Question

കേരള തദ്ദേശസ്വയം ഭരണ വകുപ്പിന് കീഴിൽ വരാത്ത സർക്കാർ പ്രസ്ഥാനം ഏത്? 

          1)    ശുചിത്വ മിഷൻ 

         2)     കുടുംബശ്രീ

         3)     ഇൻഫർമേഷൻ കേരള മിഷൻ

         4)      കില(KILA)

• A. 2
• B. 3
• C. 4
• D. ഇവയൊന്നുമല്ല

Answer 1

Answer:

D. ഇവയൊന്നുമല്ല

• കേരളത്തിലെ ഗ്രാമപഞ്ചായത്തുകൾ ,ബ്ലോക്ക് പഞ്ചായത്തുകൾ ,ജില്ലാ പഞ്ചായത്തുകൾ ,മുൻസിപ്പാലിറ്റികൾ ,കോർപ്പറേഷനുകൾ തുടങ്ങിയ പ്രാദേശിക ഭരണകൂടങ്ങളുടെ നയപരമായ കാര്യങ്ങൾ നോക്കുന്ന സംസ്ഥാന സർക്കാരിന്റെ വകുപ്പാണ് തദ്ദേശസ്വയംഭരണ വകുപ്പ്.

•  941 ഗ്രാമപഞ്ചായത്തുകൾ, 152 ബ്ലോക്ക് പഞ്ചായത്തുകൾ, 14 ജില്ല പഞ്ചായത്തുകൾ, 87 മുൻസിപ്പാലിറ്റികൾ, 6 കോർപ്പറേഷനുകൾ എന്നിവയാണ് കേരളത്തിൽ നിലവിൽ ഉള്ളത്

കേരള തദ്ദേശസ്വയംഭരണ വകുപ്പിന്റെ കീഴിൽ വരുന്ന സ്ഥാപനങ്ങൾ

• ശുചിത്വ മിഷൻ - കേരളത്തിലെ ഖരമാലിന്യ സംസ്കരണം, ശുചിത്വം എന്നിവയുമായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കുന്ന സ്ഥാപനം. ഇത് തദ്ദേശസ്വയംഭരണ വകുപ്പിന്റെ കീഴിലാണ്.

• കുടുംബശ്രീ - ദാരിദ്ര്യ നിർമ്മാർജനത്തിനും സ്ത്രീ ശാക്തീകരണത്തിനുമായി രൂപീകരിച്ച ഈ സംരംഭം തദ്ദേശസ്വയംഭരണ വകുപ്പിന് കീഴിലാണ് പ്രവർത്തിക്കുന്നത്.

• ഇൻഫർമേഷൻ കേരള മിഷൻ (IKM) - കേരളത്തിലെ തദ്ദേശസ്വയംഭരണ സ്ഥാപനങ്ങളെ കമ്പ്യൂട്ടർവത്കരിക്കുന്നതിനും ഇ-ഗവേണൻസ് നടപ്പിലാക്കുന്നതിനും വേണ്ടിയുള്ള സ്ഥാപനമാണിത്. തദ്ദേശസ്വയംഭരണ വകുപ്പിന്റെ ഭാഗമാണ്.

• കില (KILA - Kerala Institute of Local Administration)- തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികൾക്കും ഉദ്യോഗസ്ഥർക്കും പരിശീലനം നൽകുന്ന ഒരു സ്ഥാപനമാണിത്. ഇതും തദ്ദേശസ്വയംഭരണ വകുപ്പിന് കീഴിലാണ്.