Question

താഴെ പറയുന്നവയിൽ ശരിയായ പ്രസ്താവന ഏത് ?

1. “പോളി' എന്നും 'മെർ' എന്നുമുള്ള രണ്ട് ഗ്രീക്കു വാക്കുകളിൽ നിന്നാണ് പോളിമെർ എന്നവാക്ക് ഉത്ഭവിച്ചത്.
2. വളരെയധികം ലഘുതന്മാത്രകൾ ചേർന്നുണ്ടാകുന്ന ഇവ മാകോമോളിക്യൂളുകൾ എന്നും അറിയപ്പെടുന്നു.
3. ഏകലകങ്ങൾ പരസ്പരം സഹസംയോജക ബന്ധനത്തിൽ ഏർപ്പെട്ടിരിക്കുന്നു .
4. ബഹുലകത്തിന്റെ ഘടനാപരമായ ആവർത്തന യൂണിറ്റുകളെ മാകോമോളിക്യൂളുകൾ എന്നറിയപ്പെടുന്നു.

• A. ഇവയൊന്നുമല്ല
• B. 1, 2, 3 ശരി
• C. 2 തെറ്റ്, 4 ശരി
• D. എല്ലാം ശരി

Answer 1

Answer:

B. 1, 2, 3 ശരി

പോളിമേർ /ബഹുലകങ്ങൾ

• “പോളി' എന്നും 'മെർ' എന്നുമുള്ള രണ്ട് ഗ്രീക്കു വാക്കുകളിൽ നിന്നാണ് പോളിമെർ എന്നവാക്ക് ഉത്ഭവിച്ചത്.

• പോളി എന്നാൽ ഒന്നിലധികം എന്നും മെർ എന്നാൽ യൂണിറ്റ് അഥവാ ഭാഗം എന്നുമാണ് അർഥം.

• തന്മാത്രാമാസ് വളരെ കൂടിയ (10- 10 യൂണിറ്റ്) തന്മാത്രകളെയാണ് ബഹുലകങ്ങൾ എന്ന് വിളിക്കുന്നത്.

• വളരെയധികം ലഘുതന്മാത്രകൾ ചേർന്നുണ്ടാകുന്ന ഇവ മാകോമോളിക്യൂളുകൾ എന്നും അറിയപ്പെടുന്നു.

• ബഹുലകത്തിന്റെ ഘടനാപരമായ ആവർത്തന യൂണിറ്റുകളെ ഏകലകങ്ങൾ' എന്നറിയപ്പെടുന്നു.

• ഇവ ലളിതവും ക്രിയാശീലമുള്ളതുമായ തന്മാത്രക ളിൽ നിന്ന് ഉരുത്തിരിഞ്ഞവയാണ്.

• ഏകലകങ്ങൾ പരസ്പരം സഹസംയോജക ബന്ധനത്തിൽ ഏർപ്പെട്ടിരിക്കുന്നു .

• ഏകലങ്ങളിൽ നിന്ന് പോളിമെറുകൾ ഉണ്ടാകുന്ന പ്രവർത്തനത്തെ ബഹുലകീകരണം (പോളിമെറികരണം) എന്നുവിളിക്കുന്നു.

• ഈഥീനെ പോളിത്തീൻ ആക്കിമാറ്റുന്ന പ്രവർത്തനവും ഹെക്സാമെഥീലീഡെഅമീൻ അഡിപിക് ആസിഡുമായി പ്രവർത്തിച്ച് നൈലോൺ 6, 6 ഉണ്ടാകുന്ന പ്രവർത്തനവും രണ്ട് വ്യത്യസ്ത തരം ബഹുലകീകരണത്തിന് ഉദാഹരണമാണ് .