ഇന്ത്യൻ ഭൂപ്രകൃതിയെ പ്രധാനമായും അഞ്ച് വിഭാഗങ്ങളായി തിരിക്കാം: ഹിമാലയ പർവതനിരകൾ, ഉത്തര പീഠഭൂമി, തീരസമതലങ്ങൾ, മരുഭൂമി, ദ്വീപുകൾ.
ഹിമാലയം: ലോകത്തിലെ ഏറ്റവും ഉയരമുള്ള പർവതനിരകളാണ് ഇവ. കശ്മീർ മുതൽ അരുണാചൽ പ്രദേശ് വരെ വില്ലുപോലെ വ്യാപിച്ചു കിടക്കുന്നു. ഗ്രേറ്റർ ഹിമാലയം (ഹിമാദ്രി), ലെസ്സർ ഹിമാലയം (ഹിമാചൽ), സിവാലിക് എന്നിവയാണ് പ്രധാന വിഭാഗങ്ങൾ.
ഉത്തര പീഠഭൂമി: ഹിമാലയത്തിനു തെക്കായി സ്ഥിതി ചെയ്യുന്ന വിശാലമായ സമതലമാണിത്. സിന്ധു, ഗംഗ, ബ്രഹ്മപുത്ര നദികൾ രൂപപ്പെടുത്തിയ ഈ പ്രദേശം വളരെ ഫലഭൂയിഷ്ഠമാണ്.
ഇന്ത്യൻ ഉപദ്വീപ്യ പീഠഭൂമി: ഇത് ഇന്ത്യയുടെ പഴയ ഭാഗമാണ്. ആരവല്ലി, വിന്ധ്യ, സത്പുര, പശ്ചിമഘട്ടം, പൂർവ്വഘട്ടം തുടങ്ങിയ പർവതനിരകൾ ഇതിൻ്റെ ഭാഗമാണ്. ഡെക്കാൻ ട്രാപ്പ് ഇതിൻ്റെ പ്രധാന ഭാഗമാണ്.
തീരസമതലങ്ങൾ: പശ്ചിമഘട്ടത്തിനും പൂർവ്വഘട്ടത്തിനും സമാന്തരമായി സ്ഥിതി ചെയ്യുന്ന താഴ്ന്ന പ്രദേശങ്ങളാണ് തീരസമതലങ്ങൾ. പടിഞ്ഞാറൻ തീരസമതലവും കിഴക്കൻ തീരസമതലവും ഇതിൽപ്പെടുന്നു.
പടിഞ്ഞാറൻ തീരസമതലം: ഗുജറാത്ത് മുതൽ കന്യാകുമാരി വരെ വ്യാപിച്ചു കിടക്കുന്നു. ഇത് താരതമ്യേന ഇടുങ്ങിയതാണ്. കൊങ്കൺ തീരം, കാനറ തീരം, മലബാർ തീരം എന്നിവ ഇതിൽ ഉൾപ്പെടുന്നു.
കിഴക്കൻ തീരസമതലം: ബംഗാൾ ഉൾക്കടലിനോട് ചേർന്ന് കന്യാകുമാരി മുതൽ പശ്ചിമ ബംഗാൾ വരെ വ്യാപിച്ചു കിടക്കുന്നു. ഇത് പടിഞ്ഞാറൻ തീരത്തെ അപേക്ഷിച്ച് വീതിയേറിയതാണ്. കോറമാണ്ടൽ തീരം, ഉത്കൽ തീരം, ആന്ധ്ര തീരം എന്നിവ പ്രധാന ഭാഗങ്ങളാണ്.
മരുഭൂമി: വടക്കുപടിഞ്ഞാറൻ ഇന്ത്യയിൽ, പ്രത്യേകിച്ച് രാജസ്ഥാനിൽ സ്ഥിതി ചെയ്യുന്ന വരണ്ട പ്രദേശമാണിത്. താർ മരുഭൂണിയാണ് പ്രധാനപ്പെട്ടത്.
ദ്വീപുകൾ: ബംഗാൾ ഉൾക്കടലിലെ ആൻഡമാൻ നിക്കോബാർ ദ്വീപുകളും അറബിക്കടലിലെ ലക്ഷദ്വീപുകളും ഉൾപ്പെടുന്നു.
