Question

ഇവയിൽ ശരിയായ പ്രസ്താവനകൾ ഏത് ?

1.ദക്ഷിണഭാരതത്തിൽ 4 -ആം ശതകത്തിൽത്തന്നെ ഭക്തിപ്രസ്ഥാനം ആരംഭിച്ചിരുന്നു

2.തമിഴ്നാട്ടിൽ ഭക്തിപ്രസ്ഥാനത്തിന് നേതൃത്വം നൽകിയത് നായനാർമാരും ആഴ്‌വാർമാരുമാണ്.

3.നായനാർമാർ ശിവസ്തുതികൾ രചിക്കുകയും ശൈവഭക്തി പ്രചരിപ്പിക്കുകയും ചെയ്തു.

4.ആഴ്‌വാർമാർ വിഷ്ണു സ്തുതികൾ രചിക്കുകയും വിഷ്ണു ഭക്തി പ്രചരിപ്പിക്കുകയും ചെയ്തു.

• A. 1,2,3,4
• B. 1,3
• C. 2,3,4
• D. 1,3,4

Answer 1

Answer:

A. 1,2,3,4

• ഭക്തിപ്രസ്ഥാനത്തിൻ്റെ ഉത്ഭവം ദക്ഷിണഭാരതത്തിൽ ആണ്
• നാലാം ശതകത്തിൽത്തന്നെ ദക്ഷിണഭാരതത്തിൽ ഉൽഭവിച്ച്,ക്രമേണ ഉത്തരേന്ത്യയിലേക്ക് വ്യാപിക്കുകയായിരുന്നു ഭക്തിപ്രസ്ഥാനം.
• ഭക്തിപ്രസ്ഥാനത്തിൻ്റെ ഉത്ഭവസ്ഥാനം ആയി കണക്കാക്കുന്ന പ്രാചീന തമിഴ്നാട്ടിൽ (തമിഴകം) അതിന് നേതൃത്വം നൽകിയത് നായനാർമാരും ആഴ്‌വാർമാരുമാണ്.
• ശിവഭക്തന്മാരായി ദക്ഷിണാപഥത്തിൽ പ്രാചീനകാലത്തുണ്ടായിരുന്ന അറുപത്തിമൂന്ന് വ്യക്തികളാണ് നായനാർമാർ എന്നറിയപ്പെടുന്നത്.
• നായനാർമാർ ശിവസ്തുതികൾ രചിക്കുകയും ശൈവഭക്തി പ്രചരിപ്പിക്കുകയും ചെയ്തു.
• നായനാർമാരുടെ വിവിധ കാലഘട്ടങ്ങളിൽ ഉള്ള രചനകളെ സംഗ്രഹിച വിശുദ്ധഗ്രന്ഥം  തിരുമുറൈ എന്ന് അറിയപ്പെടുന്നു.
• തെക്കേ ഇന്ത്യയിലെ 12 വിഷ്ണുഭക്തന്മാരായ സന്ന്യാസിമാരായിരുന്ന കവികളാണ് ആഴ്‌വാർമാരായി അറിയപ്പെട്ടിരുന്നത്.
• ആഴ്‌വാർമാർ വിഷ്ണു സ്തുതികൾ രചിക്കുകയും വിഷ്ണു ഭക്തി പ്രചരിപ്പിക്കുകയും ചെയ്തു.
• ഇവരുടെ സാഹിത്യകൃതികളുടെ മൊത്തം ശേഖരത്തെ നാലായിരം ദിവ്യപ്രബന്ധങ്ങൾ എന്നു വിളിക്കുന്നു.