Question

മ്യൂണിക്ക് ഉടമ്പടിയുമായി ബന്ധപ്പെട്ട കൃത്യമായ പ്രസ്താവനകൾ ഏതെല്ലാമാണ്?

1. ഒന്നാം ലോകമഹായുദ്ധത്തിനു ശേഷം രൂപീകൃതമായ സ്വതന്ത്ര രാജ്യമായ ചെക്കോസ്ലോവാക്യയുടെ ജർമ്മൻ ഭൂരിപക്ഷ പ്രദേശമായിരുന്നു സുഡെറ്റെൻലാൻഡ്.
2. ഹിറ്റ്‌ലർ സുഡെറ്റൻലാൻഡ് പിടിച്ചെടുക്കാൻ ശ്രമിച്ചപ്പോൾ ബ്രിട്ടനും ഫ്രാൻസും ചെക്കോസ്ലോവാക്യയ്ക്ക് അനുകൂലമായ നിലപാടാണ് സ്വീകരിച്ചത്.
3. 1938 സെപ്റ്റംബറിലെ മ്യൂണിക്ക് ഉടമ്പടി പ്രകാരം സുഡെറ്റെൻലാൻഡിൽ ജർമ്മനിക്ക് യാതൊരു അവകാശങ്ങളും ഇല്ലാതെയായി
4. മ്യൂണിക്ക് ഉടമ്പടിക്ക് ആറുമാസത്തിനുശേഷം, ജർമ്മനി ചെക്കോസ്ലോവാക്യയെ ആക്രമിച്ച് പൂർണ്ണമായും കീഴടക്കി

• A. 1, 4 എന്നിവ
• B. 2 മാത്രം
• C. 2, 4 എന്നിവ
• D. എല്ലാം

Answer 1

Answer:

A. 1, 4 എന്നിവ

മ്യൂണിക്ക് ഉടമ്പടി

• ഒന്നാംലോക യുദ്ധത്തിനു ശേഷം രൂപം കൊണ്ട ചെക്കോസ്ലോവാക്ക്യ എന്ന സ്വതന്ത്ര രാജ്യത്തിൽ ജർമൻവംശജർക്ക് ഭൂരിപക്ഷമുള്ള പ്രദേശമായിരുന്നു സുഡെറ്റെൻലാൻഡ്
• വ്യാവസായിക ലക്ഷ്യങ്ങൾ കൂടി മനസ്സിൽ കണ്ട് ജർമ്മൻ ഏകാധിപതിയായിരുന്ന ഹിറ്റ്ലർ ഈ പ്രദേശം കീഴടക്കുവാൻ തീരുമാനിച്ചു.
• ഇതിനെ തുടർന്ന് ചെക്ക് ഗവൺമെൻറ് ബ്രിട്ടനോടും ഫ്രാൻസിനോട് സഹായം അഭ്യർത്ഥിച്ചു.
• എന്നാൽ ബ്രിട്ടനും,ഫ്രാൻസും ഹിറ്റ്ലർക്ക് അനുകൂലമായ നിലപാട് സ്വീകരിച്ചു.
  
  
• ബ്രിട്ടൻ,ഫ്രാൻസ്, ഇറ്റലി, ജർമ്മനി എന്നീ രാഷ്ട്രങ്ങളുടെ പ്രതിനിധികൾ ജർമ്മനിയിലെ മ്യൂണിക്കിൽ സമ്മേളനം ചേരുകയും ജർമ്മനി നടത്തുന്ന അവകാശവാദം ശരിവെക്കുകയും ചെയ്തു.
  
  
• 1938 സെപ്റ്റംബറിൽ നടന്ന ഈ മ്യൂണിക്ക് ഉടമ്പടിയെ തുടർന്ന് സുഡെറ്റെൻലാൻഡ് ജർമ്മനിക്ക് വിട്ടു നൽകുവാൻ മേൽപ്പറഞ്ഞ രാജ്യങ്ങൾ ചെക്ക് ഗവൺമെന്റിന് മേൽ സമ്മർദ്ദം ചെലുത്തി.
  
  
• 'ചരിത്രത്തിലെ ഏറ്റവും ഹീനമായ ഉടമ്പടി' എന്ന മ്യൂണിക്ക് ഉടമ്പടി വിശേഷിപ്പിക്കപ്പെടുന്നു
  
  
• 1938 ഒക്ടോബർ 1 മുതൽ 10 വരെ നാല് ഘട്ടങ്ങളിലായാണ് ജർമ്മൻ അധിനിവേശം സുഡെറ്റെൻലാൻഡിൽ നടന്നത്.
• എന്നാൽ ആറുമാസങ്ങൾക്ക് ശേഷം ഉടമ്പടിയുടെ മറവിൽ ജർമ്മനി ചെക്കോസ്ലോവാക്യയെ പൂർണമായും കീഴടക്കി.
• ഇതിനെ തുടർന്ന് ബ്രിട്ടനും, ഫ്രാൻസും ജർമനിയോടുള്ള അനുകൂല നിലപാട് അവസാനിപ്പിക്കുകയും യുദ്ധത്തിനുള്ള തയ്യാറെടുപ്പ് ആരംഭിക്കുകയും ചെയ്തു.