Question

ചിത്രകലയിൽ മിടുക്ക് കാണിക്കുന്ന കുട്ടികൾ വികസിച്ചു നിൽക്കുന്ന ബുദ്ധി മേഖലയെ ബഹുമുഖ ബുദ്ധി സിദ്ധാന്തം ഉപയോഗിച്ച് എന്ത് വിളിക്കാം ?

• A. വ്യക്ത്യാന്തര ബുദ്ധി
• B. ദൃശ്യ സ്ഥലപര ബുദ്ധി
• C. ആത്മീയ ബുദ്ധി
• D. ഭാഷാപര ബുദ്ധി

Answer 1

Answer:

B. ദൃശ്യ സ്ഥലപര ബുദ്ധി

ബഹുതര ബുദ്ധി സിദ്ധാന്തം (Theory of Multiple Intelligence):

• 1983-ൽ അമേരിക്കൻ ജ്ഞാനനിർമ്മിതിവാദിയായ ഹൊവാർഡ് ഗാർഡ്നർ (Howard Gardner) ആണ് ബഹുതര ബുദ്ധി സിദ്ധാന്തം ആവിഷ്കരിച്ചത്.
• 1983 ൽ, മനസിന്റെ ചട്ടക്കൂട് (Frames of mind) എന്ന ഗ്രന്ഥത്തിലാണ്, ഗാർഡ്നർ ഈ സിദ്ധാന്തം പരാമർശിക്കുന്നത്.
• ബഹുതര ബുദ്ധി സിദ്ധാന്ത പ്രകാരം, ഓരോ വ്യക്തിയും 7 തരം മാനസിക ശേഷിയുടെ ഉടമയാണെന്ന് അദ്ദേഹം വാദിച്ചു.

 

ഗാർഡനറുടെ 7 മാനസിക ശേഷികൾ:

1. ദൃശ്യ / സ്ഥലപര ബുദ്ധി (Visual/ Spatial Intelligence)
2. വാചിക / ഭാഷാപര ബുദ്ധി (Verbal / Linguistic Intelligence)
3. യുക്തി ചിന്തന / ഗണിതപര ബുദ്ധി (Logical/ Mathematical Intelligence)
4. കായിക / ചാലകപരമായ ബുദ്ധി (Bodily / Kinesthetic Intelligence)
5. താളാത്മക / സംഗീതാത്മക ബുദ്ധി (Rhythmic / Musical Intelligence)
6. വ്യക്ത്യാന്തര ബുദ്ധി (Interpersonal Intelligence)
7. ആന്തരിക വൈയക്തിക ബുദ്ധി (Intrapersonal Intelligence)

 

ഗാർഡ്നർ കൂട്ടിച്ചേർത്ത ബുദ്ധി ശക്തികൾ:

 

 

       ബുദ്ധി ശക്തിയുമായി ബന്ധപ്പെട്ട 'Intelligence Reframed' എന്ന ഗ്രന്ഥത്തിൽ 2 തരം ബുദ്ധി ശക്തി കൂടി ഗാർഡ്നർ കൂട്ടി ച്ചേർത്തു.

1. പ്രകൃതിപര ബുദ്ധി (Naturalistic Intelligence)
2. അസ്തിത്വപര ബുദ്ധി (Existential Intelligence)

 

ദൃശ്യ / സ്ഥലപര ബുദ്ധി:

• വസ്തുക്കളെ സ്ഥാന നിർണയം നടത്തുന്നതിനും, ദിക്കുകൾ തിരിച്ചറിയാൻ സഹായിക്കുന്നു.
• ഒരു വസ്തുവിന്റെ സാന്നിദ്ധ്യത്തിലും, അസാന്നിദ്ധ്യത്തിലും, അത് കാരണം ഉണ്ടാകുന്ന മാനസിക ബിംബങ്ങൾ, സവിശേഷതകൾ എന്നിവ മനസിലാക്കി പ്രവർത്തിക്കാൻ സഹായിക്കുന്ന ബുദ്ധിയാണ് ഇത്.
• ഭൂപടങ്ങൾ തയ്യാറാക്കൽ, രൂപങ്ങൾ നിർമ്മിക്കൽ, നിറം നൽകൽ, കൊളാഷുകൾ തയ്യാറാക്കൽ തുടങ്ങിയവ ഇതിൽ ഉൾപ്പെടുന്നു.
• നാവികർ, ശില്പികൾ, മെക്കാനിക്കുകൾ, ദൃശ്യകലാകാരന്മാർ, ആർക്കിടെക്ട്റ്റുകൾ തുടങ്ങിയവർക്ക്, ഈ ബുദ്ധി സഹായിക്കുന്നു.