Question

GST യുടെ നേട്ടങ്ങളിൽ ഉൾപെടുന്നവ ഏതെല്ലാം ?

1. സംയോജിത ദേശീയ വിപണി 
2. കാസ്കേഡിങ് എഫ്ഫക്റ്റ് ഇല്ലാതാകുന്നു 
3. നികുതിയുടെ മൾട്ടിപ്ലിസിറ്റി ഇല്ലാതാകുന്നു 

• A. 1
• B. 1 &2
• C. 2
• D. 1,2,&3

Answer 1

Answer:

D. 1,2,&3

GST യുടെ നേട്ടങ്ങൾ

1.സംയോജിത ദേശീയ വിപണി (Integrated National Market):

• ഇന്ത്യയെ പൊതുവായ നികുതി നിരക്കുകളും, നടപടി ക്രമങ്ങളുമുള്ള ഒരു പൊതു വിപണിയാക്കാനും, സാമ്പത്തിക തടസ്സങ്ങൾ നീക്കുന്നതിനും, ദേശീയ തലത്തിൽ, ഒരു സംയോജിത സമ്പദ് വ്യവസ്ഥയ്ക്ക്, വഴിയൊരുക്കുന്നതിനും, GST ലക്ഷ്യമിട്ടു.
• ഇതിലൂടെ രാജ്യത്തുടനീളമുള്ള ചരക്കുകളുടെയും, സേവനങ്ങളുടെയും തടസ്സം നീക്കുന്നതിനും, സുഗമമായ ചലനം ഉറപ്പാക്കുന്നതിനും സാധിക്കുന്നു.

2. നികുതിയുടെ കാസ്കേഡിംഗ് ഇഫക്റ്റ് (Cascading Effect of Tax):

• മുൻപ് ചുമത്തിയ നികുതി കൂടാതെ, തുടർന്നു വരുന്ന ഓരോ കൈമാറ്റത്തിനും, നികുതി ചുമത്തുന്നതിലൂടെ, നികുതിയുടെ കാസ്കേഡിംഗ് സംഭവിക്കുന്നു.
• ചില അവസരങ്ങളിൽ ഒരു പ്രത്യേക പ്രവർത്തനത്തിന്, കേന്ദ്ര സംസ്ഥാന സർക്കാരുകൾ, നികുതി ചുമത്തുന്നത്, നികുതി ഇരട്ടിയാക്കുന്നതിലേക്ക് നയിക്കുന്നു. ഇത് നികുതിയുടെ കാസ്കേഡിംഗ് ഇഫക്റ്റിന് കാരണമാകുന്നു.

3.നികുതികളുടെ പെരുപ്പം ഇല്ലാതാവുന്നു (Removal of Multiplicity of Taxes):

• ഒന്നിലധികം നികുതികൾ ഈടാക്കുന്ന വ്യവസ്ഥ, GST ഇല്ലാതാക്കുന്നു. 
• എക്സൈസ് ഡ്യൂട്ടി, മൂല്യ വർദ്ധിത നികുതി, എൻട്രി ടാക്സ്, ആഡംബര നികുതി, വിനോദ നികുതി, ഒക്ട്രോയ്, സേവന നികുതി എന്നിവ GST നികുതിയുടെ കീഴിലാക്കുന്നതിനാൽ ഒരൊറ്റ നികുതി എന്ന വ്യവസ്ഥ സംജാതമാക്കുന്നു.
• ഇത് ഇന്ത്യയിൽ സുതാര്യതയും, ബിസിനസ് ചെയ്യാനുള്ള എളുപ്പവും സാധ്യമാക്കുന്നു.
  

4.ജിഡിപിയിൽ വർദ്ധനവ് (Increase in GDP):

• GST ഇന്ത്യയിൽ സംരംഭങ്ങൾ ആരംഭിക്കാനുള്ള, അനുകൂല സാഹചര്യം മെച്ചപ്പെടുത്തുമെന്ന് പ്രതീക്ഷിക്കുന്നു.
• അത് നികുതി വ്യവസ്ഥയിൽ, ഉറപ്പും വിശ്വാസവും കൊണ്ടു വരുന്നു.
• ഇത് വിദേശ നിക്ഷേപകരിൽ നിന്നുള്ള വരവ്, വലിയ മൂലധന ലഭ്യതയിലേക്ക് നയിക്കുന്നു.
• GDP വളർച്ചയിലേക്ക് നയിക്കുന്ന, നിർമ്മാണ, സേവന മേഖലകളിൽ കുതിച്ചുചാട്ടം ഉണ്ടാകുന്നു.