താഴെ തന്നിരിക്കുന്നവയിൽ ശരിയായ ജോഡി/ജോഡികൾ ഏവ ?
- ഹേബിയസ് കോർപ്പസ് - ശരീരം ഹാജരാക്കുക
- പ്രൊഹിബിഷൻ - നിലനിറുത്തുക
- മാൻഡമസ് - ഞങ്ങൾ ആജ്ഞാപിക്കുന്നു
- കൊവാറന്റൊ - എന്ത് അധികാരത്തിൽ
Aa ഉം b ഉം
Ba, c, d
Ca ഉം d ഉം
Dc ഉം d ഉം
Answer:
B. a, c, d
Read Explanation:
5 തരം റിട്ടുകളുണ്ട് :
- ഹേബിയസ് കോർപ്പസ്
- മാൻഡമസ്
- പ്രൊഹിബിഷൻ
- സെർഷ്യോറി
- ക്യോവാറണ്ടോ
-
ഹേബിയസ് കോർപ്പസ് :
- 'ഹേബിയസ് കോർപ്’ എന്ന ലത്തീൻ പദത്തിന്റെ അർത്ഥം 'ശരീരം ഹാജരാക്കുക (to have the body)'
- അന്യായമായി തടങ്കലിൽ വച്ചിരിക്കുന്ന ഒരു വ്യക്തിയുടെ മോചനത്തിനായി പുറപ്പെടുവിക്കുന്ന റിട്ട് : ഹേബിയസ് കോർപ്പസ്
- വ്യക്തിസ്വാതന്ത്ര്യത്തിന്റെ സംരക്ഷകൻ എന്നറിയപ്പെടുന്ന റിട്ട് : ഹേബിയസ് കോർപസ്
-
മാൻഡമസ് :
- മാൻഡമസ് എന്ന ലത്തീൻ പദത്തിന്റെ അർത്ഥം ‘ഞങ്ങൾ കൽപ്പിക്കുന്നു’ (we command)
- ഒരു ഉദ്യോഗസ്ഥനോടോ,പൊതു സ്ഥാപനത്തോടോ സ്വന്തം കടമ നിറവേറ്റാൻ ആവശ്യപ്പെട്ടു കൊണ്ട് കോടതി പുറപ്പെടുവിക്കുന്ന റിട്ട് : മാൻഡമസ്
-
പ്രൊഹിബിഷൻ :
- വാക്കിന്റെ അർത്ഥം : വിലക്കുക (to forbid)
- കീഴ്കോടതി അതിന്റെ അധികാര പരിധി ലംഘിക്കുകയോ, സ്വാഭാവിക നീതിക്കെതിരെ പ്രവർത്തിക്കുകയോ ചെയ്യുമ്പോൾ, അത് തടഞ്ഞു കൊണ്ട് മേൽകോടതി പുറപ്പെടുവിക്കുന്ന റിട്ട് : പ്രൊഹിബിഷൻ
-
സെർഷ്യോറി:
- ഈ പദത്തിന്റെ അർത്ഥം : ഒരു കാര്യത്തെപ്പറ്റി അറിവ് കൊടുക്കുക
- ഒരു കേസ് കീഴ് കോടതിയിൽ നിന്ന്, മേൽക്കോടതിയിലേക്ക് മാറ്റാൻ ഉത്തരവിടുന്ന റിട്ട് : സെർഷ്യോറി
-
ക്യോവാറണ്ടോ :
- ഈ ലത്തീൻ പദത്തിന്റെ അർത്ഥം 'എന്ത് അധികാരത്താൽ’
- ഒരു വ്യക്തി അയാൾക്ക് അർഹമല്ലാത്ത ഉദ്യോഗം വഹിക്കുന്നതിനെ പ്രാഥമികമായി തടയുന്നതിനുള്ള റിട്ട്
- അനർഹമായി ഉദ്യോഗത്തിൽ കയറി പറ്റുകയും, നിയമാനുസൃതം അല്ലാത്ത അധികാരം കൈകാര്യം ചെയ്യുകയും, ചെയ്യുന്ന ഉദ്യോഗസ്ഥനെ തൽസ്ഥാനത്ത് നിന്നും നീക്കം ചെയ്യാൻ ക്യോവാറണ്ടോ റിട്ടിലൂടെ കോടതിക്ക് കഴിയും
- ക്യോവാറണ്ടോ സ്വകാര്യ വ്യക്തികൾക്കെതിരെ പുറപ്പെടുവിക്കാൻ കഴിയുകയില്ല