവഗണിക്കുക, ഭിക്ഷാടനത്തിനുപയോഗിക്കുക, അടിമവേല ചെയ്യിക്കുക, ലഹരി വസ്തുക്കൾ നൽകുക, അതിൻ്റെ വില്പനക്കായി കുട്ടികളെ ഉപയോഗിക്കുക തുടങ്ങിയവ ഈ നിയമമനുസരിച്ച് ശിക്ഷാർഹമാണ്.

• ഇത്തരം അവകാശലംഘനങ്ങൾ ഉണ്ടായാൽ സംസ്ഥാന ബാലാവകാശ സംരക്ഷണ കമ്മീഷനെ സമീപിക്കാവുന്നതാണ്.

പോക്സോ ആക്ട് 2012(Protection of Children from Sexual Offences Act 2012)

• ലിംഗപദവി വ്യത്യാസം ഇല്ലാതെ കുട്ടികൾക്കെതിരെയുള്ള ലൈംഗിക അതിക്രമങ്ങളിൽ നിന്ന് അവരെ സംരക്ഷിക്കുന്നതിനായി നിലവിൽ വന്ന നിയമമാണ് പോക്സോ ആക്ട് (ലൈംഗിക കുറ്റകൃത്യങ്ങളിൽ നിന്നും കുട്ടികളെ സംരക്ഷിക്കുന്നതിനുള്ള നിയമം) 2012.

• അന്താരാഷ്ട്രതലത്തിൽ 1989-ൽ നിലവിൽ വന്ന കുട്ടികളുടെ അവകാശ ഉടമ്പടിയെ അംഗീകരിച്ചുകൊണ്ടാണ് ഇന്ത്യാഗവൺമെൻ്റ് ഈ നിയമം നടപ്പിലാക്കിയിട്ടുള്ളത്.