ഗാര്‍ഹിക പീഡന നിരോധന നിയമം
ഗാർഹിക പീഡനത്തിൽ നിന്ന് സ്ത്രീകളെ സംരക്ഷിക്കുന്നതിനായി ഇന്ത്യൻ പാർലമെൻ്റ് 2005-ൽ പാസാക്കിയ നിയമമാണ് ഗാർഹിക പീഡന നിരോധന നിയമം (Protection of Women from Domestic Violence Act, 2005).
ഗാര്‍ഹിക പീഡന നിരോധന നിയമം പാർലമെന്റ് പാസാക്കിയ വർഷം - 2005
ഗാര്‍ഹിക പീഡന നിരോധന നിയമം നിലവിൽ വന്നത് - 2006 ഒക്ടോബർ 26
ഗാർഹിക പീഡന നിയമത്തിൽ കുട്ടിയായി പരിഗണിച്ചിരിക്കുന്നത് - 18 വയസ്സിന് താഴെയുള്ളവരെ
ഗാർഹിക പീഡന നിയമത്തിന്റെ പ്രധാന ഗുണഭോക്താക്കൾ - സ്ത്രീകളും കുട്ടികളും
ഗാര്‍ഹിക പീഡന നിരോധന നിയമമനുസരിച്ച് കോടതിയിൽ അപ്പീൽ നൽകാനുള്ള സമയപരിധി - 30 ദിവസം
ഗാർഹിക പീഡനത്തിന് ഇരയായ ഒരു സ്ത്രീക്ക് താഴെപ്പറയുന്ന മാർഗ്ഗങ്ങളിലൂടെ സഹായം തേടാം:
പോലീസ് സ്റ്റേഷനിൽ പരാതി നൽകുക.
കോടതിയിൽ നേരിട്ട് അപേക്ഷ നൽകുക.
സംരക്ഷണ ഓഫീസർക്ക് (Protection Officer) അപേക്ഷ നൽകുക. ഓരോ താലൂക്കിലും സംരക്ഷണ ഓഫീസർമാർ ഉണ്ടാകും. ഇവരാണ് ഇരയെ സഹായിക്കുന്നതിനും നിയമപരമായ നടപടികൾ സ്വീകരിക്കുന്നതിനും പ്രധാന പങ്ക് വഹിക്കുന്നത്.
സർക്കാർ അല്ലെങ്കിൽ സർക്കാരിതര സംഘടനകളുടെ (NGOs) സഹായം തേടുക. ഗാർഹിക പീഡനത്തിന് ഇരയായവരെ സഹായിക്കുന്ന നിരവധി സംഘടനകൾ പ്രവർത്തിക്കുന്നുണ്ട്.
സൗജന്യ നിയമ സഹായം ലഭ്യമാക്കുന്ന സ്ഥാപനങ്ങളെ സമീപിക്കുക.
ഗാർഹിക പീഡനത്തിന് ഇരയായ സ്ത്രീക്ക് ഈ നിയമപ്രകാരം താഴെപ്പറയുന്ന സംരക്ഷണ ഉത്തരവുകൾക്കായി അപേക്ഷിക്കാം:
സംരക്ഷണ ഉത്തരവ് (Protection Order): പീഡനം നടത്തുന്ന വ്യക്തിയെ ഉപദ്രവിക്കുന്നതിൽ നിന്നും, ഭീഷണിപ്പെടുത്തുന്നതിൽ നിന്നും, ഇരയുടെ ജോലിസ്ഥലത്തോ മറ്റ് സ്ഥിരം സ്ഥലങ്ങളിലോ പോകുന്നതിൽ നിന്നും വിലക്കുന്ന ഉത്തരവ്.
താമസ ഉത്തരവ് (Residence Order) : ഈ നിയമത്തിലെ ഏറ്റവും പ്രധാനപ്പെട്ട ഒന്നാണ് താമസിക്കാനുള്ള അവകാശം (Right to Reside). ഈ നിയമത്തിന്റെ 17-ാം വകുപ്പ് പ്രകാരം, പീഡനത്തിന് ഇരയായ സ്ത്രീക്ക് താൻ മുൻപ് താമസിച്ചിരുന്നതോ അല്ലെങ്കിൽ പങ്കാളിയുമായി ചേർന്ന് താമസിക്കുന്നതോ ആയ വീട്ടിൽ (Shared Household) താമസിക്കാൻ നിയമപരമായ അവകാശമുണ്ട്. ആ വീട്ടിൽ അവൾക്ക് ഉടമസ്ഥാവകാശം ഉണ്ടെങ്കിലും ഇല്ലെങ്കിലും ഈ സംരക്ഷണം ലഭിക്കും. പീഡനം നടത്തുന്ന വ്യക്തിയെ വീട്ടിൽ നിന്ന് പുറത്താക്കാനും കോടതിക്ക് ഉത്തരവിടാൻ കഴിയും. നിയമപരമായ നടപടിക്രമങ്ങളിലൂടെയല്ലാതെ ഇരയെ വീട്ടിൽ നിന്ന് പുറത്താക്കാൻ ആർക്കും അവകാശമില്ല.
സാമ്പത്തിക സഹായ ഉത്തരവ് (Monetary Relief Order): ചികിത്സാ ചെലവുകൾ, വരുമാന നഷ്ടം തുടങ്ങിയവയ്ക്ക് നഷ്ടപരിഹാരം നൽകാൻ ഉത്തരവിടുന്ന ഉത്തരവ്.
കസ്റ്റഡി ഉത്തരവ് (Custody Order): കുട്ടികളുടെ താൽക്കാലിക കസ്റ്റഡി ഇരയായ സ്ത്രീക്ക് നൽകുന്നതിനുള്ള ഉത്തരവ്.
നഷ്ടപരിഹാര ഉത്തരവ് (Compensation Order): പീഡനം മൂലം ഉണ്ടായ മാനസികവും ശാരീരികവുമായ ബുദ്ധിമുട്ടുകൾക്ക് നഷ്ടപരിഹാരം നൽകാൻ ഉത്തരവിടുന്ന ഉത്തരവ്.
