ഗോദാവരി നദിയുടെ പ്രധാന പോഷക നദി ഏത്?
Aഅമരാവതി
Bഇബ്
Cഇന്ദ്രാവതി
Dതുംഗഭദ്ര
Answer:
C. ഇന്ദ്രാവതി
Read Explanation:
ഗോദാവരി
- ഉപദ്വീപീയ നദികളിൽ ഏറ്റവും വലുതും ഇന്ത്യയിലെ നീളമേറിയ നദികളിൽ രണ്ടാമത്തേതുമാണ് ഗോദാവരി.
- 1465 കിലോമീറ്റർ നീളമുള്ള ഈ നദി 'ദക്ഷിണഗംഗ', വൃദ്ധഗംഗ എന്നീ പേരുകളിലൊക്കെ അറിയപ്പെടുന്നു.
- മഹാരാഷ്ട്രയില്‍ നാസിക്‌ ജില്ലയിലെ ത്രയംബക്‌ ഗ്രാമത്തില്‍ ഉദ്ഭവിക്കുന്ന നദി
- ദക്ഷിണേന്ത്യയിലെ ഏറ്റവും നീളം കൂടിയ നദി
- ദക്ഷിണേന്ത്യന്‍ നദികളില്‍ ഏറ്റവും വലിയ തടപ്രദേശമുള്ള നദി
- ദക്ഷിണേന്ത്യയിലെ ഏറ്റവും ജലസമ്പന്നമായ നദി
- ഡക്കാണിലെ നദികളില്‍ ഏറ്റവും നീളമുള്ള നദി
- ആന്ധ്രപ്രദേശിന്റെ ജീവരേഖ
- ദക്ഷിണേന്ത്യയുടെ അരിക്കിണ്ണം എന്നറിയപ്പെടുന്നത് - കൃഷ്ണ - ഗോദാവരി ഡെൽറ്റ
- ഗോദാവരി ഡെൽറ്റയിൽ സ്ഥിതി ചെയ്യുന്ന കണ്ടൽക്കാട് - കൊറിംഗ കണ്ടൽക്കാട്
- ഗോദാവരിയുടെ തീരത്തുള്ള പട്ടണങ്ങൾ - ത്രയംബകേശ്വർ, ഭദ്രാചലം
ഗോദാവരി നദിയുടെ പോഷകനദികൾ
വാർധ:
- സത്പുര മലനിരകളുടെ തെക്ക് മഹാദേബോ കുന്നുകളുടെ താഴെ നിന്ന് തുടങ്ങുന്ന വാർധ ഗോദാവരിയുടെ പ്രധാന പോഷകനദിയായ വെയ്ൻഗംഗയിലേക്ക് ഒഴുകിച്ചേരുന്നു.
പൂർണ:
- മഹാരാഷ്ട്രയിലെ അജന്ത മലനിരകളിൽ നിന്നാണ് പൂർണ ഉദ്ഭവിക്കുന്നത്. 373 കിലോമീറ്റർ നീളമുള്ള ഈ നദി നാൻദേബിൽവച്ച് ഗോദാവരിയുമായി ചേരുന്നു.
പെൻഗംഗ :
- അജന്ത മലനിരകളിൽനിന്ന് തുടങ്ങി മഹാരാഷ്ട്രയുടെ കിഴക്കൻ പ്രദേശത്തുകൂടി ഒഴുകി വാർധ നദിയിൽ ചേരുന്ന നദിയാണ് പെൻഗംഗ.
- വളഞ്ഞു പുളഞ്ഞ് ഒഴുകുന്ന ഈ നദിയിലൂടെ ഗതാഗതം ബുദ്ധിമുട്ടാണ്.
മാനെർ:
- അജന്ത മലനിരകളിൽനിന്നുതന്നെ തുടങ്ങുന്ന മറ്റൊരു നദിയാണ് മാനെർ
- ഇതും ഗോദാവരിയുടെ പോഷകനദിയാണ്.
വെയ്ൻഗംഗ:
- മധ്യപ്രദേശിൽ നിന്ന് ഉദ്ഭവിക്കുന്ന വെയ്ൻഗംഗ ഗോദാവരിയുടെ മറ്റൊരു പ്രധാന പോഷകനദിയാണ്.
- വാർധ നദിയുമായി കൂടിച്ചേർന്ന് മഹാരാഷ്ട്ര-തെലുങ്കാന അതിർത്തിയിലൂടെ തെക്കോട്ട് ഒഴുകിയാണ് ഈ നദി ഗോദാവരിയുമായി കൂടിച്ചേരുന്നത്.
- വെയ്ൻഗംഗ വാർധയുമായി ചേർന്നുകഴിഞ്ഞാൽ പ്രണഹിത എന്നാണ് അറിയപ്പെടുന്നത്
ഇന്ദ്രാവതി:
- ഒഡീഷയിൽ നിന്നാണ് ഇന്ദ്രാവതി നദിയുടെ തുടക്കം.
- ഒഡീഷയിൽ നിന്ന് പടിഞ്ഞാറോട്ടൊഴുകി ഛത്തീസ്‌ഗഡിലൂടെ കടന്നുപോകുന്ന ഇന്ദ്രാവതി തെലുങ്കാന-മഹാരാഷ്ട്ര-ഛത്തീസ്ഗഡ് അതിർത്തികളിൽ വച്ച് ഗോദാവരിയുമായി കൂടിച്ചേരുന്നു.
- ഛത്തീസ്ഗഡിലെ ബസ്താർ ജില്ലയുടെ 'ഓക്സിജൻ ബെൽറ്റ്' എന്നാണ് ഇന്ദ്രാവതി നദി അറിയപ്പെടുന്നത്.
ശബരി:
- ഒഡീഷയിൽ ഉദ്ഭവിച്ച്, ഒഡീഷ-ഛത്തീസ്ഗഢ് അതിർത്തിയിലൂടെ ഒഴുകി ആന്ധ്രാപ്രദേശിൽ വച്ച് ഗോദാവരിയുമായി ചേരുന്ന നദിയാണ് ശബരി.
- ആന്ധ്രാപ്രദേശിൽനിന്ന് തുടങ്ങുന്ന സിലെരു നദി ശബരിയുടെ പ്രധാന പോഷകനദിയാണ്.