Question

അറസ്റ്റ് ചെയ്യപ്പെട്ട ആളുടെ ദേഹത്തുള്ള മുറിവുകളും ആക്രമണങ്ങളും അടയാളങ്ങളും അവയേറ്റ ഏകദേശ സമയവും രേഖപ്പെടുത്തി പരിശോധന റെക്കോഡ് തയ്യാറാക്കണം എന്ന് പറയുന്ന CrPC സെക്ഷൻ ഏതാണ് ?

• A. സെക്ഷൻ 52
• B. സെക്ഷൻ 53
• C. സെക്ഷൻ 54(2)
• D. സെക്ഷൻ 55

Answer 1

Answer:

C. സെക്ഷൻ 54(2)

CrPC സെക്ഷൻ 54 - മെഡിക്കൽ ഓഫീസർ മുഖാന്തിരം അറസ്റ്റിലായ വ്യക്തിയുടെ പരിശോധന 

CrPC സെക്ഷൻ 54 (1) : ഏതെങ്കിലും വ്യക്തിയെ അറസ്റ്റുചെയ്യുമ്പോൾ, കേന്ദ്ര-സംസ്ഥാന സർക്കാരുകളുടെ സേവനത്തിലുള്ള ഒരു മെഡിക്കൽ ഓഫീസറും, മെഡിക്കൽ ഓഫീസർ ലഭ്യമല്ലാത്ത സാഹചര്യത്തിൽ, രജിസ്റ്റർ ചെയ്ത മെഡിക്കൽ പ്രാക്ടീഷണർ മുഖേനയും ആ വ്യക്തിയെ  പരിശോധിക്കേണ്ടതാണ്. 

എന്നാൽ, അറസ്റ്റ് ചെയ്യപ്പെട്ട വ്യക്തി ഒരു സ്ത്രീയാണെങ്കിൽ, ഒരു വനിതാ മെഡിക്കൽ ഓഫീസറുടെ മേൽനോട്ടത്തിലോ വനിതാ മെഡിക്കൽ ഓഫീസർ ലഭ്യമല്ലെങ്കിൽ,  രജിസ്റ്റർ ചെയ്ത ഒരു വനിതാ മെഡിക്കൽ പ്രാക്ടീഷണർ മുഖേനയോ മാത്രമേ പരിശോധന നടത്താവൂ.

CrPC സെക്ഷൻ 54 (2) : അറസ്റ്റിലായ വ്യക്തിയെ പരിശോധിക്കുന്ന മെഡിക്കൽ ഓഫീസർ അല്ലെങ്കിൽ ഒരു രജിസ്റ്റർ ചെയ്ത മെഡിക്കൽ പ്രാക്ടീഷണർ അത്തരം പരിശോധനയുടെ രേഖ തയ്യാറാക്കണം

അതിൽ അറസ്റ്റിലായ വ്യക്തിയുടെ ഏതെങ്കിലും മുറിവുകളോ അക്രമത്തിന്റെ അടയാളങ്ങളോ പരാമർശിക്കേണ്ടതാണ്, കൂടാതെ അത്തരം പരിക്കുകളോ മാർക്കുകളോ ഉണ്ടായേക്കാവുന്ന ഏകദേശ സമയം കൂടി രേഖപ്പെടുത്തണം 

CrPC സെക്ഷൻ 54 (3) : ഉപവകുപ്പ് (1) പ്രകാരം ഒരു പരിശോധന നടത്തുമ്പോൾ, അത്തരം പരിശോധനയുടെ റിപ്പോർട്ടിന്റെ ഒരു പകർപ്പ്, മെഡിക്കൽ ഓഫീസർ അല്ലെങ്കിൽ രജിസ്റ്റർ ചെയ്ത മെഡിക്കൽ പ്രാക്ടീഷണർ, അറസ്റ്റ് ചെയ്യപ്പെട്ട വ്യക്തിക്കോ നാമനിർദ്ദേശം ചെയ്യപ്പെട്ട വ്യക്തിക്കോ നൽകേണ്ടതാണ്.