Question

ജപ്പാൻ്റെ മഞ്ചൂരിയൻ അധിനിവേശവുമായി ബന്ധപ്പെട്ട ശരിയായ പ്രസ്താവനകൾ ഏതെല്ലാം ?

1. 1931 സെപ്റ്റംബറിൽ ജപ്പാനീസ് സൈന്യം മഞ്ചൂരിയ  ആക്രമിച്ചു.
2. വടക്കുകിഴക്കൻ ചൈനയിലെ ഒരു വിഭവസമൃദ്ധമായ പ്രദേശമായിരുന്നു മഞ്ചൂരിയ.
3. ജപ്പാൻ മഞ്ചൂരിയ കീഴടക്കിയ ശേഷം ആ പ്രദേശത്തിന്റെ പേര് മാറ്റി മഞ്ചുകുവോ എന്നാക്കി

• A. ഇവയെല്ലാം
• B. 2, 3 എന്നിവ
• C. 3 മാത്രം
• D. 1, 3 എന്നിവ

Answer 1

Answer:

A. ഇവയെല്ലാം

ജപ്പാന്റെ മഞ്ചൂരിയൻ അക്രമണം (1931)

• ഒന്നാം ലോകമഹായുദ്ധത്തിനു ശേഷം ലോകത്തിലെ ഏറ്റവും വലിയ രണ്ടാമത്തെ സാമ്പത്തിക ശക്തിയായി ജപ്പാൻ ഉയർന്നുവന്നു.എന്നാൽ ഇത് താൽക്കാലികമായിരുന്നു.
• ജപ്പാനിൽ ഉണ്ടായ ഒരു വൻ ഭൂകമ്പവും.1929 ലെ ലോക സാമ്പത്തിക മാന്ദ്യവും ജപ്പാൻ്റെ സമ്പത്ത് വ്യവസ്ഥയെ പിടിച്ചു കുലുക്കി.
• ത്വരിത ഗതിയിലുള്ള വ്യവസായവൽക്കരണത്തിന് ജപ്പാന് വിഭവങ്ങൾ ആവശ്യമായി വന്നു
• വടക്കുകിഴക്കൻ ചൈനയിലെ ഒരു വിഭവസമൃദ്ധമായ പ്രദേശമായിരുന്നു മഞ്ചൂരിയ.
• മഞ്ചൂരിയയിൽ വ്യവസായത്തിന് ആവശ്യമായ വിഭവങ്ങളുടെ കനത്ത ശേഖരം ഉണ്ടായിരുന്നു
• എന്നാൽ മഞ്ചൂരിയ ചൈനയുടെ ധാന്യ കലവറ കൂടി ആയിരുന്നു.
• ചൈനയിലെ ദേശീയവാദികൾ മഞ്ചൂരിയയുടെ സംരക്ഷണത്തിനും വലിയ പ്രാധാന്യം നൽകിയിരുന്നു.
• 1931 സെപ്റ്റംബറിൽ ജപ്പാനീസ് സൈന്യം മഞ്ചൂരിയ  ആക്രമിച്ചു.
• അഞ്ചുമാസത്തിനുള്ളിൽ മഞ്ചൂരിയ പൂർണ്ണമായും സൈന്യത്തിന്റെ അധീനതയിലായി.
• മഞ്ചൂരിയയുടെ പേര് മാറ്റി മഞ്ചുകുവോ എന്നാക്കുകയും ജപ്പാന്റെ നിയന്ത്രണത്തിലുള്ള ഒരു ഗവൺമെന്റിനെ അവിടെ സ്ഥാപിക്കുകയും ചെയ്തു

ചൈനയുടെ പ്രതികരണം 

• ചൈന മഞ്ചൂരിയ പ്രശ്നം സർവ്വരാഷ്ട്ര സമിതിയിൽ അവതരിപ്പിച്ചു 
• സമിതി ഈ പ്രശ്നം അന്വേഷിക്കുന്നതിനു വേണ്ടി 'ലിട്ടൺ കമ്മീഷനെ' നിയോഗിക്കുകയും ചെയ്തു.
• കമ്മീഷൻ സമർപ്പിച്ച റിപ്പോർട്ടിന് അടിസ്ഥാനത്തിൽ മഞ്ചൂരിയ വിട്ടുപോകാൻ ലീഗ് ജപ്പാനോട് ആവശ്യപ്പെട്ടു.
• ലീഗിന്റെ  നിർദ്ദേശം അനുസരിക്കാൻ ജപ്പാൻ വിസമ്മതിക്കുകയും ലീഗിലെ അംഗത്വം ജപ്പാൻ ഉപേക്ഷിക്കുകയും ചെയ്തു..