Question

ശിലാമണ്ഡലത്തിന്റെ പരിണാമവുമായി ബന്ധപ്പെട്ട ശരിയായ പ്രസ്താവനകൾ ഏതെല്ലാം ?

1. പ്രാരംഭഘട്ടത്തിൽ ഭൂമി അർധദ്രവാവസ്ഥയിലായിരുന്നു
2. സാന്ദ്രതയിൽ ക്രമേണയുണ്ടാകുന്ന വർധനമൂലം ഉള്ളിലേക്ക് പോകുന്തോറും താപനില കുറഞ്ഞ് വന്നു
3. കാലാന്തരത്തിൽ ഭൂമി കൂടുതൽ തണുത്തതിലൂടെ ഭൂമിയുടെ പുറംപാളിയായ ഭൂവൽക്കം രൂപപ്പെട്ടു

• A. i, ii ശരി
• B. i, iii ശരി
• C. iii മാത്രം ശരി
• D. i മാത്രം ശരി

Answer 1

Answer:

B. i, iii ശരി

ശിലാമണ്ഡലത്തിന്റെ പരിണാമം

• പ്രാരംഭഘട്ടത്തിൽ ഭൂമി അർധദ്രവാവസ്ഥയിലായിരുന്നു.
• സാന്ദ്രതയിൽ ക്രമേണയുണ്ടാകുന്ന വർധനമൂലം ഉള്ളിലേക്ക് പോകുന്തോറും താപനിലയും വർദ്ധിച്ചു വരുന്നു.
• ഭൂമിയുടെ ഉള്ളറയിൽ വസ്‌തുക്കൾ സാന്ദ്രതയ്ക്കനുസരിച്ച് വേറിട്ട് ക്രമീകരിക്കാൻ ഇത് കാരണമായി
• ഭാരിച്ച വസ്‌തുക്കൾ (ഇരുമ്പുപോലെയുള്ളവ) ഭൂമിയുടെ ഉള്ളിലേക്ക് താഴ്ന്ന‌ിറങ്ങിയതിനാൽ ഭൂകേന്ദ്രത്തിൽനിന്ന് പുറത്തേക്ക് വസ്‌തുക്കളുടെ സാന്ദ്രത ക്രമേണ കുറഞ്ഞുവരുംവിധം പുനക്രമീകരണമുണ്ടായി
• കാലാന്തരത്തിൽ ഭൂമി കൂടുതൽ തണുത്തതിലൂടെ ഭൂമിയുടെ പുറംപാളിയായ ഭൂവൽക്കം രൂപപ്പെട്ടു.
• ചന്ദ്രന്റെ രൂപീകരണവുമായി ബന്ധപ്പെട്ട 'ഭീമൻ കൂട്ടിയിടി' യുടെ ഫലമായി ഭൂമി വീണ്ടും വൻതോതിൽ ചൂടുപിടിച്ചു.
• വേർതിരിക്കൽ (differentiation) പ്രക്രിയ യിലൂടെയാണ് ഭൗമവസ്‌തുക്കൾ പ്രത്യേക പാളികളായി ക്രമീകരിക്കപ്പെട്ടത്.
• ഭൂവൽക്കം, മാൻ്റിൽ, പുറക്കാമ്പ്, അകക്കാമ്പ് എന്നിങ്ങനെ ഭൂമിയുടെ ഉപരിതലത്തിൽനിന്ന് ഉള്ളിലേക്ക് വ്യത്യസ്‌ത പാളികൾ നില കൊള്ളുന്നു.
• ഭൂവൽക്കത്തിൽനിന്നും കാമ്പിലേക്ക് സാന്ദ്രത വർധിച്ചുവരുന്നു.