Question

ബ്രിട്ടീഷുകാർക്കെതിരെ ഇന്ത്യയിൽ നടന്ന 1857 ലെ മഹത്തായ കലാപവുമായി ബന്ധപ്പെട്ട താഴെക്കെടുത്തിരിക്കുന്ന ഏതൊക്കെ പ്രസ്താവനകൾ ശരിയാണെന്ന് കണ്ടെത്തുക ?

i) കലാപം പൊട്ടിപ്പുറപ്പെട്ടത് മീററ്റിൽ ആണ്.

ii) ദേശീയവാദികൾ കലാപത്തെ ഇന്ത്യയുടെ ഒന്നാംസ്വാതന്ത്ര്യസമരമായി വിശേഷിപ്പിക്കുന്നു.

iii) കലാപകാരികൾ അവരുടെ പ്രധാനനേതാവായി പ്രഖ്യാപിച്ചത് ബഹദൂർഷാ രണ്ടാമനെയാണ്.

iv) കാൺപൂരിൽ കലാപത്തിന് നേതൃത്വം വഹിച്ചത് നാനാ സാഹിബായിരുന്നു.

• A. i, ii & iii മാത്രം ശരിയാണ്
• B. i, ii & iv മാത്രം ശരിയാണ്
• C. i & ii മാത്രം ശരിയാണ്
• D. i, ii, iii & iv എന്നിവയെല്ലാം ശരിയാണ്

Answer 1

Answer:

D. i, ii, iii & iv എന്നിവയെല്ലാം ശരിയാണ്

• 1857 മെയ് 10-ന് മീററ്റിലെ ബാരക്കുകളിൽ നിന്നാണ് പടയാളികൾ പരസ്യമായി ബ്രിട്ടീഷുകാർക്കെതിരെ കലാപം ആരംഭിച്ചത്. അതുകൊണ്ട് കലാപം പൊട്ടിപ്പുറപ്പെട്ടത് മീററ്റിൽ ആണെന്നത് ശരിയാണ്.

• ഒന്നാം സ്വാതന്ത്ര്യസമരം: ഇന്ത്യൻ ദേശീയവാദികൾ, പ്രത്യേകിച്ച് വി.ഡി. സവർക്കറെപ്പോലുള്ള ചരിത്രകാരന്മാർ, ഈ പോരാട്ടത്തെ കേവലമൊരു പട്ടാളലഹളയായി കാണാതെ 'ഇന്ത്യയുടെ ഒന്നാം സ്വാതന്ത്ര്യസമരം' എന്ന് വിശേഷിപ്പിച്ചു.

• നേതൃത്വം (ഡൽഹി): മീററ്റിൽ നിന്നും ഡൽഹിയിലേക്ക് മാർച്ച് ചെയ്ത വിപ്ലവകാരികൾ, അന്നത്തെ അവസാന മുഗൾ ചക്രവർത്തിയായിരുന്ന ബഹദൂർഷാ രണ്ടാമനെ (ബഹദൂർഷാ സഫർ) ഇന്ത്യയുടെ ചക്രവർത്തിയായി പ്രഖ്യാപിക്കുകയും കലാപത്തിന്റെ ഔദ്യോഗിക നേതാവാക്കുകയും ചെയ്തു.

• നേതൃത്വം (കാൺപൂർ): കാൺപൂരിൽ കലാപത്തിന് ചുക്കാൻ പിടിച്ചത് പേഷ്വ ബാജിറാവു രണ്ടാമന്റെ ദത്തുപുത്രനായ നാനാ സാഹിബ് ആയിരുന്നു. അദ്ദേഹത്തോടൊപ്പം താന്തിയ തോപ്പിയും ഈ പോരാട്ടത്തിൽ പങ്കുചേർന്നു.